sábado, 8 de agosto de 2026
A embaixadora de Australia en España, Virginia Greville, trasladou ao presidente da Xunta, Alberto Núñez Feijóo, que Navantia é a licitadora preferente para a construción de barcos da Armada Australiana.
Durante unha reunión mantida esta mañá -á que tamén asistiu o conselleiro de Economía, Emprego e Industria, Francisco Conde-, Feijóo constatou que actualmente están pendentes de pechar os prazos e o contrato da construción de dous BAC (buques de aprovisionamento en combate), que suporá tres millóns de horas de traballo (1,5 millóns de euros por cada barco).
Así mesmo, hai que salientar que un dos aspectos máis importantes deste contrato é que a construción se levaría a cabo no estaleiro de orixe; é dicir, de resultar gañadora Navantia, o proxecto executaríase en Navantia Ferrol.
Cómpre lembrar que foi en 2014 cando o Goberno australiano convocou o concurso para a construción destes dous barcos loxísticos, case idénticos ao BAC Cantabria. E, en agosto de 2015, Navantia presentou unha oferta que resultou finalista, xunto coa presentada polas empresas surcoreanas Daewoo e Marine.
Os numerosos contratos que a empresa pública española ten firmado co país austral pon de manifesto a estreita relación que Navantia mantén con Australia. Non en van, na actualidade Navantia participa, con deseño e transferencia de tecnoloxía, na construción de tres destrutores inspirados nas fragatas españolas da serie F-100.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
