sábado, 8 de agosto de 2026
A comunidade galega despediu 2022 cun total de 142.222 persoas desempregadas en decembro, a cifra máis baixa de toda a serie histórica (1996) para este mes. A directora xeral de Formación para o Emprego e Orientación, Zeltia Lado, puxo en valor hoxe o descenso do paro en colectivos prioritarios como o de menores de 30 ou mulleres, que se anotan o mellor dato en 17 anos, desde que se conta con rexistros oficiais.
Respecto de decembro de 2021 contabilizáronse 10.362 (-6,79%) galegas e galegos menos en situación de desemprego. Nun ano caeu o paro nas catro provincias galegas e nas sete cidades. Tamén en todos os sectores de actividade, liderando a baixa o Primario (-16,03%) e a Industria (-11,50%), destacou Lado.
A Xunta quere seguir en 2023 a captar e reter talento e a identificar actividades con potencial que poidan a seguir a impulsar o crecemento socioeconómico de Galicia, dixo a directora xeral, quen chamou a atención sobre o comportamento do paro rexistrado dos colectivos prioritarios. Lembrou que a cifra actual de desemprego entre os menores de 30 anos e entre as mulleres son as máis baixas da serie histórica para un mes de decembro e que tamén, nos parados de longa duración se anotou un descenso de -8,77%.
Na evolución mensual, Lado apuntou a baixa do desemprego este decembro, con respecto a novembro de 2022, nas catro provincias e nos sete grandes concellos e tamén entre os colectivos con maiores dificultades para encontrar traballo.
En canto ás afiliacións, Galicia mantén a cifra por enriba do millóns de persoas ata quedar situada en 1.042.263, cun crecemento respecto de decembro de 2021 do 0,92% que supón un total de 9.479 traballadoras e traballadores.
Lado lembrou que o emprego seguirá a ser prioridade para a Xunta neste 2023. Subliñou o peso que o eido laboral terá na Estratexia Galicia Retorna 2023-2026 que estima facilitar o regreso duns 30.000 galegos do exterior. No marco da mesma, dixo, destinaranse 175 millóns de euros a impulsar o seu emprendemento, a formación e a colocación. A Consellería de Promoción do Emprego e Igualdade xa iniciou os traballos co Diálogo Social e avoga pola colaboración público-privada para artellar solucións para dar cobertura ás vacantes existentes en determinados sectores de actividade, declarou.
Para conseguir un mercado laboral máis interconectado, formado e dinámico, especificou Lado, o Goberno galego estenderá ao 100% do territorio a Rede de polos de emprendemento e apoio ao emprego durante 2023, ano no que quedara conformada por 12 centros repartidos por toda a xeografía.
Non esquecemos tampouco a ampla representatividade do traballo autónomo na comunidade, especificou Lado, quen anunciou que o Diario Oficial de Galicia publicará mañá mesmo o novo programa Impacto Autónomo con axudas directas (por 30M) de ata 1.500 euros para apoiar a estes profesionais afectados pola suba dos custos enerxéticos e das materias primas que precisan.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
