Noticias economia
Nesta segunda edición, á que xa se sumaron en seis días máis de 3.000 comerciantes galegos, a partir do próximo luns, 24 de outubro, e ata o 31 de decembro os clientes poderán descargarse a través da web bonosactivacomercio.gal bonos desconto por 30 euros, que poderán empregar nos comercios finalmente adheridos. A principal novidade deste ano é que se amplían os tramos de desconto e os importes, de tal xeito que para compras a partir de 20 euros e inferiores a 30, o desconto será de 5 euros; para compras a partir de 30 e inferiores a 50, será de 10 euros; e para os que superen os 50 euros o desconto será de 15 euros.
O presidente da Xunta anunciou que o Consello deu luz verde nunha reunión extraordinaria ao proxecto de Lei de orzamentos da Comunidade Autónoma para 2023, os orzamentos máis altos da historia de Galicia, que ascenden a 12.620 millóns de euros e inclúen un conxunto de medidas de impulso para apoiar ás persoas, familias e empresas e fortalecer os servizos públicos. 'Nun contexto económico como o actual temos a obriga, máis que nunca, de axudar á xente a afrontar as dificultades e de que os esforzos se repartan dun xeito xusto e equitativo', destacou Rueda, quen fixo fincapé en que Galicia se converte así 'nunha das primeiras autonomías' en aprobar os seus orzamentos.
Os Orzamentos do vindeiro ano 2023 incluirán máis de 2.700 millóns de euros para investimentos, un 8,5 % máis que no presente exercicio. Así llo avanzou o conselleiro de Facenda e Administración Pública, Miguel Corgos aos representantes das organizacións sindicais e da Confederación de Empresarios de Galicia. O titular de Facenda trasladoulle as liñas xerais das contas do ano que vén e que a Xunta presentará a vindeira semana. Neste sentido, explicoulles que Galicia vai priorizar o apoio aos sectores, familias e empresas máis afectadas pola inflación, garantir os medios e o persoal precisos para continuar prestando uns servizos públicos de calidade, e seguir modernizando a sanidade, a educación e as políticas sociais.
O Foro Económico de Galicia, coordinado desde o campus de Ourense polo Grupo Governance and Economics Research Network (Gen), presentou en Santiago de Compostela o seu Informe de Conxuntura Socioeconómica III/2022. Nel destácase que a economía galega minora o seu crecemento (4,4% fronte ao 6,8% de España). O documento está asinado polos economistas Patricio Sánchez e Santiago Lago , José Francisco Armesto Piña e Fernando González Laxe, coordinador este último do estudo. Segundo indican en nota de prensa, 'nun contexto de elevado grao de incerteza e o mantemento de tensións inflacionistas, a economía galega modera o seu crecemento no terceiro trimestre do ano, que se sitúa no 4,4%, sete décimas menos que nos trimestres anteriores'.
Galicia pechou setembro coa segunda cifra de paro (144.109) máis baixa de toda a serie histórica (1996) nese mes. Deste xeito, o desemprego baixou en Galicia no último ano nun -5,84% (-8.945 persoas). O paro caeu nas principais variables: nas catro provincias galegas e nas sete grandes cidades; e en todos os sectores económicos liderando o descenso por sexto mes consecutivo a industria (-12,22%). O desemprego tamén baixou con respecto a setembro de 2021 entre os colectivos prioritarios para a Xunta como son os menores de 30 anos (-9,77%) e as mulleres (-6,23%)
Galicia é a 3ª comunidade autónoma cunha menor ratio de débeda por habitante no segundo trimestre do ano, segundo os datos publicados hoxe polo Banco de España. A débeda por habitante sitúase na comunidade galega nos 4.393 euros, fronte aos 6.699 euros da media española, co que cada galego debe hoxe 2.306 euros menos que a media autonómica. Con estes datos, Galicia, co 17,7%, ten un diferencial positivo de débeda coa media de 7,2 puntos no segundo trimestre, xa que o conxunto das CC.AA. ten unha ratio débeda/PIB do 24,9%.
Máis de 170.000 galegos se beneficiaron en 2021 da baixada fiscal da Xunta no Imposto sobre Sucesións e Doazóns (ISD) e do Programa Impostos Cero no rural. Concretamente, 125.971 galegos recibiron unha herdanza, en morte ou en vida, o ano pasado e non pagaron polo imposto de Sucesións e Doazóns grazas á rebaixa fiscal aprobada polo Goberno galego que deixa libre de tributación a máis do 99% dos contribuíntes cando reciben unha herdanza dun familiar directo. Por outra banda, 26.934 cidadáns galegos se beneficiaron do programa Impostos cero no rural.
A Xunta de Galicia advirte de que só a máxima participación das Comunidades Autónomas no reparto dos fondos europeos permitirá que se lles saque o máximo partido. Así o puxo de manifesto o conselleiro de Facenda e Administración Pública, Miguel Corgos, quen participou o mércores en Madrid nun seminario organizado pola Comisión Europea para analizar e impulsar os investimentos para unha economía verde, dixital e xusta, dentro do Plan de Recuperación, Transformación e Resiliencia. O responsable da Facenda galega apuntou que existen dificultades para a súa xestión óptima, como a falta dunha planificación consensuada.
O presidente da Xunta, Alfonso Rueda, anunciou que a Xunta aplicará ata o 31 de decembro, un desconto do 50% nos prezos do autobús autonómico e estenderáas rebaixas ao transporte da ría de Vigo e ao ferrocarril na área de Ferrol. A redución temporal do prezo aplicarase ás tarifas dos bonos mensuais, así como ás viaxes aboadas coas tarxetasde Mobilidade de Galicia. Rueda, quen enmarcou esta nova medida na aposta da Xunta pola mobilidade sostible, fixo referencia aos fondos anunciados en xuño polo Goberno central para que as autonomías apliquen unha bonificación de ata o 50% no transporte da súa competencia a partir do 1 de setembro.
A economía galega medrou no segundo trimestre do ano 2022 un 4,4% en relación ao mesmo trimestre do ano anterior. O instituto Galego de Estatística (IGE) publica hoxe os datos de contabilidade trimestral referentes ao segundo trimestre deste exercicio. En canto á evolución intertrimestral, o PIB autonómico medrou un 1,1%. Desde o punto de vista da demanda, neste segundo trimestre o gasto en consumo final dos fogares e ISFLSF medrou no último ano un 1,8% e as exportacións de bens e servizos aumentaron un 7,3%. No que respecta á oferta, en termos anuais, os servizos medraron un 6,5%, cun maior incremento no apartado de comercio, transporte e hostalería (+19,7%); e a industria manufactureira un 4,7%.
No ano 2015 comercializáronse baixo o amparo desta IXP máis de 19.800 toneladas de carne, o que supón un incremento do 6,7% con respecto a 2014, e o valor económico en primeira venda da produción amparada superou os 112 millóns de euros, un 4% máis que no exercicio anterior, según os datos do Consello Regulador da Indicación Xeográfica Protexida (IXP).
Salienta que máis de 40 edificios rehabilitados, case 100 vivendas recuperadas e ocupadas por familias e máis de 25 locais comerciais habilitados fan que o Casco Vello sexa de novo un espazo de dinamismo central; e avanza a recuperación de 30 novas vivendas e 11 locais comerciais.
Nesta batería de propostas reclámase máis transparencia en todos os elos da cadea de valor, o fomento do consumo dos produtos lácteos no mercado interior da UE e a identificación da orixe dos produtos lácteos. Outras propostas pasan por subir o prezo e do volume de intervención tanto do leite en po como de manteiga, un control e unha regularización.
A conselleira do Medio Rural destaca a importancia de ter logrado sentar por primeira vez nunha mesa a todos os elos da cadea do sector lácteo. No encontro previsto para o 2 de marzo en Compostela, os implicados comezarán por facer un cronograma dos pasos a seguir para afrontar os problemas do sector.
A Axencia para a Modernización Tecnolóxica de Galicia (Amtega) e o Colexio Profesional de Enxeñaría en Informática de Galicia (CPEIG) celebrarán este ano un ciclo de xornadas os perfís dixitais que xorden das novas tendencias tecnolóxicas e ofrecerán formación especializada en TIC para empregados públicos, docentes e familias de Galicia.
Estas listas son utilizadas pola Xunta para a contratación de persoal laboral temporal e para o nomeamento de funcionarios interinos. A inscrición poderase realizar en 25 listas, das que sete ábrense neste 2016. Os interesados terán de prazo ata o 15 de xullo e a Xunta actualiza os méritos das persoas que xa forman parte das listas, que non teñen que inscribirse.
Biofach está considerada a feira de referencia mundial no sector dos alimentos ecolóxicos. Na pasada edición contou con máis de 44.000 visitantes profesionais de 136 países e cun total de 2.344 expositores. Paralelamente, celébrase o Salón Monográfico Internacional de Cosmética Natural Vivaness.
O Parlamento de Galicia aprobou a proposición non de lei do Grupo Popular para por en marcha un Programa de Mercados no Camiño que sexa capaz de aproveitar as oportunidades da Ruta Xacobea para os pequenos produtores e os comerciantes das prazas de abastos e mercados dos concellos polos que transcorre o Camiño de Santiago.
O portavoz parlamentario do BNG pediu explicacións ao presidente sobre o convenio asinado pola Xunta que rebaixa ata un 60% a taxa que paga ENCE por usar o Porto de Ribadeo. Para facerlle un favor a ENCE, afirmou Jorquera, perdemos medio millón de euros ao ano, todo "pola pasta", según denunció el portavoz nacionalista durante el debate parlamentario.
Tres de cada catro destes proxectos están a ser desenvolvidos por microempresas e pequenas compañías. Os créditos brandos de apoio abranguen desde un obradoiro tradicional para a fabricación de pan ata a adquisición de maquinaria para incrementar a capacidade produtiva das compañías.
