Noticias

Rueda resalta a xestión de Galicia dos fondos europeos e insta ao Goberno central a axilizar o reparto

O presidente de la Xunta, Alfonso Rueda, enxalzou hoxe a xestión de Galicia dos fondos europeos Next Generation e instou agora ao Goberno central a axilizar o reparto dos mesmos para que a Comunidade galega non perda esta 'enorme oportunidade histórica'. 'É un tren importante que non podemos deixar pasar e aínda estamos a tempo, porque do contrario ímonos arrepentir moitísimo', advertiu Rueda na súa intervención na clausura do Foro Next Generation, organizado por El Economista en Santiago de Compostela, na que admitiu a 'preocupación' porque estes investimentos non está a chegar.

En concreto, referiuse a que, neste intre, a candidatura de Galicia conta con máis dunha trintena de proxectos industriais “moi importantes” que están xa en tramitación e que están á espera de certezas no reparto destes fondo.
 
Entre estes proxectos, o mandatario galego referiuse á planta de Altri para fabricar fibras téxtiles en Palas de Rei; á de hidroxeno verde de Reganosa e EDP Renovables; á de metanol verde de Forestal del Atlántico; e á factoría de pneumáticos de Sentury Tires. Con respecto a estas tres últimas, puxo en valor o impulso que todas elas suporían para a comarca de Ferrolterra. A estas iniciativas sumou o proxecto de Showa Denko para fabricar ánodos para baterías na Coruña; a de Kern Pharma en Monforte; e o de Lonza en Salvaterra de Miño, para potenciar o sector biotecnolóxico galego.
 
Lentitude no reparto dos fondos
 
Por tanto, o presidente remarcou que con estes proxectos Galicia “ten cumprido” co que lle solicitou o Goberno central, pero alertou que por parte do Goberno de España -cun sistema de distribución destes fondos “moi centralizado”- están pasando os prazos para a súa xestión de modo “preocupante” e “sen concrecións”.
 
Así , reproboulle ao Goberno de España que non cumprise coas expectativas de Stellantis na primeira resolución do Perte do vehículo eléctrico; que aínda se estean a agardar convocatorias doutros Pertes, en referencia ao do naval; ou que o Executivo central se reserve para si a xestión das axudas directas e que, sen chegar a entregalas aínda, estea pensando en deixar en mans das autonomías a fase de préstamos.
 
Ante o que cualificou de “lentitude” na execución dos fondos por parte do Executivo central, Rueda contrapuxo o que está a facer a Xunta de Galicia. Así, remarcou o feito de que o Goberno autonómico xa ten executada a práctica totalidade dos 940 millóns de euros recibidos, dos 1.300 millóns asignados a Galicia. Ao seu entender, esta xestión da comunidade galega reflicte a dilatada experiencia das comunidades autónomas na xestión dos fondos da Unión Europea, que volveu defender.
 
En todo caso e para concluír a súa intervención, anunciou que o Goberno galego vai continuar moi atento ao percorrido dos fondos europeos, porque advertiu que deles depende o emprego e o futuro industrial. “Ás veces é un pouco descorazonador ver que esta preocupación que temos en Galicia pola xestión dos fondos Next Generatión e pola posibilidade de non poder aproveitar esta oportunidade non é igual en todas partes”, admitiu o presidente da Xunta, quen por este motivo demandou o máximo interese e implicación de todas as administración nesta cuestión

R., 2022-11-30

Actualidad

Foto del resto de noticias (cine.jpg) Trátase dos filmes 'Matria', de Álvaro Gago, 'Sica', de Carla Subirana, e 'Samsara', de Lois Patiño, cuxa promoción na mostra será reforzada cun acto especial arredor do cinema galego baixo a marca Films from Galicia. De feito, Galicia acapara tres das catro longametraxes de produción exclusiva española que están presentes no prestixioso festival. 'Galicia está a experimentar unha particular idade de ouro no audiovisual, con grandísimos profesionais en todos os eidos e indicadores como ter por primeira vez tres filmes representados na Berlinale nos falan deste bo momento', segundo expresou o titular de Cultura da Xunta.
Foto de la tercera plana (portugal_galicia.jpg) A 9ª edición do festival cultural Converxencias Portugal-Galicia homenaxeará a Rosalía de Castro nas localidades de Braga (Portugal), Ponteareas e Santiago de Compostela a través da música, da danza, do teatro, do cine, dos faladoiros, da poesía, das exposicións e das visitas guiadas. Como cada ano, este certame cultural programa unha serie de actividades arredor da data de nacemento e de pasamento de Rosalía de Castro e do cantautor portugués José Afonso (Zeca Afonso), respectivamente, estreitando os lazos que unen Portugal e Galicia.

Notas

Este venres, a Praza do Bispo Cesáreo, situada no centro da cidade de Ourense, acollerá unha nova edición da feira divulgativa eXXperimenta en Feminino, organizada pola Facultade de Ciencias, a Escola Superior de Enxeñaría Informática, a Escola de Enxeñaría Aeronáutica e do Espazo e a Escola Universitaria de Enfermaría do campus de Ourense co apoio do Concello de Ourense. En 13 postos abertos ao público, as persoas interesadas poderán achegarse a “descubrir a maxia da ciencia da man das investigadoras do campus de Ourense”.
Vinte e nove anos despois do nacemento do Lugo Cultural, unha iniciativa que dá conta da colaboración e coordinación institucional a prol da promoción de actividades artísticas na capital luguesa e da posta en valor dos espazos universitarios como escenarios culturais, o abano de actividades incluídas na programación de 2023 busca incentivar unha maior implicación da comunidade universitaria na cohesión social.
PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania