viernes, 6 de noviembre de 2026
Neste marco, os recursos procedentes do Feder destinaranse a investimentos para lograr unha Galicia máis competitiva e intelixente, impulsando a transformación innovadora, dixital e o crecemento sostible e a competitividade das pemes.
Así mesmo promoveranse actuacións en materia de eficiencia enerxética, enerxías renovables, adaptación ao cambio climático e prevención de riscos, ciclo da auga, economía circular ou protección e restauración do medio ambiente. Ademais, tamén se financiarán actuacións relacionadas coa mobilidade sostible, as infraestruturas educativas e sanitarias, así como a cultura e o turismo sostible.
FSE+ Galicia 2021-2027
A Comisión Europea tamén aprobou o Programa FSE+ Galicia 2021-2027 que acada os 738,4 millóns de euros (448,5M da contribución da UE e 289,9M proporcionados pola Xunta de Galicia). Este programa promoverá a sustentabilidade e a calidade do emprego, a inclusión social e a loita contra a pobreza ou a formación e educación.
Estes recursos destinaranse a medidas relacionadas co emprego, a adaptabilidade das persoas traballadoras e emprendedores, así como a promover unha participación equilibrada de xénero no mercado de traballo, constituíndo unha prioridade o emprego xuvenil.
Trátase de fomentar a inclusión social e a loita contra a pobreza, mellorar a calidade e inclusión dos sistemas de educación e formación, ou promover a aprendizaxe permanente.
En definitiva, a Comisión Europea ven de aprobar para 2021-2027, os Programas de Galicia dos fondos estruturais FEDER e FSE+, cuxo período de elixibilidade finaliza o 31 de decembro de 2029. Estes Programas contribuirán a reforzar a cohesión económica, social e territorial de Galicia nesta década, atendendo ás prioridades políticas da Unión Europea, especialmente as transicións verde e dixital, no contexto da Política de Cohesión.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
