Noticias economia
Galicia acadou no mes de xullo a cifra de paro máis baixa de toda a serie histórica (desde 1996) con 139.850 persoas desempregadas. O paro cae e as afiliacións aumentan tanto na evolución anual como mensual. Con respecto a xuño, o paro cae en Galicia (-0,77%), mentres que en España aumenta (+0,11%). De feito, a comunidade galega posiciónase como a cuarta rexión na que máis descende o desemprego tanto en termos relativos como en absolutos. Decreceu nun 0,77%, caendo en todos os sectores de actividade, excepto nos servizos. Liderou o descenso a agricultura e a pesca (-4,04%). O paro tamén baixou nos principais colectivos con máis dificultades para atopar un emprego, destacando o ritmo de caída entre os menores de 30 anos (-4,97%).
A Xunta vén de aprobar un límite de gasto non financeiro da Comunidade Autónoma para o exercicio 2023 de 12.599 millóns de euros, o máis alto da historia da Administración autonómica, para atender as prioridades dos galegos. Concretamente, o teito aprobado hoxe no Consello extraordinario sitúase un 8,2 % por riba do orzamento do presente exercicio, o que permitirá elevar a capacidade financeira da Comunidade en 958 M. Esa marxe adicional destinarase a desenvolver os eixes expostos no debate de investidura: traballo, familia e futuro. Galicia é a primeira comunidade autónoma que adopta esta decisión.
O presidente da Xunta, Alfonso Rueda, anunciou tras a celebración do Consello da Xunta que os damnificados polo episodio excepcional de incendios forestais poderán solicitar as axudas de inmediato, tendo en conta que as ordes sairán publicadas no Diario Oficial de Galicia do venres 29. Na reunión do Goberno galego celebrada hoxe deuse conformidade ao decreto 130/2022, do 21 de xullo, de medidas urxentes de axuda para a reparación de danos causados polos incendios que se produciron en Galicia durante o mes de xullo de 2022 e dos criterios das bases reguladoras da concesión de axudas para a reparación de ditos danos, ademais de autorizar ás consellerías á publicación das correspondentes convocatorias.
O impulso de empresas tractoras que promovan modelos de innovación aberta e busquen estar en contacto con novas tecnoloxías que consoliden os seus modelos de negocio é a meta que persegue Unirisco, a primeira empresa de capital risco vinculada aos proxectos das universidades galegas. Os reitores da USC e da UDC, Antonio López e Julio Abalde, xunto co presidente da Deputación da Coruña, Valentín González Formoso, e José Ramón Rioboo, deputado de Emprego, acaban de asinar un protocolo de colaboración para impulsar na provincia, a través de Unirisco, a creación de novas empresas innovadoras cunha importante base tecnolóxica.
O Foro Económico de Galicia, coordinado desde o campus de Ourense polo Grupo Governance and Economics Research Network (Gen), presentou en Santiago de Compostela o seu Informe de Conxuntura Socioeconómica II/2022. Nel destácase que España e Galicia están 'lonxe aínda de recuperar os niveis económicos prepandemia que xa acadaron Portugal, Francia ou Italia' e apúntase como 'novos factores de inestabilidade' a elevada inflación, os confinamentos manufactureiros en China, o conflito en Ucraína, o retraso na execución española dos fondos europeos e o crecente clima de incerteza financeira internacional.
Alfonso Rueda subliñou que a Axenda Financeira de Galicia 2022 aspira a mobilizar 400 M€ para axudar a facer realidade os proxectos do tecido empresarial. Lembrou que é igualmente obrigado que os fondos europeos cheguen ao tecido produtivo para xerar novas oportunidades industriais. 'Non podemos facelo en solitario. Necesitamos que o Goberno tome a iniciativa cun reparto áxil e concreto', dixo, insistindo en que se necesitan certezas para que Stellantis poida competir, para que proxectos transformadores como o polo forestal de Altri en Lugo e a planta orientada de baterías de Showa Denko na Coruña sexan unha realidade, ou para que os proxectos de reindustrialización das Pontes, a nova planta de papel tisú de Ence ou o proxecto de hidróxeno renovable de Reganosa xeren novas oportunidades.
Galicia pechou o mes de xuño con 140.932 persoas sen emprego, a terceira cifra máis baixa de toda a serie histórica de datos (1996). De feito e, tal e como apuntou a directora xeral de Formación para o Emprego e Orientación, Zeltia Lado, só houbo menos paro en xullo e agosto de 2007 con 139.998 e 140.299 desempregados respectivamente. Lado, quen fixo hoxe unha valoración dos datos, destacou que o paro descendeu na evolución anual e mensual, e nas principais variables: en todos os sectores de actividade, nas catro provincias e nas sete grandes cidades. Tamén salientou o comportamento favorable dos colectivos con máis dificultades para atopar un emprego.
O vicepresidente primeiro e conselleiro de Economía, Industria e Innovación, Francisco Conde, mantivo unha reunión en Madrid coa secretaria xeral de Investigación do Ministerio de Ciencia e Innovación, Raquel Yotti.
Na xuntanza abordouse a asignación de fondos a Galicia a través tanto do Plan complementario de Biotecnoloxía aplicada á saúde -un sector estratéxico para a Comunidade- como dos aprobados no ámbito das ciencias mariñas, a comunicación cuántica e a biodiversidade.
O presidente da Xunta informou da avaliación por parte do Consello da Xunta da Axenda Financeira 2022, 'unha folla de ruta con diferentes programas de apoio ás empresas que suman 135,5 M e cos que esperamos unha mobilización público-privada de 400 M, o triplo que o ano anterior'. Para acadar esta meta Galicia conta con distintas medidas englobadas en tres liñas: o reforzo do capital e os fondos propios das empresas; o acceso a instrumentos de débeda; e a oferta de garantías para facilitar a obtención de crédito.
Galicia reduciu un 3,4% o seu endebedamento no primeiro trimestre do ano, o que supuxo rebaixar a súa débeda en 401 millóns de euros, segundo o Protocolo de Déficit Excesivo (PDE) correspondentes ao primeiro trimestre do ano publicados hoxe polo Banco de España. Con estes datos, Galicia diminuíu 1,1 puntos o seu endebedamento en relación ao seu PIB, ata o 17,4%, e sitúase, deste xeito, como a terceira comunidade autónoma de réxime común cunha menor ratio débeda/PIB.
O obxectivo do Fondo de proba de concepto é comprobar se as ideas e a innovación que desenvolvemos neste momento en Galicia pode ter éxito empresarial e, nese caso, acompañar os investigadores ata acadalo". Estará dotado inicialmente con 1.650.000 euros, unha cantidade que se poderá ver incrementada con outras institucións públicas e privadas.
Estudará todas as alternativas na rúa, nas institucións e na xustiza para enfrontar esa decisión e reclamará ao futuro Executivo que a derrogue. Vence: É unha decisión corrupta a favor da pasteira en cuxo consello de administración sentan destacadas figuras deste partido político.
A concesión apresurada da prórroga por un goberno en funcións deixa ás claras a convivencia do PP coa empresa. AGE recorrerá a decisión por vía administrativa e instará ao Goberno a revisar e anular dita resolución. O viceportavoz de AGE, Antón Sánchez, asegura que Feijoo faille o traballo a empresa e pretende colocarse de perfil ante un asunto fundamental para Galiza.
O titular da Xunta asistiu ao acto que oficializa o inicio de fabricación das estruturas flotantes que Navantia Fene construirá para o parque eólico Hywind, en Escocia. Precisa que se trata do segundo contrato en menos dun ano que Navantia Fene consegue no eido da eólica mariña para a empresa enerxética noruega Statoil.
O portavoz de Educación do Grupo Socialista, Vicente Docasar, acusou ao PP de furtarlle o futuro á xeración de mozos e mozas mellor formada da historia de Galicia. O PPdeG vetou unha proposición non de Lei presentada polo deputado socialista para coordinar os recursos da FP coa Consellería de Traballo e facilitar a busca de emprego para a xuventude.
O Observatorio Económico Ourensán resalta que a relación de afiliados sobre pensionistas leva dous anos mellorando grazas á creación de emprego. O informe presentado reflicte que a área metropolitana de Ourense, cun 41% máis de afiliados que de pensionistas, está en mellor situación que Galicia. O Observatorio inclúe un traballo das pensións contributivas.
A Xunta aplaude que os representantes do cerco valorasen positivamente a proposta de reasignación de cota deseñada pola Administración galega a petición do propio sector. A conselleira do Mar reuniuse cos representantes do sector e os sindicatos para buscar unha "base mínima" de posibilidades de pesca para os barcos que teñen cota.
A liña de apoios Reforma 15, da Consellería de Economía, Emprego e Industria, impulsou vendas por 11 millóns de euros e mobilizou máis de 20 millóns en investimentos, dinamizando o emprego entre autónomos e Pemes da construción. O Igape lanza unha nova liña de axudas de 30 millóns de euros.
As peaxes das autoestradas autonómicas non subirán por terceiro ano consecutivo, o que garante que a AG-55 e a AG-57 seguirán estando entre as máis baratas de España. O Consello da Xunta autorizou a habilitación dun crédito de 2,3 millóns de euros para renovar as bonificacións ata o ano 2019.
O conselleiro de Economía, Emprego e Industria destaca que o compromiso coa calidade dos viños da adega pontevedresa Paco & Lola está a impulsar o proceso de internacionalización dunha compañía que exporta o 40% da súa produción en 40 países como Estados Unidos, Reino Unido ou Holanda.
