miércoles, 28 de octubre de 2026
Miguel Corgos gabou a oportunidade que os fondos Next Generation supoñen para o noso país, sempre que se lles tire o máximo partido para transformar o tecido produtivo e favorecer unha economía máis forte e resiliente. Neste sentido, lembrou que Galicia ten xa definidos 355 proxectos públicos e privados para transformar a economía galega, mellorando a súa competitividade e posición internacional. Máis de 350 traballadores realizan tarefas relacionadas coa xestión destes recursos.
O Goberno galego ten en marcha iniciativas como a Unidade de Proxectos Tractores, para colaborar co tecido produtivo e identificar proxectos susceptibles de aproveitar os fondos do Mecanismo de Recuperación e Resiliencia (MRR); a Estratexia Next Generation Galicia, para definir as prioridades na comunidade; a Comisión Next Generation, un órgano para planificar, impulsar e desenvolver os proxectos que poden obter financiación do MRR ou a Oficina Técnica Next Gen para coordinar a posta en marcha de iniciativas públicas e privadas e dar soporte técnico aos proxectos públicos, incluídos os concellos.
Dificultades na xestión
O responsable da Facenda galega apuntou que, a pesar da dilixencia do Goberno galego para o aproveitamento dos fondos, existen dificultades para a súa xestión óptima, como a falta dunha planificación consensuada. Apuntou que é preciso ligar os proxectos a cada territorio posto que as iniciativas estratéxicas de cada C.A. atenden a distintas necesidades.
Para Miguel Corgos é imprescindible, ademais, unha planificación plurianual que recolla os recursos dos que vai dispor cada administración, para mellorar a capacidade de xestión e acelerar a execución dos fondos, ao contar cunha garantía de cobertura financeira.
O conselleiro de Facenda e Administración Pública insistiu na necesidade dunha cogobernanza real, en liña co que esixe a Unión Europea e para iso ofreceu o compromiso do Goberno galego para colaborar co Goberno central e superar todas as dificultades.
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a síndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na síndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raíz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes países. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
