Noticias pesca
O director xeral de Relacións Exteriores e coa UE, Jesús Gamallo, participou en Bruxelas na reunión da comisión de Recursos Naturais (NAT) do Comité Europeo das Rexións (CdR) na que se abordou o programa de traballo da comisión NAT para 2023. Conforme ao recollido nas prioridades políticas do actual mandato do CdR 2020-2025 e o programa de traballo da Comisión Europea para 2023, NAT terá como máxima prioridade traballar para que as rexións e municipios europeos estean mellor preparados para afrontar as diferentes crises, mediante un enfoque europeo coherente, integrado e local.
A conselleira do Mar, Rosa Quintana, valorou que o Goberno central presentase o recurso contra o veto á pesca de fondo establecido pola Comisión Europea e agradeceu este traballo ao que Galicia trasladou a súa achega co obxectivo de fundamentalo. Non obstante, a titular de Mar defendeu a necesidade de que o Executivo estatal solicite a suspensión temporal desta prohibición pois é unha medida arbitraria e sen base científica que está a ter un importante impacto na actividade da frota, polo que esta suspensión 'sería un bo respaldo para o sector'.
O director xeral de Pesca, Acuicultura e Innovación Tecnolóxica, Antonio Basanta, urxiu hoxe na Comisión 8ª de Pesca e Marisqueo do Parlamento de Galicia a que o Goberno central presente canto antes o recurso xudicial contra o veto á pesca de fondo decretado por Bruxelas en 87 zonas de augas comunitarias. Neste sentido, lembrou que os xuristas especializados consultados pola Xunta constataron que a vía xudicial directa por parte dos estados membros sería a máis adecuada para frear este despropósito dado que son actores privilexiados neste proceso e a proba da lexitimidade para recorrer o regulamento de execución sería máis doada.
O presidente da Xunta, Alfonso Rueda, anunciou hoxe que o Goberno galego vai recorrer ante o Tribunal Supremo a recente reforma do Regulamento xeral de costas, impulsada de forma unilateral polo Goberno central, en defensa dos intereses de Galicia, xa que, na práctica, esta modificación limita os dereitos recoñecidos legalmente a particulares, empresas e outros titulares de concesións no dominio público marítimo-terrestre (DPMT), así como as propias competencias autonómicas sobre o litoral.
A conselleira do Mar, Rosa Quintana, mantivo hoxe un encontro cos responsables en materia pesqueira de Cantabria, País Vasco, Asturias e Andalucía para crear unha fronte común na defensa do sector pesqueiro ante a ameaza que supón o veto á pesca de fondo para o seu futuro. As comunidades do Cantábrico e Andalucía analizaron as repercusións que esta medida pode ter na frota e constataron a necesidade de traballar unidos na defensa dos intereses dos buques que faenan no caladoiro nacional e en augas comunitarias.
O veto á pesca de fondo aprobado por Bruxelas en preto dun cento de áreas de augas comunitarias tería un impacto de ata 816 millóns de euros na economía galega. Esta estimación, realizada en base ás Táboas Input-Output da Pesca-Conserva Galegas 2019, mostra que esa prohibición da actividade pesqueira provocaría o colapso de moitas outras actividades marítimo-pesqueiras e da cadea mar-industria, ben pola caída loxística, o arrastre comercial ou a perda de demanda de bens. Con este veto o Executivo comunitario obvia que nas áreas acoutadas se viña pescando desde hai décadas, e mesmo séculos, sen que esa actividade afectase aos hábitats.
A produción do sector do mar en Galicia subiu preto dun 50% desde 2011 ao superar os 5.500 millóns de euros fronte aos 3.700 millóns de euros de 2011 e ten relación con máis do 90% das ramas de actividade da economía. Destaca o gran crecemento da industria transformadora cunha produción de 4.300 millóns de euros, máis do dobre que na edición de 2011. As relacións comerciais con outros países supoñen unha achega importante ao valor global deste sector en Galicia, que fan que o volume económico xeral engadindo os produtos comercializados desde a comunidade rolde os 9.000 millóns de euros, incluíndo as importacións, o que supón a maior cifra da historia.
O presidente da Xunta, Alfonso Rueda, urxiu a construír unha posición sólida a nivel nacional contra o veto á pesca de fondo e compromete o apoio de Galicia aos recursos xudiciais. O titular do Executivo autonómico, acompañado pola conselleira do Mar, Rosa Quintana, mantivo unha xuntanza cos expertos e xuristas da Fundación MarInnLeg, do Instituto de Estudos Europeos Salvador de Madariaga da Universidade da Coruña e con distintos representantes da frota afectada.
A conselleira do Mar, Rosa Quintana, anunciou que a Xunta vai analizar todas as vías legais que ten á súa disposición para recorrer a decisión da Comisión Europea de vetar a pesca de fondo en preto dun cento de áreas en augas comunitarias. A representante do Executivo galego explicou durante un acto na Coruña que nos vindeiros días convocará aos representantes do sector e a expertos xuristas da Fundación MarInnLeg e do Instituto de Estudos Europeos Salvador de Madariaga de Universidade da Coruña (UDC) para avaliar as distintas posibilidades e elixir a máis efectiva na defensa dos intereses da frota galega.
A conselleira do Mar, Rosa Quintana, salientou a aposta de Galicia pola cogobernanza co sector como unha das chaves para superar os retos aos que se enfronta o complexo mar-industria e manter a súa posición de referente europeo, entre eles a revisión da Política Pesqueira Común (PPC) e o desenvolvemento da economía azul. A titular de Mar salientou que Galicia é a principal rexión pesqueira española e europea e que o seu modelo de xestión se basea na cooperación.
Dende o 6 de xaneiro e ata o 3 de xullo a Consellería do Mar da Xunta de Galicia abre o período de veda polo que se prohibe capturar nécora contemplado no Plan de Xeral de Explotación Marisqueira para o 2011.
A Consellería do Mar destina a esta convocatoria específica para 2011 preto de 3 millóns de euros aos que se suman os máis de 10 millóns das axudas de paralización definitiva convencional.
Este produto promociónase en máis de 300 valos publicitarios en máis de 500 puntos de venda de cidades de toda Galicia e a través das Xornadas Gastronómicas. O obxectivo da iniciativa é mellorar a comercialización do mexillón galego no Nadal, incrementar a súa competitividade.
O presidente da Xunta salienta os bos resultados desta campaña do bonito que está a resultar especialmente intensa polo número de capturas e de facturación e convirte e Burela no segundo porto de España.
Representantes de 10 asociacións profesionais de redeiras e a Federación Galega de Redeiras Artesás O Peirao debaten os seus problemas nunha xornada de traballo.
ENCE agradeceu o interese demostrado por Portos de Galicia para acadar o acordo polo que se mantén parte do tráfico de pasta de celulosa desde o porto de Mirasol. A solución loxística do porto de Ribadeo é complementaria coa oferta de transporte de FEVE e o porto de Xixón para o transporte de pasta de papel e madeira desde e cara Navia.
A Consellería do Mar apoia a divulgación e a promoción dos produtos pesqueiros galegos que 38 empresas e consellos reguladores dos ámbitos da pesca e da produción agroalimentaria presentan no Salón Gourmet de Madrid.
A comisión de coordinación convocada pola Consellería do Mar da Xunta é o órgano que dirixirá e orientará o plan Estratéxico da Conserva, que por primeira vez conta con representación do sector e sindical e que estivo paralizado durante varios anos.
Continuar impulsando o liderado de Galicia a nivel mundial e europeo a través dunha acuicultura sostible e respetuosa co medio ambiente é o principal obxectivo da Consellería do Mar que demostra a súa aposta polo futuro do sector coa súa participación en ACUI 2010 que ten lugar no Recinto Ferial Fexdega, de Vilagarcía.
O especialista culinario promove no Fórum Gastronómico 2010 o consumo dos produtos galegos pola súa frescura e calidade e anima aos consumidores a valorar a nosa materia prima.
