Noticias economia
No evento, referente principal para a industria da alimentación iberoamericana e, no que participarán un total de 47 compañías españolas, Galicia contará cun pavillón propio dentro da área dedicada a España. A esta feira, na que se darán cita 1.900 expositores de máis de 30 países, prevese a visita de preto de 50.000 persoas vinculadas ao sector alimentario. A participación na Feira Expo Antad & Alimentaria pretende abrir oportunidades de negocio e alianzas para o tecido empresarial galego. Durante a feira, reforzarase a imaxe da marca Galicia e os produtos galegos con actividades e eventos como obradoiros de cociña ou catas de viños.
Galicia pechou con éxito hoxe unha emisión de 400 millóns de euros en bonos a longo prazo, cunha demanda que multiplicou por cinco a oferta. Esta é a primeira emisión de débeda que leva a cabo a Comunidade Autónoma desde 2014 e supón o inicio do seu retorno gradual aos mercados de débeda. A Consellería de Facenda vén de pechar a operación cun tipo de xuro moi beneficioso, do 1,45%, o mellor acadado por unha comunidade autónoma nestes últimos meses. A duración dos bonos é de dez anos e a operación realizouse coas entidades financeiras Abanca, BBVA, Barclays e Societe Generale.
Segundo as primeiras estimacións do Instituto Galego de Estatística sobre a evolución da economía galega no ano 2018, o dato de crecemento da Comunidade en 2018 foi do 2,8%, que está por riba da do Estado e da media da Eurozona, e que supuxo a creación de 19.000 empregos a tempo completo. Deste xeito, superáronse as previsións establecidas no Plan estratéxico para período 2015-2020 do 2,5% e cumpríronse as estimacións macroeconómicas do Goberno galego. O consumo, cun incremento do 2,2% con respecto ao ano anterior, a formación bruta de capital, cun 7% e as exportacións que avanzaron un 3,4%, son os principais responsables deste resultado.
Entre os programas que se porán en marcha este ano, destacan os centrados en incentivar a contratación, cinco iniciativas que inclúen, todas elas, ademais das axudas á contratación, apoios á cualificación a través dun bono formación de 2000 euros, que se pode incrementar ata os 4000 euros no caso de que a contratación que a empresa leve a cabo sexa indefinida. Os cinco programas de apoio á contratación e formación, nos que se investirán preto de 11 millóns de euros, van dirixidos aos cinco colectivos con máis dificultades para atopar un emprego, e que son prioritarios en materia laboral: autónomos, parados de longa duración, menores de 30 anos, mulleres e persoas con capacidades diferentes.
O presidente da Xunta, Alberto Núñez Feijóo, defendeu hoxe reforzar o Corredor ferroviario ao Noroeste cos investimentos necesarios para unha España equilibrada porque unha España hemipléxica aseverou- tería consecuencias irreparables a longo prazo. Deste xeito, e durante a súa participación, xunto cos presidentes do Principado de Asturias e de Castela e León, nun almorzo informativo organizado por Nueva Economía Fórum, propuxo que se garanta na planificación do Corredor Atlántico o baipás de Monforte, a conexión ferroviaria do Porto Punta Langosteira e, sobre todo, a saída sur de Vigo que, na súa opinión, debe proxectarse xa, aínda que non se poida incorporar ao trazado do corredor ata 2023.
Galicia logrou en 2018 un novo récord de exportacións, superando nun 5,4% o rexistro do ano anterior, e logrando tamén o maior número de empresas exportadoras e empresas exportadoras regulares da súa historia. Así, as vendas ao exterior das empresas galegas sumaron o ano pasado máis de 22.857 millóns de euros, e medraron case o dobre que no conxunto de España, onde se incrementaron nun 2,9%. Segundo os datos publicados hoxe polo Ministerio de Industria, Comercio e Turismo, as exportacións galegas, que superan por primeira vez a barreira dos 22.000 millóns de euros, supoñen un 8% do total das exportacións con orixe en España.
O ano pasado foi o mellor ano do naval na última década porque Galicia representa a metade do sector en España, converténdose na comunidade de referencia neste eido. O sector galego ten actualmente en carteira 27 buques, un 49% do total dos buques contratados en España. E só en 2018, conseguiu 15 novos contratos, o que supón o 63% de todos os contratos acadados polo naval español. O bo momento que está a atravesar o sector se debe en parte á diversificación, á súa capacidade para adaptarse aos novos tempos, innovar tecnoloxicamente e poder así dar resposta ás novas exixencias e tendencias do sector.
Para apoiar proxectos estratéxicos de I+D+i que permitan avanzar cara un novo modelo industrial de futuro para Galicia lanzouse esta convocatoria, dotada con 12,7 millóns de euros e coa que se espera mobilizar preto de 31,3 millóns de euros. As principais novidades perseguen fomentar a participación das pemes: redución do orzamento mínimo dos proxectos de 4 a 2 millóns de euros; aumento do prazo de execución dos proxectos de 3 a 4 anualidades; e establecemento de dúas datas de corte ao longo do ano para adaptarse mellor aos tempos das empresas; entre outras. Mantéñense dúas características dos proxectos: que deben ser estratéxicos para Galicia e deben facer un uso intensivo das tecnoloxías facilitadoras.
A Xunta porá en marcha unha plataforma dixital dirixida ás empresas galegas interesadas en solicitar unha diagnose de cal é a súa situación e como deben actuar ante o Brexit. O conselleiro de Economía, Emprego e Industria, Francisco Conde, explicou na inauguración da xornada Galicia ante o Brexit: perspectivas, retos e oportunidades para as empresas galegas, que esta iniciativa permitirá ao tecido empresarial galego, principalmente ás pemes, coñecer de xeito personalizado o impacto real que pode chegar a ter o Brexit no seu día a día para poder anticiparse a adoptar as medidas necesarias para converter o Brexit nunha oportunidade.
A Agrupación Europea de Cooperación Territorial (AECT) de Galicia-Norte de Portugal intensificará a cooperación transfronteiriza a través, entre outras iniciativas, da redacción dun novo Plan de investimentos conxuntos para o período 2021-2027 e actuacións en materia de I+D+i. Así se acordou hoxe na reunión da Asemblea e do Consello Superior dos órganos directivos desta AECT. No encontro participaron por parte da Xunta o director xeral de Relacións Exteriores e coa UE, Jesús Gamallo; a directora xeral de Administración Local, Marta Fernández-Tapias; o director xeral de Planificación e Orzamentos, Miguel Corgos; e a directora xeral de Patrimonio Natural, Belén do Campo.
O proxecto conta co apoio do Fondo Social Europeo e nel participan como socios o Goberno de Navarra, o Cabildo Insular de Tenerife e Uniminho/Associaçao do Vale do Minho Transfronteiriço.
O convenio asinado entre o Clúster TIC e o Clúster Audiovisual Galego (CLAG) permitirá a ambos sectores optimizar recursos e desenvolver actividades conxuntas de ámbito formativo, comercial, científico e tecnolóxico. A colaboración afiánzase nunha xornada compartida de networking.
Galicia é a comunidade con menor déficit público das 17 comunidades, no ano 2011, e é a única de réxime xeral de financiamento que non acudiu ao rescate do Goberno de España para pagar aos provedores, asegura o titular da Xunta, Alberto Núñez Feijóo.
O presidente da Xunta lembra que un dos principais éxitos turísticos de Galicia, o Xacobeo, xurdiu en plena deflación económica e en medio dunha gran incerteza e avoga por non interromper ese gran exemplo pese aos pésimos tempos.
Os directivos da multinacional china confirmaron o importante investimento durante a visita do conselleiro de Economía e Industria, Javier Guerra, ás instalacións de Citic Group en Luoyang. Os investimentos a realizar en Porriño mellorarán a competitividade da planta de Citic Censa, que poderá fabricar pezas de caldeirería de ata 15 metros de diámetro, fronte ao máximo actual de 12 metros.
O presidente da Xunta pon de exemplos a Pemex e Nestlé que "volve a apostar por Galicia, converténdoa no centro mundial de produción de leite condensada da compañía. Os investimentos de empresas mundiais en Galicia xeran confianza porque a competitividade e produtividade están garantidas.
O titular da Xunta lembra que Galicia é a comunidade máis solvente, a que mellor paga e a única que non tivo que acudir ao rescate do Goberno central para pagar as súas facturas.
La iniciativa permite descargar contenidos multimedia por el cable de carga de las baterías del vehículo mientras éste se recarga. CTAG y la viguesa Welgood Solutions han colaborado en su desarrollo.
O sábado día 26 de maio, 72 adegas das cinco Denominacións de Orixe Protexida ofrecen unha visita guiada polas súas instalacións e unha degustación gratuíta. Un total de 31 restaurantes ofrecen 62 menús enogastronómicos.
O titular da Xunta presidiu a sinatura do convenio de colaboración entre Goberno central, Administración autonómica e 31 concellos en materia de rehabilitación, cunha achega de 44,5 millóns de euros de fondos públicos, o que vai mobilizar un total de investimentos superiores aos 64 millóns.
