sábado, 28 de marzo de 2026
Ademais, Galicia pechou o ano coa terceira mellor balanza comercial en termos absolutos, despois de País Vasco e Navarra, cun saldo positivo de 3.835,5 millóns de euros.
Isto é posible en boa medida grazas a que as pequenas e medianas empresas da Comunidade apostan cada vez máis polos mercados exteriores. Nunca antes venderan ao exterior tantas compañías galegas, e así, en 2018 exportaron un total de 7.259 firmas, un 8,1% máis que en 2017. Destas, 2.498 son empresas exportadoras regulares, aquelas que exportaron nos últimos catro anos consecutivos, unha cifra que é un 3,5% superior á do ano anterior.
Cómpre sinalar os incrementos experimentados ao longo do pasado exercicio nas exportacións de sectores como os aparellos e material eléctrico, cun 74,7%; a madeira e as súas manufacturas, cun 11,8%; a metalurxia, cun 9,9%; ou a automoción, cun 8%.
No tocante aos destinos, no pasado ano sobresae a evolución das exportacións cara a Organización para a Cooperación e o Desenvolvemento Económicos (OCDE), cun incremento do 6,6%, a Organización de Países Exportadores de Petróleo (OPEP), cunha suba do 12,1%; e o Mercosur, cun crecemento do 22%.
Por países, destacan os incrementos das vendas a Bélxica, cun aumento do 35,2%; Portugal e Polonia, cun 14%; Reino Unido, cun 13,3%; Italia, cun 10,4%; Francia, cun 6%; China, cun 6,7%; e Xapón, cara onde as exportacións se incrementaron nu 6,2% o ano pasado.
Para seguir avanzando neste camiño, no que é fundamental a aposta das compañías galegas pola innovación e pola calidade que acompañan á Marca Galicia, a Xunta continuará a colaborar co tecido empresarial a través da Estratexia de Internacionalización da Empresa Galega, para que o tecido empresarial siga medrando e sexa máis competitivo.
Así, mediante os programas do Foexga e do Galicia Exporta, a Consellería de Economía, Emprego e Industria vai investir 11,6 millóns de euros, o que supón un incremento de 3,7 millóns de euros con respecto ás anteriores edicións, para chegar a preto de 1.000 empresas.
O presidente da Xunta, Alfonso Rueda, anunciou hoxe que a Xunta destinará un total de 270 millóns de euros a paliar os efectos do conflito en Oriente Medio na nosa comunidade. Durante a sesión de control no Pleno do Parlamento de Galicia en resposta ás preguntas dos grupos parlamentarios, o titular do Goberno galego lembrou, ao respecto da situación en Oriente Medio, que o Consello da Xunta xa analizou hai dúas semanas 'os primeiros impactos' e que Galicia foi 'a primeira comunidade autónoma en falar cos clústeres'. Nesta liña, o presidente anunciou que o vindeiro Consello autorizará 'un plan de máis de 150 millóns' para atender aos sectores afectados, que se sumará aos máis de 120 millóns que suporá para Galicia financiar as iniciativas do Goberno central a este respecto.
Para a edición de 2026, chegan desde o outro lado do Atlántico La Cura e El Vacío (ambas estreas en España), nas que o coreógrafo cubano Julio César Iglesias dirixe á prestixiosa Compañía Colombiana de Danza Contemporánea. Tamén a conferencia escénica Arder Épica (Cap. 1) na que o artista brasileiro Reinaldo Ribeiro constrúe unha nova memoria colectiva a partir das cinzas que deixou o incendio do Museo Nacional do Brasil en 2018. Forma parte tamén da programación a instalación inmersiva Hecatombe II: Movementos e rituais para a renovación do mundo, da colombiana de orixe indíxena Martha Hincapié Charry, que rescata saberes ancestrais de líderes nativos das primeiras nacións americanas.
