martes, 11 de agosto de 2026
O presidente do Goberno galego, Alberto Núñez Feijóo, afirmou no Parlamento, que Galicia seguirá apostando pola política económica responsable que permita, en plena crise económica, mellorar o Estado do Benestar, fronte ao modelo alternativo socialista que non existe, con baixada de salarios dos empregados públicos, máis impostos e o céntimo sanitario. Non hai modelo alternativo socialista e, non o hai, porque acaban de plantexar o seu modelo en Andalucía: baixada de salarios de todos os empregados públicos un 5%, máis impostos, paralización da obra pública e o máximo, o céntimo sanitario.
Deste xeito, e en resposta a unha pregunta do Grupo Parlamentario socialista, Feijóo aseverou que Galicia vai a seguir traballando. Vamos a seguir traballando no sector industrial, no sector pesqueiro, no sector agrario. En plena crise económica, a Xunta deu o dobre de préstamos ás empresas que en bonanza económica. E vamos a seguir dicindo que, en Galicia, as taxas universitarias seguirán sendo as máis baixas de España; que, en Galicia, non pechamos hospitais, senón que os construímos; que o fracaso escolar está nos mellores datos dos últimos dez anos; e que, en Galicia, a crise económica non só non vai diminuír o estado do Benestar, senón que Galicia está mellorando o Estado do Benestar que vostedes deixaron despois das facturas e da bonanza.
Así mesmo, lembrou que Galicia é a comunidade máis solvente, a que mellor paga e a única que non tivo que acudir ao rescate do Goberno central para pagar as súas facturas, mentres que todas as comunidades gobernadas polo PSOE teñen o maior déficit público de España e os maiores buratos das súas contas públicas.
Galicia é a comunidade que máis responsabilidade fixo nas súas contas públicas, a pesares de ter que pagar o que vostedes deixaron a deber despois de catro anos de risas, de rosas e de facturas nos caixóns, dixo en alusión ao goberno bipartito.
O responsable autonómico sentiuse alarmado pola falla de realismo do PSdeG e pediu ao Partido Socialista que non cree máis incertezas dicindo que a Xunta minte. Din que vamos a cobrar por ir aos hospitais e por facer unha proba, dinlle aos médicos que dan altas por 30 euros... respecte a Galicia, respecte o traballo que fixemos os galegos e as galegas durante os tres últimos anos.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
