Noticias economia
Galicia logrou en 2018 un novo récord de exportacións, superando nun 5,4% o rexistro do ano anterior, e logrando tamén o maior número de empresas exportadoras e empresas exportadoras regulares da súa historia. Así, as vendas ao exterior das empresas galegas sumaron o ano pasado máis de 22.857 millóns de euros, e medraron case o dobre que no conxunto de España, onde se incrementaron nun 2,9%. Segundo os datos publicados hoxe polo Ministerio de Industria, Comercio e Turismo, as exportacións galegas, que superan por primeira vez a barreira dos 22.000 millóns de euros, supoñen un 8% do total das exportacións con orixe en España.
O ano pasado foi o mellor ano do naval na última década porque Galicia representa a metade do sector en España, converténdose na comunidade de referencia neste eido. O sector galego ten actualmente en carteira 27 buques, un 49% do total dos buques contratados en España. E só en 2018, conseguiu 15 novos contratos, o que supón o 63% de todos os contratos acadados polo naval español. O bo momento que está a atravesar o sector se debe en parte á diversificación, á súa capacidade para adaptarse aos novos tempos, innovar tecnoloxicamente e poder así dar resposta ás novas exixencias e tendencias do sector.
Para apoiar proxectos estratéxicos de I+D+i que permitan avanzar cara un novo modelo industrial de futuro para Galicia lanzouse esta convocatoria, dotada con 12,7 millóns de euros e coa que se espera mobilizar preto de 31,3 millóns de euros. As principais novidades perseguen fomentar a participación das pemes: redución do orzamento mínimo dos proxectos de 4 a 2 millóns de euros; aumento do prazo de execución dos proxectos de 3 a 4 anualidades; e establecemento de dúas datas de corte ao longo do ano para adaptarse mellor aos tempos das empresas; entre outras. Mantéñense dúas características dos proxectos: que deben ser estratéxicos para Galicia e deben facer un uso intensivo das tecnoloxías facilitadoras.
A Xunta porá en marcha unha plataforma dixital dirixida ás empresas galegas interesadas en solicitar unha diagnose de cal é a súa situación e como deben actuar ante o Brexit. O conselleiro de Economía, Emprego e Industria, Francisco Conde, explicou na inauguración da xornada Galicia ante o Brexit: perspectivas, retos e oportunidades para as empresas galegas, que esta iniciativa permitirá ao tecido empresarial galego, principalmente ás pemes, coñecer de xeito personalizado o impacto real que pode chegar a ter o Brexit no seu día a día para poder anticiparse a adoptar as medidas necesarias para converter o Brexit nunha oportunidade.
A Agrupación Europea de Cooperación Territorial (AECT) de Galicia-Norte de Portugal intensificará a cooperación transfronteiriza a través, entre outras iniciativas, da redacción dun novo Plan de investimentos conxuntos para o período 2021-2027 e actuacións en materia de I+D+i. Así se acordou hoxe na reunión da Asemblea e do Consello Superior dos órganos directivos desta AECT. No encontro participaron por parte da Xunta o director xeral de Relacións Exteriores e coa UE, Jesús Gamallo; a directora xeral de Administración Local, Marta Fernández-Tapias; o director xeral de Planificación e Orzamentos, Miguel Corgos; e a directora xeral de Patrimonio Natural, Belén do Campo.
Logo de avaliar no Consello da Xunta o informe da Consellería de Facenda sobre o avance do peche do exercicio de 2018, o presidente da Xunta confirmou hoxe que Galicia cumpriu o pasado ano os tres obxectivos de estabilidade orzamentaria e avanzou que pedirá ao Goberno central autorización para reinvestir o superávit, tal como xa habilitou en 2018 o Goberno de Rajoy. Se ben as cifras deberán ser confirmadas polo Ministerio de Facenda nos vindeiros meses, Feijóo subliñou, en primeiro lugar, que o documento non só constata que a Administración autonómica cumpriu en 2018 o límite de déficit público, que era do 0,4%, senón que pechou o exercicio con superávit contable: duns 125 millóns de euros.
A agricultura ecolóxica en Galicia mantén a tendencia positiva e, a falta de pechar definitivamente o balance anual de 2018, os datos provisionais indican que a facturación chegou a superar os 80 millóns de euros. Este incremento é posible grazas a que aumenta tanto a superficie certificada nun 15% como o número de operadores nun 13%. Estes datos foron facilitados na feira de ecoloxía máis importante a nivel internacional, Biofach, en Núremberg, pola delegación trasladada dende a nosa comunidade para apoiar ás empresas galegas que se promocionan nela.
Galicia acadou desde 2015 un aforro anual de 115 millóns de euros en xuros da débeda, e agora vai ser unha das comunidades autonómicas que se beneficien das boas condicións que ofrecen os mercados financeiros. Galicia cumpre os requisitos para poder combinar o financiamento nos mercados coa permanencia no Fondo de Facilidade Financeira, o mecanismo habilitado pola Administración do Estado para as comunidades cumpridoras. Galicia cumpre os obxectivos de estabilidade, o límite de débeda e regra de gasto, e cumpre o límite de pago a provedores, sendo a comunidade líder en España.
Galicia pechou o ano pasado cun incremento da produción industrial do 4,9%, o que a sitúa como a segunda Comunidade na que máis medra este índice e ratifica o destacado papel deste sector na recuperación económica galega. O crecemento do Índice de Produción Industrial (IPI) de Galicia en 2018 é o maior rexistrado nun ano desde 2007 e, ademais, a Comunidade encadea catro subas consecutivas desde 2015. Por sectores, destacan os incrementos na produción de enerxía eléctrica (11,1%), a fabricación doutro material de transporte (77,8%) e a industria da alimentación, que sobe un 3,7%.
Estas son as catro primeiras liñas de subvencións para rehabilitar vivendas que se convocan en 2019 e virán seguidas doutras sete que se convocarán tamén ao longo do primeiro semestre deste ano. En total, o Instituto Galego de Vivenda e Solo (IGVS), organismo dependente da Consellería de Medio Ambiente, Territorio e Vivenda, ten previsto destinar no presente exercicio preto de 27 millóns de euros á concesión de distintos tipos de axudas para rehabilitación. Dos catro programas convocados, dous van dirixidos a solicitantes particulares (o de préstamos para rehabilitación e o programa Rehaluga) e os outros dous, a concellos (rehabilitación de vivendas de mestres e infravivenda rural).
O conselleiro de Economía e Industria salienta no Salón Internacional do Automóbil de Hannover que os novos modelos Partner Galicia e Berlingo Galicia, fabricados en Citroën de Vigo, supoñen un fito na promoción económica e turística internacional da comunidade.
O presidente da Xunta presenta o Plan Estratéxico do Clúster Saúde de Galicia e asegura que o esforzo de profesionais, cidadáns, institucións e empresas permite mellorar a eficacia da sanidade galega en tempos de crise, sen reducir a calidade dos servizos.
A Xunta de Galicia reitera ao comité de empresa Alcoa na Mariña que traballa sen dar pasos atrás para que se concrete unha tarifa eléctrica diferenciada que facilite o mantemento dos postos de traballo e a permanencia da factoría na comarca.
O Instituto Galego de Consumo lembra aos afectados polas participación preferentes interesados en pedir información ou solicitar a vía da arbitraxe, que poden facelo nas oficinas do IGC galegas de A Coruña, Ferrol, Santiago, Lugo, Ourense, Pontevedra e Vigo; nas máis dun centenar de oficinas Municipais de Consumo de toda Galicia; e nas Asociacións de Consumidores da comunidade.
La Consellería do Medio Rural e do Mar, a través de Portos de Galicia, elaborará una guía de servicios náuticos de nuestra comunidad e impulsará la creación del Clúster de la náutica recreativa de Galicia, como medidas prioritarias dentro del Plan Estratégico para el desarrollo del sector, elaborado por el ente público para el periodo 2012-2020.
A Escola Cooperativa Móbil da Consellería de Traballo e Benestar volverá no mes de outubro a percorrer diversos centros educativos de Galicia co fin de dar a coñecer as vantaxes do modelo cooperativo como saída laboral para sacar adiante proxectos emprendedores. Así, entre outubro e o mes de abril, a aula móbil achegarase a 1.600 estudantes de 25 centros distribuídos nas catro provincias.
A Deputación de Lugo destina unha partida de 100.000 euros neste ano 2012 a poñer en valor, difundir e mellorar a comercialización dos produtos autóctonos da provincia como unha vía para revitalizala economía luguesa, sobre todo na zona rural, e frear a grave perda de poboación que está a padecer.
Remarca que nos momentos de maior dificultade económica e de maior estreitez financeira decidimos capitalizar esta compañía e seguir no que, sen dúbida, é unha aposta por ir unindo o sector lácteo galego, tanto na produción como no valor engadido.
A Xunta de Galicia solicita que o asunto se tramite polo procedemento de urxencia de conformidade ao previsto no artigo 98.1 do Regulamento do Parlamento de Galicia. Debatiranse tamén a Lei de Inclusión Social e a adaptación da norma sobre estabilidade e fomento da competitividade no emprego público.
O obxectivo é que ninguén pague máis do que corresponde, que se pague o xusto no momento de adquisición ou no momento de transmisión dunha vivenda en Galicia, asevera Feijóo.
