martes, 11 de agosto de 2026
A campaña orientarase principalmente cara ao alumnado da rede de centros de formación profesional, ocupacional e de formación secundaria. A escola estará en cada colexio ou instituto un mínimo dunha semana.
A iniciativa caracterízase por un labor didáctico deseñado a medida da mocidade e cunha estética que entronca cos seus gustos. Os alumnos reciben na escola móbil charlas sobre a alternativa que representa o cooperativismo como vía de acceso ao mercado laboral, impartidas por dous monitores especializados na materia que, mediante técnicas de aprendizaxe participativas e lúdicas, expoñen contidos didácticos deseñados expresamente para este proxecto.
Asemade os mozos realizan obradoiros a través dos cales van descubrindo as principais vantaxes do modelo cooperativo e teñen a oportunidade de realizar e desenvolver os seus propios proxectos cooperativos, guiados e asesorados polos monitores.
A metodoloxía das sesións é eminentemente práctica, coa finalidade de transmitir aos participantes, dun xeito ameno e atractivo, os valores do cooperativismo, as habilidades sociais cooperativas, os pasos necesarios para crear unha cooperativa e a análise de casos de cooperativas de éxito.
A campaña desenvolverase durante as xornadas lectivas cun horario ininterrompido de oito horas diarias. Completarase, ademais, coa elaboración de materia divulgativo, así como coa posta en marcha dun espazo web propio que cun enlace á web do Consello Galego de Cooperativas, www.cooperativasdegalicia.com, sexa un punto de encontro para a mocidade emprendedora.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
