viernes, 11 de julio de 2025
O presidente da Xunta, Alberto Núñez Feijóo, salientou o esforzo conxunto que permitiu que Galicia teña hoxe un proxecto galego e unha marca galega que ten permitido, ademais, avanzar na senda de unión do sector lácteo: a planta de Clesa en Caldas de Reis.
Decidimos nos momentos de maior dificultade económica, nos momentos de maior estreitez financeira, nos momentos de máis dificultades para acadar crédito, capitalizar esta compañía; e decidimos seguir no que, sen dúbida, é unha aposta por ir unindo o sector lácteo galego, non só desde o punto de vista da produción senón, tamén, desde o punto de vista do valor engadido, asegurou Feijóo. A este respecto, lembrou que a fábrica de Clesa en Caldas fai valor engadido do leite, transfórmao e véndeo en produtos que incorren nese valor engadido, que é o que necesitamos nestes momentos para ser competitivos na industria láctea, aseverou.
Na súa intervención, o presidente da Xunta incidiu en que fomos capaces de sacar adiante este proxecto, e quixo agradecer, en primeiro lugar, o esforzo dos traballadores, encabezados por uns representantes razoables, sensatos e absolutamente realistas coa situación de dificultade, dixo; en segundo lugar, ás dez cooperativas galegas que se agrupan en Acolat; e tamén a un aval e a un préstamo da Xunta de Galicia. Grazas a todo isto, agregou, en Galicia hoxe temos un proxecto galego, unha marca galega, cunha factoría ubicada en Caldas de Reis, e mantemos unha marca coñecida no sector lácteo desde hai moito tempo que é a marca Clesa, abondou.
O mandatario galego amosouse confiado en que este proxecto, que iniciamos no peor momento posible, se vaia consolidando, ao igual que o plan de negocio de Clesa de ir incorporando máis traballadores á planta e de ir reiniciando a súa actividade ordinaria, para poder protexer o sector lácteo galego e para iniciar unha senda de unión para poder competir e poder manter un sector que dá emprego a 40.000 persoas en Galicia e que supón o 30 por cento de toda a produción agraria na comunidade autónoma, precisou.
Polo tanto, parabéns, indicoulle Feijóo aos directivos e representantes da empresa, ante os que tamén se amosou esperanzado en que a pesar das dificultades económicas, sexamos capaces de que a factoría Clesa se manteña con traballo e actividade, e que a marca Clesa sexa propiedade xa de dez cooperativas galegas; e, polo tanto, sexa unha marca galega, concluíu.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado.
