Noticias economia
A Xunta de Galicia agradece a todas as partes que se sumen á proposta realizada o pasado martes polos gobernos estatal e galego para ampliar o período de consultas do ERE ata o 28 de setembro e, deste xeito, contar con seis semanas máis de prazo para que Alcoa e o grupo Liberty House pechen a operación de compra-venda en San Cibrao.
Hoxe, especialmente, este agradecemento é para a comisión negociadora, que entendeu que o camiño para alcanzar unha solución que evite os despedimentos e permita continuar activas as cubas é manterse dentro da senda do diálogo.
O DOG ven de publicar a convocatoria das axudas para proxectos de enerxía fotovoltaica ás que a Xunta destina 4,5M. Van dirixidas a empresas, concellos e entidades sen ánimo de lucro, para fomentar o autoconsumo eléctrico a través de fontes de enerxía renovable.
Poderanse presentar solicitudes do 21 de setembro ao 1 de decembro pero as entidades colaboradoras empresas con actividade de instalación de baixa tensión teñen 15 días para solicitar a súa adhesión a este programa.
O conselleiro de Cultura e Turismo en funcións, Román Rodríguez, destacou a boa acollida do Bono Turístico, impulsado pola Xunta e o Clúster Turismo de Galicia, ao recibir en apenas 15 días solicitudes para máis do 50% das prazas ofertadas, superando a barreira das 10.000. Esta iniciativa supón unha inxección de 5 millóns de euros nas empresas desta industria e permitirá fomentar o turismo interno, incentivar o consumo e favorecer a recuperación económica e a creación de emprego tras a crise da covid-19.
O conselleiro de Cultura e Turismo en funcións, Román Rodríguez, destacou o potencial do turismo náutico á hora de favorecer a diversificación da oferta e contribuír á reactivación do sector turístico, apostando por un modelo sustentable e de calidade que pon en valor a natureza e a paisaxe. Fíxoo tras participar na presentación das novas rutas da iniciativa Cruceiros Costeiros de Galicia, centradas no Xacobeo 2021 e no mundo fenicio.
Segundo puntualizou Román Rodríguez, este tipo de iniciativas permiten impulsar produtos e experiencias diferenciadas que, no caso deste proxecto, teñen ademais unha repercusión directa no territorio, ao beneficiar as pequenas vilas e poboacións nas que fan parada as distintas rutas.
Se ha celebrado en Madrid una nueva reunión a la que, además del secretario general de Industria y de la Pequeña y Mediana Empresa del Ministerio de Industria, Comercio y Turismo, Raúl Blanco; el conselleiro de Economía, Empleo e Industria de la Xunta de Galicia, Francisco Conde; el responsable de Política Industrial y Sectorial de CCOO de Industria, José Manuel Casado; el secretario general de UGT FICA, Pedro Hojas; y el secretario general de la CIG, Paulo Carril; también ha asistido el presidente de Alcoa en España, Álvaro Dorado. Con el objetivo de lograr que se garantice el mantenimiento de la actividad industrial en la planta de San Cibrao y de los puestos de trabajo vinculados a la factoría, la Xunta de Galicia y el Ministerio, han efectuado propuesta que contiene entre otros los siguientes elementos:
En Galicia diminúe o desemprego en xullo nun 5,06% con respecto ao mes de xuño, o que supón 9343 persoas menos no paro (300 persoas ao día) e segue situándose a niveis inferiores aos de hai 11 anos. Este dato sitúa Galicia como a terceira Comunidade -en termos relativos- na que máis se reducen as cifras do paro, superando en preto de tres puntos a baixada a nivel nacional. O paro tamén baixou nas catro provincias, en concreto un 6,19% en Pontevedra, un 5,29% en Lugo, un 4,49% na Coruña e 2,96% en Ourense. Galicia volve reducir as cifras do paro en todos os sectores de actividade encabezando este descenso os servizos (-5,90%), seguidos da construción (-5,49%), a industria (-4,82%) e a agricultura e a pesca (-3,60%). De feito, a baixada nos servizos concentra o 81% da redución do paro neste mes.
O custo laboral bruto en Galicia no ano 2019 representou o 91,22% da media española, o que supón o máximo nivel de converxencia de toda a serie histórica, segundo mostran os datos do Estudo sobre Salarios publicado hoxe polo Instituto Galego de Estatística (IGE). O custo laboral bruto por traballador en Galicia aumentou en 2019 ata os 29.041,1 euros, o que tamén representa a cifra máis alta de toda a serie histórica. Ademais, é a primeira vez que en Galicia supera os 29.000 euros.
Galicia é a segunda comunidade autónoma que rexistrou maior incremento do PIB per cápita en 2019, e isto permitiu acadar un nivel de converxencia en renda con España do 90,9%, o maior da serie histórica, segundo indican os datos de Contabilidade Rexional publicados hoxe polo Instituto Nacional de Estadística. En 2019 o PIB per cápita de Galicia medrou un 3,67% respecto a 2018, ao pasar de 23.183 a 24.034 euros. Isto supón o segundo maior avance de todas as comunidades autónomas, só superado por Navarra (4,15%) e nove décimas superior á media española (2,76%). Con esta evolución, o PIB per cápita de Galicia pasa a representar o 90,91% da renda española. Este é o maior nivel de converxencia en renda con España de toda a serie histórica, e tamén é o segundo ano consecutivo en que se supera a barreira do 90%, un feito que se produciu por primeira vez no ano 2018 (90,11%).
A Xunta de Galicia considera totalmente insuficiente a asignación á Comunidade Autónoma do primeiro tramo do Fondo Covid, publicada hoxe no BOE polo Ministerio de Facenda, xa que penaliza a Galicia no reparto deste tramo de 6.000 millóns de euros para gasto sanitario. A Xunta de Galicia considera positiva a creación dun Fondo Covid para as comunidades autónomas, pero discrepa totalmente da metodoloxía utilizada polo Ministerio de Facenda no reparto destes fondos. O Goberno central cambiou de xeito unilateral os criterios de reparto utilizados no sistema de financiamento autonómico e no primeiro reparto de fondos Covid aprobado en marzo, e este cambio penaliza claramente a Galicia, como xa advertiu a Xunta en reiteradas ocasións e mesmo se lle trasladou ao Goberno.
Representantes do Centro de Investigacións Agrarias de Mabegondo (CIAM) veñen de reunirse cos seus homólogos do SERIDA asturiano e do CIFA cántabro, así como con membros do Centro Tecnolóxico da Carne, para avanzar no desenvolvemento dun proxecto que busca fomentar o pastoreo na montaña como medio para anticiparse aos incendios forestais e mellorar a produtividade animal. O encontro, que tivo lugar no centro dependente da Axencia Galega da Calidade Alimentaria (Agacal), concluíu cunha visita á Estación Experimental Agrogandeira de Montaña do Marco da Curra.
A axenda do presidente da Xunta, acompañado polo conselleiro de Economía e Industria, inclúe diversos encontros institucionais, económicos e coa colectividade galega buscando oportunidades para Galicia nos dous países.
Os visitantes aproveitaron os mellores prezos ofrecidos por expositores dunha ducia de sectores. O téxtil, sobre todo a roupa infantil e o material deportivo, volveu ser o sector máis demandado.
O obxectivo do proxecto é mellorar o seu volume de negocios aplicando o seu coñecemento á crecente industria de automoción e aeronáutica que se está a desenvolver no norte de Marrocos. O primeiro programa para a implantacións conxunta de empresas galegas no exterior prevé mobilizar 6 millóns de euros no ano 2014.
O Igape comeza a formación práctica dos novos bolseiros que colaborarán na internacionalización das empresas galegas e anima aos 18 seleccionados de cara á súa futura inserción laboral como especialistas nesta actividade.
Manuel Baltar reuniuse co presidente do Círculo de Xóvenes Empresarios de Ourense para analizar temas relacionados co emprendemento, a economía e o emprego na nosa provincia.
O Goberno galego e o sector da artesanía acordan as que serán as liñas estratégicas para o seu desenvolvemento nos vindeiros 3 anos, que se inclúen no Plan de Artesanía de Galicia 2014-2016 co que tamén se pretende reforzar a marca comercial Artesanía de Galicia.
No eido da competitividade, salienta a Lei do emprendedor e as liñas de axuda do Igape que, nos últimos cinco anos, permitiron conceder apoios por preto de 600 M e mobilizar investimentos por un valor superior aos 2.300 M.
Presentáronse no Consello Galego de Universidades os orzamentos para 2014 que a Xunta cifra en 373,9 millóns de euros. Na xuntanza deuse conta, tamén, do envío a verificación de 42 cambios e novas titulacións, e das 2.354 bolsas concedidas a estudiantes universitarios.
Expourense acolle a feira gastronómica internacional Xantar 2014 na que atopou un lugar destacado o fomento do cooperativismo como fórmula empresarial para afrontar os tempos de crise. A Festa do Bonito de Burela gaña o concurso de cartaces.
O novo documento destaca a aposta por tres conceptos clave: dotar o sector de maiores doses de innovación e de competitividade, avogar por presentarnos no mundo cunha oferta turística diferenciada, e promover a participación activa do conxunto da cidadanía para captar visitantes.
