miércoles, 9 de julio de 2025
O director do Igape, Javier Aguilera, convidou aos 18 mozos galegos que veñen de ser seleccionados a través do programa de bolsas de promoción exterior para colaborar nos procesos de internacionalización das empresas galegas a sacar o máximo proveito da experiencia, que facilitará a súa futura inserción laboral como expertos en comercio exterior.
Os bolseiros seleccionados, que comezaron hoxe o seu perÃodo de formación práctica e que xa dispoñen de formación teórica en comercio exterior, gozarán dunha bolsa de 12 meses prorrogable por outros doce, na que prestarán servizos en destino desde os principais mercados de interese para o tecido empresarial, como Estados Unidos, México, Colombia, Brasil, Reino Unido, Marrocos, Rusia ou China, entre outros, ao tempo que seguen especializándose neste ámbito de xestión.
A través do Igape, a Xunta de Galicia está a dar resposta integral ás necesidades dos empresarios galegos en cada unha das etapas a seguir no ámbito da internacionalización; desde o coñecemento dos mercados e a valoración de oportunidades, ata a toma de decisións de implantación en mercados exteriores, con servizos tanto en orixe como en destino e coas axudas e apoios financeiros para cada fase da internacionalización.
No eido da incorporación de especialistas ao tecido empresarial, o director do Igape lembrou que, ademais deste programa de bolsas de promoción exterior, dotado con 1,1 millóns de euros, a ConsellerÃa de EconomÃa e Industria pon en marcha entre outras medidas axudas para a contratación no de xestores de internacionalización, ademais de contar cunha bolsa de especialistas con 600 inscritos.
Os Concertos do Xacobeo achegan a arte de Carlos Núñez, considerado como un dos mellores gaiteiros do mundo, ás Ermidas coa súa nova e singular xira 'Lugares Máxicos 2025'. O artista actuará no marco incomparable do Adro do Santuario da localidade ourensá o xoves, 17 de xullo, contra ás 20,00 horas. Os Concertos do Xacobeo danlle tamén cobertura a outras oito citas do músico este verán noutros escenarios únicos como Baiona, Ribadeo, Vilanova de Arousa, Salvaterra de Miño, Boqueixón, MarÃn, Sober e Sobrado.
O Consello aprobou hoxe a Estratexia Galega de Enfermidades Raras 2025-2030 na que se van investir 400 millóns de euros e que vai reforzar os servizos de rehabilitación e ampliar o cribado neonatal. O obxectivo é desenvolver un conxunto de actuacións que teñen por obxectivo mellorar a calidade de vida destes pacientes que sofren este tipo de doenzas durante os próximos cinco anos. Unha das principais novidades será a avaliación de resultados en saúde para medir a calidade de vida, as funcionalidades recuperadas, a autonomÃa ou a redución da dor e dos sÃntomas, con cada un dos tratamentos.
