miércoles, 15 de abril de 2026
Valeriano Martínez explicou que Galicia necesita ter canto antes as súas contas porque son unha ferramenta clave para seguir acomentendo medidas de maneira inmediata e porque ter orzamentos permitiunos afrontar en mellores condicións a complicada situación provocada pola pandemia.
Os presupostos priorizarán garantir os medios e o persoal no eido sanitario; o funcionamento seguro dos servizos educativos; paliar os efectos da crise nos máis desfavorecidos e dar continuidade ás políticas de dinamización económica. En definitiva, priorizaremos acelerar a recuperación e mitigar os efectos da pandemia nas familias e no tecido produtivo, apuntou.
Emprego público
Na súa intervención o titular de Facenda e Administración Pública subliñou que outra das prioridades do seu departamento é aprobar a Oferta de Emprego Público (OEP) de 2020 que ascenderá a 2.741 prazas no ámbito da función pública. Delas, 1.215 son para os servizos sociais integrados no Consorcio Galego de Servizos de Igualdade e Benestar.
Ademais, a estas prazas hai que engadir 3.263 postos para continuar co proceso de funcionarización do persoal laboral fixo da Administración autonómica en persoal funcionario. Un proceso voluntario que xa está en marcha e ao que solicitaron acollerse máis do 95% dos profesionais da Administración galega.
Esta oferta de emprego público é adicional á convocada no eido do ensino e xa en execución con 3.654 prazas; e á que se aprobará para o sector sanitario.
Teletraballo, dixitalización e simplificación administrativa
Valeriano Martínez explicou tamén que outra das liñas prioritarias é que Galicia sexa das primeiras comunidades en adaptar a súa regulación en materia de teletraballo ao novo marco normativo, un ámbito no que xa foi pioneira no ano 2013. E apuntou que o seu departamento xa remitiu a semana pasada o proxecto de acordo de regulación de teletraballo ás organizacións sindicais para a súa negociación.
Ademais, sinalou que outro dos grandes retos é o de avanzar na dixitalización da administración e na simplificación dos procedementos administrativos para acadar unha maior racionalización e axilización administrativa e afondar na modernización dos procedementos e servizos prestados aos cidadáns.
Plan Estratéxico de Galicia 2021-2030
Por outro lado, o conselleiro anunciou que a Xunta aprobará o vindeiro ano o Plan Estratéxico de Galicia 2021-2030 co fin de ter un sistema de planificación estratéxica para a vindeira década en torno a catro grandes eixes de actuación como son a dinamización demográfica e benestar, o cambio climático, a competitividade e a cohesión social.
Neste sentido resaltou o piar fundamental que supoñen os fondos europeos, tanto os do novo marco comunitario 2021-2027 como os recursos extraordinarios derivados da pandemia.
Negociaremos ca Unión Europea e co Goberno de España un axeitado reparto dos fondos europeos para que Galicia non saia prexudicada, subliñou. Ademais, remarcou o importante papel que xogará a Comisión Next Generation Galicia na supervisión da folla de ruta para captar estes recursos europeos.
Manter a Galicia con menos impostos
Finalmente, Valeriano Martínez explicou que Galicia continuará entre as comunidades autónomas nas que as rendas medias e baixas pagan menos impostos. Desde o ano 2016, máis de 535.000 persoas se beneficiaron das rebaixas de impostos aprobadas pola Xunta.
O obxectivo para esta lexislatura é manter todas as rebaixas e incentivos; e aprobar, cando sexa posible, novos beneficios fiscais para as familias numerosas, as familias monoparentais e as vítimas de violencia de xénero; así como afondar en favorecer a recuperación e posta en valor das terras agroforestais.
O xornalista galego de elDiario.es José Precedo, que defendeu o dereito ao segredo xornalístico ante o Tribunal Supremo, é o gañador do XXII Premio Xornalistas de Liberdade de Prensa, convocado polo Colexio Profesional de Xornalistas de Galicia coa colaboración do Concello de Pontevedra. Precedo recibirá o premio en Pontevedra o vindeiro 9 de maio na Casa Consistorial. A sala de prensa do Concello de Pontevedra acolleu o anuncio da candidatura gañadora da vixésimo primeira edición do Premio Xornalistas de Liberdade de Prensa, organizado polo Colexio Profesional de Xornalistas de Galicia coa colaboración do Concello de Pontevedra. O acto contou coa presenza do alcalde Miguel Anxo Fernández Lores, a decana do Colexio Belén Leal e o secretario do premio Darío Janeiro.
Esta edición do Encontro de Artes Novas contará coa participación de talentos recoñecidos como a escritora, comisaria e podcaster Sonia Fernández Pan, que realiza desde 2021 a serie de podcasts The Tale and The Tongue co Instituto de Arte, Xénero e Natureza da Escola Superior de Deseño e Arte de Basilea. Ou a dupla artística Clo-Plas, unha proposta sonora única e radical da poeta e xornalista Xiana Arias e o artista e investigador Berio Molina, que fusionan versos e electro-pop minimalista coa oralidade popular da Fonsagrada. O programa inclúe tamén cunha conversa co profesor e investigador en Filosofía da Tecnoloxía, Pablo Sanguinetti, autor do libro Tecnohumanismo. Por un diseño narrativo y estético de la inteligencia artificial e de numerosos artigos académicos e divulgativos sobre a intersección entre tecnoloxía, humanidades e creatividade.
