lunes, 10 de agosto de 2026
A Comunidade sitúase, deste xeito, como a segunda na que máis medran as afiliacións en termos absolutos. Trátase do cuarto mes consecutivo no que a Comunidade logra crear emprego, o que lle permite recuperar a totalidade do emprego perdido durante os meses de marzo e abril (+101,17%). Se a comparativa se realiza coas afiliacións do último día de mes, esta recuperación sitúase no 82,83% fronte ao 22,08% estatal, o que amosa a capacidade de reacción da nosa Comunidade.
Por outra parte, en Galicia aumenta o desemprego en agosto nun 0,94% con respecto ao mes de xullo, o que supón 1.640 persoas máis no paro, na liña da media estatal, onde o desemprego se incrementa nun 0,79%. Aínda así Galicia logra reducir as cifras do paro na construción (-1%) e a agricultura e a pesca (-0,07%).
No tocante á evolución anual, Toca indicou que Galicia encadeaba seis anos consecutivos de baixadas interanuais nun mes de agosto, que se ven interrompidos polos efectos da covid-19. Así, Galicia suma 23.131 persoas máis desempregadas (un 15,04% máis que hai un ano), 7 de cada 10 do sector servizos, onde se concentran 16.375 desempregados. Aínda así, nun contexto no que o paro internanual aumenta en todas as comunidades autónomas, Galicia é a terceira en termos relativos na que menos sobe, nove puntos por debaixo da media estatal, que se sitúa nun 24,04%.
Aposta polo diálogo social
Toca lembrou que unha das prioridades da Xunta é impulsar a reconstrución económica e que, para logralo, é fundamental apoiar a creación de emprego de calidade. Neste sentido, destacou a importancia do diálogo social como ferramenta para trazar os obxectivos e deseñar as medidas que permitan superar a crise provocada pola covid-19.
Así, referiuse ás accións postas en marcha froito do diálogo social, como facilitar aos afectados por Erte o cobro do anticipo da súa nómina, activar as axudas para completar as prestacións de menor contía dos traballadores afectados por Ertes e para as persoas a partir de 55 anos que perderon o seu emprego, a posta en marcha dun novo programa de formación dixital para parados de máis de 45 anos ou un paquete de medidas extraordinarias de conciliación para as familias.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
