miércoles, 15 de abril de 2026
O presidente da Xunta, Alberto Núñez Feijóo, salientou na rolda de prensa do Consello, que a aprobación hoxe da Conta xeral da Comunidade Autónoma ratifica que Galicia cumpriu no exercicio 2019 os obxectivos de déficit e débeda pública recollidos no seu orzamento. Liquidou o exercicio cun déficit do 0,1% do PIB e cunha taxa de endebedamento do 17,5%, abundou.
Na mesma liña, da Conta Xeral, que será remitida agora ao Parlamento de Galicia e ao Consello de Contas, pode extraerse a conclusión de que Galicia é a Administración autonómica que pagou en 2019 con máis axilidade aos seus provedores, cun período medio de pago de 19 días fronte aos 37,4 días da media das CCAA.
Así mesmo, este balance financeiro, explicou, reflicte tamén que o grao de execución do orzamento consolidado de gasto foi do 96,4% e que preto de 111 M quedaron nos petos das familias galegas grazas ás reducións de impostos aprobadas desde 2016. Ademais, os 535 M de aforro bruto acadados permitiron manter o importante esforzo investidor, o que continúa a manter a Galicia como unha das CCAA líderes en investimento, a 3ª con maior investimento con cargo ao seu propio orzamento, apuntou.
A modo de conclusión, o titular da Xunta rematou a súa intervención sinalando que estes indicadores reafirman a aposta do Goberno galego por un modelo de crecemento baseado no cumprimento dos obxectivos de déficit e de débeda para seguir reducindo os gastos en xuros.
O xornalista galego de elDiario.es José Precedo, que defendeu o dereito ao segredo xornalístico ante o Tribunal Supremo, é o gañador do XXII Premio Xornalistas de Liberdade de Prensa, convocado polo Colexio Profesional de Xornalistas de Galicia coa colaboración do Concello de Pontevedra. Precedo recibirá o premio en Pontevedra o vindeiro 9 de maio na Casa Consistorial. A sala de prensa do Concello de Pontevedra acolleu o anuncio da candidatura gañadora da vixésimo primeira edición do Premio Xornalistas de Liberdade de Prensa, organizado polo Colexio Profesional de Xornalistas de Galicia coa colaboración do Concello de Pontevedra. O acto contou coa presenza do alcalde Miguel Anxo Fernández Lores, a decana do Colexio Belén Leal e o secretario do premio Darío Janeiro.
Esta edición do Encontro de Artes Novas contará coa participación de talentos recoñecidos como a escritora, comisaria e podcaster Sonia Fernández Pan, que realiza desde 2021 a serie de podcasts The Tale and The Tongue co Instituto de Arte, Xénero e Natureza da Escola Superior de Deseño e Arte de Basilea. Ou a dupla artística Clo-Plas, unha proposta sonora única e radical da poeta e xornalista Xiana Arias e o artista e investigador Berio Molina, que fusionan versos e electro-pop minimalista coa oralidade popular da Fonsagrada. O programa inclúe tamén cunha conversa co profesor e investigador en Filosofía da Tecnoloxía, Pablo Sanguinetti, autor do libro Tecnohumanismo. Por un diseño narrativo y estético de la inteligencia artificial e de numerosos artigos académicos e divulgativos sobre a intersección entre tecnoloxía, humanidades e creatividade.
