lunes, 10 de agosto de 2026
Deste xeito, Galicia convértese na segunda comunidade autónoma de réxime común e financiamento de réxime xeral que emite bonos verdes, despois de Madrid -tamén o fixeron o País Vasco e Navarra-.
Ao longo da súa intervención, Feijóo salientou que o obxectivo é pechar esta operación nos próximos días. Non é un incremento da débeda pública. Son 500 millóns de euros que substitúen a outros 500 millóns de euros que vencían nestas mesmas datas. Polo tanto, substituímos débeda pública tradicional que vence, por bonos verdes cunhas condicións de compromiso medioambiental específicas e cunhas características de financiamento e de tipo de interese moi atractivas, sinalou.
O presidente da Xunta recordou que, segundo os datos oficiais do Banco de España, Galicia é a comunidade que menos incrementou a súa débeda pública na última década.
O aumento da débeda pública en Galicia entre 2008 e 2019 é o menor de toda España, xa que o incremento rexistrado en Galicia representa 110 puntos inferior á media do conxunto de España. Grazas a este mellor comportamento respecto ao resto das comunidades, Galicia evitou na última década a emisión de 3.874 millóns de euros de débeda.
E somos tamén a terceira comunidade autónoma de réxime común coa menor ratio de débeda/PIB de toda España, engadiu, explicando que este indicador sitúase ao peche do primeiro trimestre de 2020 no 18,1%, seis puntos menos que a media autonómica (24,1%). Só dúas comunidades de réxime común Canarias e Madrid teñen unha ratio de débeda máis baixa que a galega.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
