Noticias sociedad
O Plan de prevención e defensa contra os incendios forestais de Galicia (Pladiga) procura minimizar o impacto dos incendios forestais, mediante catro liñas de traballo diferenciadas: prevención; detección, disuasión, investigación e medidas correctoras; extinción e formación. Entre as novidades do Pladiga 2022 están as melloras organizativas, o desenvolvemento da rede de vixilancia fixa, os avances tecnolóxicos, o impulso da Unidade de Investigación de Incendios Forestaise a actualización das parroquias de alta actividade incendiaria.
A Cidade da Cultura de Galicia acolleu a V edición do Festival de Bandas Infantís e Xuvenís de Galicia, no que arredor de 600 músicos novos, de 12 formacións musicais, interpretaron os repertorios elixidos para a ocasión. Participaron as Bandas Xuvenís da Banda de Música Municipal de Celanova, da Escola de Música de Salceda, e da Escola da Banda a Unión de Guláns, e as bandas das escolas da Agrupación Musical do Rosal e do Ateneo Musical de Bembrive. Tamén estiveron presentes a Xove Banda de Valga, a Unión Musical de Tenorio, a Banda Infantil e Xuvenil de Antas de Ulla e as bandas xuvenís de Santa Cruz de Ribadulla, Castrelo-Cambados e Lalín.
Galicia terá dispoñible, a partir do vindeiro 14 deste mes, a autocita para vacinación da covid das primeiras doses de adultos, así como das primeiras doses de nenos e nenas e recordo de 18 anos en adiante. A autocita poderá realizarse a través da web do Sergas ou por medio da aplicación Sergas Mobil. No momento que unha persoa cumpla os criterios e entre en campaña, a Xunta enviaralle un SMS para indicarlle que xa pode pedir cita. Ademais, as sete áreas sanitarias do Sergas tamén as poderán citar activamente. Xunto ao anteriormente sinalado, o Goberno galego lembra que segue a funcionar a entrada libre para vacinación da covid.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 15.211 deles 3.046 son da área da Coruña, 2.246 da de Lugo, 2.199 da de Ourense, 1.555 da de Pontevedra, 2.231 da área de Vigo, 2.599 da de Santiago e 1.310 da de Ferrol. Do total de pacientes positivos, 34 están en UCI, 898 en unidades de hospitalización e 14.279 no domicilio. Polo de agora, en Galicia hai un total de 641.324 persoas curadas, rexistrándose 3.663 falecementos. O número de PCR realizadas é de 3.945.676. O número de doses de vacina contra a covid-19 administradas é de 6.701.194.
Galicia rexistrou un mes de xuño normal en canto ás temperaturas e húmido no que respecta ás precipitacións, xa que segundo os datos obtidos nas principais estacións meteorolóxicas da Comunidade choveu de media un 78% máis do habitual neste mes. Estas son as principais conclusións do avance do último informe climatolóxico de MeteoGalicia, que resalta que o pasado xuño foi un período moi marcado polas chuvias e con temperaturas que se moveron dentro dos valores agardados, aínda que con algún episodio de aire cálido, como o ocasionado pola masa procedente do norte de África que chegou a Galicia a mediados de mes.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 14.754 deles 3.026 son da área da Coruña, 2.040 da de Lugo, 2.031 da de Ourense, 1.525 da de Pontevedra, 2.299 da área de Vigo, 2.630 da de Santiago e 1.187 da de Ferrol. Do total de pacientes positivos, 30 están en UCI, 806 en unidades de hospitalización e 13.918 no domicilio. Polo de agora, en Galicia hai un total de 634.188 persoas curadas, rexistrándose 3.624 falecementos. O número de PCR realizadas é de 3.938.653. O número de doses de vacina contra a covid-19 administradas é de 6.698.575.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 14.982 deles 3.060 son da área da Coruña, 1.932 da de Lugo, 1.905 da de Ourense, 1.664 da de Pontevedra, 2.591 da área de Vigo, 2.717 da de Santiago e 1.092 da de Ferrol.
Do total de pacientes positivos, 26 están en UCI, 643 en unidades de hospitalización e 14.313 no domicilio. Polo de agora, en Galicia hai un total de 628.919 persoas curadas, rexistrándose 3.603 falecementos.
O número de PCR realizadas é de 3.935.125. O número de doses de vacina contra a covid-19 administradas é de 6.696.499.
O Presidente Alfonso Rueda, trasladoulle ao Rei Felipe as prioridades da Xunta ante este novo comezo de lexislatura, que son, dixo, as de todos os galegos e galegas, e aseguroulle que Galicia seguirá a contar cun goberno estable, responsable e constitucionalista.
Tamén que estará centrado en axudar a familias e empresas ante a incertidume económica e o encarecemento de prezos, en fortalecer os servizos públicos e en aproveitar ao máximo os fondos europeos para modernizar o noso tecido produtivo. "Temos magníficos proxectos que van cambiar o mercado de traballo e suporán un impacto moi importante neses territorios".
A Xunta ven de publicar no Diario Oficial de Galicia a resolución pola que se establecen as bases reguladoras das axudas do novo Programa do bono alugueiro mocidade e se procede á súa convocatoria para o ano 2022. Estas subvencións, que se concederán por un período de 2 anos e cun importe de 250 euros sempre que non supere a contía da renda mensual, están dirixidas a persoas de entre 18 e 35 anos que teñan a súa residencia habitual nunha vivenda ou habitación en réxime de alugamento ou de cesión de uso.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 13.710 deles 2.793 son da área da Coruña, 1.755 da de Lugo, 1.737 da de Ourense, 1.513 da de Pontevedra, 2.421 da área de Vigo, 2.496 da de Santiago e 975 da de Ferrol.
Do total de pacientes positivos, 21 están en UCI, 599 en unidades de hospitalización e 13.090 no domicilio. Polo de agora, en Galicia hai un total de 628.554 persoas curadas, rexistrándose 3.597 falecementos.
O encontro científico da alianza SOMMa, a rede de Centros Severo OchoaUnidades María de Maeztu, 100xCiencia.5: International dimension of science botou a andar este venres na Cidade da Cultura. Trátase dun foro onde persoal investigador e directivo dos 57 centros españois con esta certificación de excelencia comparten con xornalistas e comunicadores especializados, un espazo para reflexionar xuntos sobre a necesidade da cooperación internacional para o progreso científico e social da humanidade no século XXI.
250 persoas de países como Xapón, Australia, Brasil ou China participarán do 15 ao 17 de decembro na VI edición do Congreso internacional de lingua, lingüística e tecnoloxía, techLING2021, unha ventá ás principais novidades do momento en materia de tecnoloxías e ensinanza de linguas. Organizado polos profesores José Yuste, Óscar Ferreiro e Emmanuel Bourgoin, do Grupo de investigación Tradución & Paratradución da Facultade de Filoloxía e Tradución, a cita celebrase integramente en liña.
A localización de Cova Eirós en Triacastela, entre o extremo máis occidental da cornixa cantábrica e a fachada atlántica peninsular, convértea nun importante enclave para entender a expansión das primeiras comunidades de Homo sapiens na Península ibérica e a progresiva extinción dos neandertais. A secuencia de Cova Eirós contén varios niveis que se enmarcan no momento de transición entre os últimos neandertais e os primeiros humanos modernos.
O Paraninfo da Reitoría da Universidade da Coruña (A Maestranza) acollerá este venres e sábado, 26 e 27 de novembro, o XVI Congreso Español de Dereito Deportivo que organiza a Asociación Galega de Xestión Deportiva (Agaxede) no que participarán máis dun centenar de asistentes. Esta edición está dedicada a analizar o marco legal e os retos da xestión deportiva.
Son moitas as ameazas ás que se enfrontan os ecosistemas galegos, que teñen que sobrepoñerse aos excesos de urbanización, resistir ás especies invasoras e adaptarse a escenarios cambiantes que estarán marcados polo cambio climático. Por iso a Sociedade Galega de Historia Natural (SGHN) organiza, en colaboración coa Universidade de Vigo, as V Xornadas Galegas de Patrimonio Natural e Biodiversidade.
Os Encontros Internacionais de Filosofía no Camiño de Santiago centran a súa décimo sexta edición en Pensar o mundo despois da Pandemia, alén de concibirse como unha homenaxe á escritora galega Emilia Pardo Bazán. Dende o xoves 18 e ata o sábado 20, este foro desenvólvese en modalidade semipresencial na Facultade de Filosofía da USC e baixo a organización da Sociedade Interuniversitaria de Filosofía (SIFA) e a Sociedade Galega de Estudos Nipóns.
A Xunta de Galicia, coa colaboración e apoio dos xestores de pilas autorizados Ecopilas, ERP e Ecolec, impulsa un ano máis a campaña escolar Pilabot, unha iniciativa para promover a concienciación das novas xeracións sobre a reciclaxe a través dun concurso de recollida de pilas, acumuladores e baterías usadas entre colexios de Primaria e Secundaria de toda a Comunidade.
Os Encontros Internacionais de Filosofía no Camiño de Santiago estarán dedicados na súa décimo sexta edición a 'Pensar o mundo despois da Pandemia' e están concibidos como unha homenaxe a Emilia Pardo Bazán. O seu programa celebrarase entre os días 18 e 20 en modalidade semipresencial na USC, organizado pola Sociedade Interuniversitaria de Filosofía (SIFA) e a Sociedade Galega de Estudos Nipóns.
A catedrática de Medicina Legal e Forense e directora do Instituto de Ciencias Forenses (Incifor) da USC, Victoria Lareu Huidobro, será distinguida co premio María Josefa Wonenburguer deste ano, unha decisión comunicada no último pleno da Unidade Muller e Ciencia da Xunta de Galicia. Con este premio, o goberno autonómico recoñece a traxectoria de mulleres galegas, que destacan pola súa contribución á área das ciencias e á tecnoloxía.
A Cátedra de Feminismos 4.0, impulsada pola Deputación de Pontevedra e a Universidade de Vigo, celebrará o próximo 18 de novembro a terceira edición do workshop Sociedade dixital e xénero. Hackeando o patriarcado, co obxectivo de manter activo un espazo de reflexión colectiva ao redor do denominado patriarcado dixital.
