viernes, 26 de diciembre de 2025
O certame incluíu por último un concerto da Banda Sinfónica Xuvenil Galega, formada por medio cento de intérpretes pertencentes a diferentes bandas e conservatorios da Comunidade, baixo a dirección dos mestres José Luis Tielas Santiago e Pedro Miguel Ralo Serrano.
O peche ao festival correu a cargo da interpretación conxunta do Himno galego, por parte de todas as bandas, na praza central do Gaiás, e a entrega de diplomas conmemorativos coa participación da directora xerente da Cidade da Cultura de Galicia, Ana Isabel Vázquez, e o presidente da Federación Galega de Bandas de Música Populares (FGBMP), Iván Estévez. O encontro foi organizado pola Federación Galega de Bandas de Música Populares e a Xunta de Galicia coa colaboración da Deputación da Coruña.
Cerca do 90% das empresas galegas con máis de 10 persoas empregadas utiliza aplicacións de software libre e a porcentaxe é de máis do 67% no caso das microempresas. Os datos forman parte do estudo O Software Libre nas Empresas de Galicia elaborado polo Observatorio da Sociedade da Información en Galicia (Osimga), adscrito á Axencia para a Modernización Tecnolóxica de Galicia. Os datos proceden da Enquisa sobre o uso de TIC e comercio electrónico nas empresas, que realiza o INE anualmente, que cede os datos a OSIMGA en virtude do convenio de colaboración. Entre os programas máis utilizados destacan os navegadores de Internet (95,5%), as aplicacións ofimáticas (75,3%) e os sistemas operativos libres (51,5%).
A Consellería de Sanidade publica, na súa páxina web, o informe de actividade das infeccións respiratorias agudas correspondente á semana do 15 ao 21 de decembro, que sinala que a actividade gripal en Galicia continúa con intensidade media e con tendencia decrecente. Segundo os datos recollidos polo servizo de vixilancia epidemiolóxica da Dirección Xeral de Saúde Pública, xa se acadou o pico da onda epidémica da gripe. Respecto da semana anterior, rexístrase un descenso na taxa de consultas por gripe en atención primaria dun 5 %.
