viernes, 17 de abril de 2026
Os Premios Nacionais de Artesanía convócanse anualmente co obxectivo de contribuír ao desenvolvemento e á competitividade das pemes do sector artesán, así como incentivar a innovación, o deseño e a súa capacidade de adaptación ao mercado. Ao mesmo tempo, prémiase ás institucións e empresas que contribuíran de xeito significativo a impulsar o traballo artesán. Constan de 5 categorías: Premio Nacional de Artesanía, Premio Produto, Premio Emprendemento, Premio Promociona Entidades Públicas e Premio Promociona Entidades Privadas.
Finalistas galegos
En relación cos finalistas galegos deste certame, o torneiro de madeira Aitor Martínez, do obradoiro Aitor. (Tomiño), competirá polo Premio Produto pola súa colección Mundos.
O seu produto baséase na utilización da materia prima sustentable e coa trazabilidade documentada a través da ferramenta FORTRA coa idea de poñer en valor a orixe e a materia da que se dispón no territorio. No ano 2024 Aitor resultou gañador do Premio Joven Promesa do Círculo Fortuny, finalista do Premio Artesanía de Galicia 2024 e do Premio Produto. Nesta ocasión competirá polo Premio Produto xunto con Pablo Fernández Romero e Atelier Mel Design.
Por outra banda, a artesá Sandra Vilas, do obradoiro Boina Galega (Santiago de Compostela) e especializada no traballo co feltro opta ao Premio Emprendemento. A traxectoria de Sandra Vilas empeza coa elaboración de complementos de moda en feltro - entre os que destaca a reinterpretación da boina tradicional galega desde unha ollada contemporánea - e na actualidade é xa unha artesá especialista no traballo do material en si mesmo, co que consegue elaborar verdadeiras esculturas téxtiles. O punto de inflexión chega cando comeza a traballar cunha marca de luxo, que implicou un crecemento exponencial do equipo e a optimización dos procesos sen sacrificar a singularidade e o acabado artesanal de cada peza. A raíz desta colaboración, no 2023, nace formalmente a empresa coa que opta ao premio, consolidando un modelo de emprendemento que une identidade local, excelencia técnica e visión de futuro, e que permite escalar a produción sen renunciar ao traballo artesanal. Na categoría Emprendemento competirá con Paz González Mesa e Barrikupel.
Ademais, a Fundación Artesanía de Galicia, dependente da Consellería de Emprego, Comercio e Emigración, volve ser finalista na categoría Promociona para Entidades Públicas polo seu proxecto pioneiro Artesanía no Prato, impulsado pola Xunta desde 2023 e que une a artesanía e a gastronomía, dous ámbitos vinculados ao territorio e á produción local que esta iniciativa enxalza mutuamente, mellorando a experiencia sensorial para o consumidor. Nesta mesma categoría competirán a Fundación Centro Nacional del Vidrio pola Real Fábrica de Cristales de la Granja e a Universitat Politécnica de Valencia pola súa Cátedra de Artesanía.
A Fundación Artesanía de Galicia xa resultou gañadora deste galardón nos anos 2012 por conxugar o apoio aos oficios tradicionais cunha aposta pola innovación e adaptación aos novos mercados; no 2016 polo proxecto Enredadas e no 2023, polo evento Corazón da Artesanía. Encontro da Artesanía Tradicional e Popular de Galicia, que se celebra en Agolada.
Este órgano está formado por 12 expertos de recoñecido prestixio, tanto a nivel galego como internacional, nos ámbitos científico, tecnolóxico, empresarial e das políticas públicas. Na actualidade a Comunidade despunta en ámbitos como a biotecnoloxía, a intelixencia artificial ou a computación cuántica e acada numerosos fitos. O obxectivo deste consello asesor é apoiar e asesorar ao Executivo autonómico nas súas políticas públicas de I+D+i para seguir acadando éxitos e posicionando Galicia como un territorio de referencia nesta materia. As persoas que forman parte deste organismo, ademais do conselleiro, e a directora da Axencia Galega de Innovación, Carmen Cotelo, son cinco no eido da investigación, tres no das políticas públicas e catro no ámbito da innovación, empresa e emprendemento.
Galicia consolida a súa posición como a comunidade española que máis logrou reducir en 2024 as emisións netas de gases de efecto invernadoiro (GEI) con respecto a 1990, ano de referencia a nivel comunitario para as políticas en materia de clima. En concreto, a baixada rexistrada neste período foi do 68,5% fronte ao 12,8% no que se sitúa a media nacional. Os últimos datos oficiais dispoñibles volven situar a Galicia á cabeza da clasificación nacional en canto a redución de emisións netas. No período 1990-2024 Galicia logrou reducir en máis de dous terzos as súas emisións netas e tamén é a comunidade española que lidera a baixada de emisións GEI interanual, cun 9,8% menos que en 2023.
