miércoles, 28 de octubre de 2026
Baixo o lema Intelixencia artificial feminista fronte aos algoritmos machistas, o workshop pretende cuestionar o papel que están a desempeñar as tecnoloxÃas na lexitimación das fendas e nesgos de xénero, asà como atender a información relevante proporcionada polo ecofeminismo ou tecnofeminismo. O programa comprende diversas intervencións e mesas redondas nas que participarán mulleres referentes no eido da intelixencia articial, aprendizaxe automática e visión artificial.
O workshop celebrarase en formato semipresencial, con sede na Escola de EnxeñarÃa de Telecomunicación e retransmisión en liña.
Maior protagonismo da intelixencia artificial feminista
Dende a organización explican que a ofensiva do neoliberalismo, aliado do patriarcado, en particular contra as mulleres, e a situación de involución ideolóxica cara a posicións de ultradereita, está a propiciar un aumento das fendas de xénero en todos os eidos. A isto hai que sumar o retroceso nos dereitos adquiridos e a ameaza sobre a natureza e as poboacións máis vulnerables. É por iso que consideran preciso reflectir o papel dos feminismos nunha nova era, na que a intelixencia artificial (IA) está adquirindo, cada vez máis, unha grande importancia no deseño do mundo en todas as ordes. Neste sentido, o workshop tratará de axudar a que a intelixencia artificial feminista adquira maior protagonismo e sexa unha ferramenta fundamental para garantir un novo mundo máis igualitario, xusto e humano.
Programa e inscrición
O seminario desenvolverase en horario de mañá e tarde. Tras a apertura, ás 10.00 horas, a cargo de Carmela Silva, presidenta da Deputación de Pontevedra, e Manuel Reigosa, reitor da Universidade de Vigo, será a quenda de Karina Gibert, directora do centro de investigación Intelligent Data Science and Artificisl Intelligence (IDEAI- UPC), que reflexionará na súa intervención sobre a intelixencia artificial, a igualdade e a perspectiva de xénero. Ãs 11.00 horas será Lorena Fernández, directora de comunicación dixital da Universidade de Deusto e membro do grupo experto da Comisión Europea Gendered Innovations, quen presentará un relatorio titulado Soñan os androides con ovellas machistas?. Tras un descanso, Nerea Luis, enxeñeira en Intelixencia Artificial en Sngular e unha das 100 mulleres lÃderes en España, intervirá para falar sobre intelixencia artificial, transparencia e explicabilidade para promover modelos intelixentes feministas. A xornada pecharase cunha mesa redonda na que participarán Ona de Donestech, activista dos dereitos humanos en internet; e Paola Pozzi, coach profesional certificada por ASESCO, que abordarán as infraestruturas patricarcais de GAFAM e o ciberacoso como forma de violencia contra as mulleres, respectivamente. A directora da Unidade de Igualdade da UVigo, Ãgueda Gómez, e a deputada de Cultura e Igualdade, MarÃa Victoria Alonzo, serán as encargadas de presentar as conclusións e clausurar a sesión da mañá.
Xa pola tarde, terá lugar un Wikigap, impartido por Adrián Estévez, editor da Galipedia e socio de Wikimedia España e Portugal, que ensinará como lograr unha Wikipedia comprometida coa igualdade, mediante a visibilización do traballo das mulleres.
Inscricións
As persoas que queiran asistir presencialmente ao workshop na Escola de EnxeñarÃa de Telecomunicación, deberán confirmar previamente asistencia, de igual xeito que hai matricularse no obradoiro da tarde. O seminario poderá seguirse virtualmente a través da canle 3 de UVigoTV.
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a sÃndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na sÃndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raÃz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes paÃses. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
