viernes, 10 de abril de 2026
O Instituto Galego de Física de Altas Enerxías (IGFAE), centro mixto da USC e a Xunta de Galicia único con esta distinción na comunidade galega, exerce de anfitrión na quinta edición da serie 100xCiencia. O congreso pode seguirse en directo a través da canle de Youtube do IGFAE.
O reitor Antonio López agradeceu ao IGFAE e moi especialmente ao seu director Carlos Salgado, encargado de conducir o acto de apertura, a organización deste foro xa que en épocas de pandemia as incertezas multiplícanse, dixo o reitor na sesión inaugural. Antonio López centrou a súa intervención na relevancia da investigación e da transferencia como peza chave para mellorar as condicións de vida da cidadanía. Neste senso, o reitor da USC puxo o foco no eido do financiamento e nas dificultades que entraña unha investigación dependente de subvencións ou outras fórmulas similares xa que así non se pode artellar unha carreira investigadora.
Pola súa parte, o conselleiro de Cultura, Educación e Universidade, Román Rodríguez, dirixiuse aos e ás asistentes para definilos como referentes da investigación. Tedes liderado e impacto, subliñou o conselleiro. Finalmente, María Blasco, presidenta da alianza SOMMa, centrou a súa intervención en que a ciencia é global e, polo tanto, constitúe a peza chave para resolver crises globais, tal e como se puxo de manifesto no marco da pandemia pola COVID-19. Fabiola Gianotti, directora xeral do CERN, abriu a primeira sesión do congreso por videoconferencia.
Solucións globais
100xCiencia.5 inclúe un programa composto de catro sesións temáticas Cosmos, Covid, Crise Climática e Cultura Científica que pretenden poñer de manifesto a importancia de dotarse de grandes infraestruturas internacionais, tanto físicas como de comunicación ou cooperación, para dar resposta a retos científicos e sociais de tal envergadura que só estas solucións globais aparecen como viables. Neste foro que se estenderá ata o sábado 27, tomarán parte algúns dos máis recoñecidos comunicadores/as científicos/as como Patricia Fernández de Lis (Materia/El País), Rafael Vilasanjuan, Eduardo Sáenz de Cabezón e Gema Revuelta.
O presidente da Xunta, Alfonso Rueda, anunciou hoxe a posta en marcha dun programa específico para reducir o abandono escolar centrado en varóns e na poboación inmigrante sen educación secundaria de segunda etapa, é dicir, que non contan con títulos superiores ao de ESO. O responsable do Executivo autonómico apuntou que a redución do abandono escolar é un 'importantísimo asunto de carácter estrutural no que a Xunta está embarcada hai tempo'. Aínda que indicou que 'imos polo bo camiño', lembrando que Galicia pechou 2025 cunha taxa do 10,4%, case tres puntos por debaixo da media estatal, sinalou que 'non podemos conformarnos nin moito menos'. Así, lembrou que a taxa de abandono educativo temperán é case o dobre nos homes (13,5%) ca nas mulleres (7,2%), polo que o Goberno galego está a intensificar as medidas especiais sobre eles.
O XIII Carballo Interplay desenvolverá do 16 ao 19 de abril un programa de 32 actividades arredor da creación dixital contemporánea, das series en pequeno formato, a cultura de internet e a reflexión sobre os novos modos de comunicar na rede. O certame reforza este ano a presenza do galego como lingua de creación, conversa e pensamento no ecosistema dixital, cunha programación específica arredor dos contidos no noso idioma nas RRSS, accións formativas para a mocidade, premios dirixidos a recoñecer o talento que crea na nosa lingua e novas oportunidades para a produción de proxectos.
