domingo, 29 de junio de 2025
Neste ano vénse de crear o Sistema estrutural de mando operativo, que pretende liberar ao director técnico de extinción de cada incendio de tarefas secundarias, para que se poida centrar na coordinación do dispositivo, co obxectivo de mellorar a seguridade e eficacia da operación.
Por outra banda, a sectorización dos incendios permitirá xestionar máis eficazmente recursos e labores.
Rede de vixilancia fixa
A rede de vixilancia fixa contará este ano cun total de 148 cámaras (6 máis que o ano pasado) distribuídas en 74 localizacións, con tecnoloxía de última xeración, deseñadas especificamente para vixilancia forestal en exteriores, con movemento horizontal e vertical, rotación automática de 360º, zoom remoto, visión panorámica e altas capacidades de gravación.
Avances tecnolóxicos
Os sistemas de apoio á loita contra os incendios contará este ano con novas funcionalidades que melloran a predición na evolución do lume e a toma de decisións na súa extinción, como a reconstrución do lume (baseada en máis de 4000 emisoras), a xeración automática de perímetros de superficie afectada, ou a modernización dos centros de coordinación de Santiago (central) e Ourense.
Por outra banda, vénse de crear unha nova aplicación de formación que recompila todos os cursos ofrecidos ao persoal dedicado á extinción de incendios, material didáctico, circulares e outras comunicacións. Todo este material esta categorizado e personalizado en función de cada perfil profesional.
Unidade de Investigación de Incendios Forestais
Está proxectado tamén un decidido impulso da Unidade de Investigación de Incendios Forestais (UIFO), que dende o pasado ano levou a cabo 242 accións de pescuda relacionadas cos incendios forestais, entre elas, varias postas a disposición xudicial de presuntos incendiarios.
Parroquias de alta actividade incendiaria
O Pladiga 2022 define 35 parroquias de alta actividade incendiaria, o mesmo número que o ano pasado, se ben só 31 delas repiten respecto de 2021, porque catro parroquias saen do listado (Ribasieira en Porto do Son, Covas en San Cristovo de Cea, Soutipedre en Manzaneda e A Ponte en A Veiga), e outras catro entran (Meiraos en Folgoso do Courel, A Gudiña, O Pereiro en A Mezquita e Calvos en Calvos de Randín).
Estas parroquias serán este ano como novidade o escenario dunha serie de encontros que teñen como fin concienciar e sensibilizar a poboación sobre os danos que ocasionan os incendios e os riscos que representan para as persoas e para os bens, tanto forestais como non forestais, e como deben actuar ante un lume.
Medios humanos e materiais
A dotación de medios humanos e materiais é moi semellante á de 2021, e inclúe máis de 7.000 persoas (da Xunta e doutras administracións), 380 motobombas (13 renovadas este ano) e 30 medios aéreos. O Servizo de prevención de incendios forestais de Galicia recibirá da Xunta no período 2022-23 case 19 millóns de euros en vehículos (motobombas e todo terreos) e material (EPIs, motoserras, rozadoiras e outros equipos).
Formación e prevención
Segue vixente en 2022 o plan de formación aprobado o ano pasado para o período 2021-2024, que supón este ano a impartición de 29 cursos para persoal do servizo e para a poboación en xeral.
Por outra banda, o orzamento para prevención increméntase nun 13% ata chegar aos 33,1 millóns de euros, que permitirán actuar en máis de 58.600 hectáreas de terreo e en 5.780 quilómetros de pistas forestais e outras vías (un 16% máis que o ano pasado), e construír 111 novos puntos de auga e mellorar os 4.750 existentes.
Plans municipais antiincendios
A Consellería do Medio Rural da Xunta de Galicia preparou 259 plans municipais antiincendios para outros tantos concellos, o que supón preto do 75% dos municipios da comunidade. Destes plans, 186 xa están aprobados de forma definitiva.
A elaboración destes plans é competencia dos concellos (segundo a Lei 3/2007 do 9 de abril de prevención e defensa contra os incendios forestais de Galicia), pero o goberno autonómico asumiu o traballo por medio dun convenio asinado pola Xunta, a Federación Galega de Municipios e Provincias (Fegamp) e Seaga no ano 2018, e ao que están adheridos 273 concellos galegos.
Galicia reforza por terceiro curso consecutivo o seu liderado na taxa de escolaridade de 0 a 3 anos e achégase ao 65 %, máis de 15 puntos por riba da media de España, segundo os últimos datos oficiais que vén de publicar hoxe o Ministerio de Educación, Formación Profesional e Deportes. Deste xeito, Galicia segue sendo a comunidade autónoma onde máis familias poden acudir a unha escola infantil totalmente gratuíta. As cifras oficiais revelan que Galicia rexistrou no curso 2024-2025 unha taxa do 64,3 % de escolarización, máis de catro puntos por riba do 60,6 % acadado no período anterior. Esta porcentaxe mantén á comunidade ao nivel dos países con maiores índices de benestar en Europa, como Suecia ou Dinamarca.
No marco do Plan de Actuacións da Xunta de Galicia fronte aos posibles efectos das altas temperaturas sobre a saúde, vénse de activar o nivel 1 de alerta a diversas áreas da comunidade autónoma por episodio de calor. Meteogalicia informa que a partir da xornada do venres 27, as altas presións volverán localizarse ao norte da península Ibérica, achegando unha masa de aire moi cálida de orixe norteafricana. Isto fará que as temperaturas experimenten significativos ascensos, tanto nos valores mínimos como nos máximos. Este ascenso de temperaturas comezará a notarse desde ese mesmo día, cando en moitos puntos de Galicia se superarán os 30ºC, e mesmo os 35ºC, en puntos do interior.
