Noticias sociedad
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 2.682, deles 1.053 son da área da Coruña, 203 da de Lugo, 186 da de Ourense, 244 da de Pontevedra, 451 da área de Vigo, 299 da de Santiago e 246 da de Ferrol. Do total de pacientes positivos, 74 están en UCI, 251 en unidades de hospitalización e 2.357 no domicilio. Polo de agora, en Galicia hai un total de 109.904 persoas curadas, rexistrándose 2.300 falecementos. O número de PCR realizadas é de 1.764.416. O número de doses de vacina contra a covid-19 administradas é de 336.761.
A terceira edición do programa de dinamización lingüística 21 Días co Galego e +, da Xunta de Galicia, conclúe hoxe o reto coa lingua galega ao que se sumaron hai tres semanas máis de 3000 alumnas e alumnos de educación Primaria, ESO, Bacharelato e FP con idades comprendidas entre os 8 e os 18 anos, que se comprometeron a falar só en galego durante as 24 horas do día nas 21 xornadas de duración que marca a iniciativa, tanto dentro coma fóra da contorna escolar. Dez centros de ensino, un deles por primeira vez de Primaria, pechan así unha ampla e intensa programación desenvolta durante máis de 500 horas.
Todos os concellos de Galicia sitúanse no nivel medio de restricións, agás A Mezquita, Boborás, Vilardevós, Pontecesures e Paradela que quedan no nivel máximo e Sobrado, Soutomaior, Arteixo e Chantada que están no nivel alto. Así o anunciou o conselleiro de Sanidade, Julio García Comesaña, ven de informar en rolda de prensa celebrada na Coruña, das conclusións ás que chegou o subcomité clínico, logo da xuntanza mantida esta mañá. Ademais concretou que os concellos de Bóveda, Castroverde, Carballeda de Avia, Coles, Leiro e Maside van estar en especial vixilancia.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 2.931 deles 1.106 son da área da Coruña, 210 da de Lugo, 199 da de Ourense, 343 da de Pontevedra, 532 da área de Vigo, 314 da de Santiago e 227 da de Ferrol. Do total de pacientes positivos, 73 están en UCI, 257 en unidades de hospitalización e 2.601 no domicilio. Polo de agora, en Galicia hai un total de 109.165 persoas curadas, rexistrándose 2.289 falecementos. O número de PCR realizadas é de 1.746.721. O número de doses de vacina contra a covid-19 administradas é de 311.103.
Co obxectivo de xerar espazos de reflexión que fomenten o intercambio de experiencias arredor da peregrinación e o Camiño de Santiago coa muller como protagonista,vense de poñer en marcha a iniciativa Xacobeo Peregrinas, un ciclo de dez encontros multidisciplinares que se desenvolverán nos Camiños de Santiago ata fin de ano. A directora de Turismo de Galicia, Nava Castro presentou esta mañá a acción.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 3.422, deles 1.211 son da área da Coruña, 282 da de Lugo, 219 da de Ourense, 442 da de Pontevedra, 610 da área de Vigo, 379 da de Santiago e 279 da de Ferrol. Do total de pacientes positivos, 77 están en UCI, 292 en unidades de hospitalización e 3.053 no domicilio. Polo de agora, en Galicia hai un total de 108.192 persoas curadas, rexistrándose 2.278 falecementos. O número de PCR realizadas é de 1.726.452. O número de doses de vacina contra a covid-19 administradas é de 278.772.
A Xunta consensuará cos representantes da hostalería galega os pasos que se van dar para a progresiva reapertura do sector no marco dunha desescalada gradual e segura, tal e como se acordou hoxe nun encontro entre os representantes da Administración autonómica e dos hosteleiros para coñecer as prioridades do sector nun proceso baseado na baixada de contaxios e que é froito dun esforzo colectivo. De feito, pese a que nos últimos días se incrementaron os controis sobre as restricións, as denuncias baixaron, proba do bo comportamento dos clientes e do interese dos profesionais por cumprir as normas do plan de hostalería segura.
O inverno climatolóxico galego, comprendido entre os meses de decembro de 2020 e febreiro deste ano, caracterizouse por rexistrar temperaturas dentro dos valores agardados e precipitacións un 76% superiores ao habitual se se comparan co período de referencia 1981-2010. Neste sentido, os datos de precipitación rexistrados nas estacións máis representativas da comunidade fan que a estación se considere moi húmida, tendo que remontarse ao ano 2001 para atopar un precedente máis chuvioso. Segundo o avance do informe climatolóxico do inverno elaborado por MeteoGalicia, os tres meses do período analizado caracterizáronse por rexistrar precipitacións bastante elevadas.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 3.514, deles 1.247 son da área da Coruña, 304 da de Lugo, 225 da de Ourense, 457 da de Pontevedra, 606 da área de Vigo, 387 da de Santiago e 288 da de Ferrol. Do total de pacientes positivos, 79 están en UCI, 319 en unidades de hospitalización e 3.116 no domicilio. Polo de agora, en Galicia hai un total de 107.951 persoas curadas, rexistrándose 2.275 falecementos. Os últimos falecementos rexistrados nos centros hospitalarios galegos foron un varón de 79 anos que estaba ingresado no HULA; catro varóns de 78, 92, 78 e 67 anos que estaban ingresados no CHUAC e dous varóns de 83 e 77 anos, que estaban ingresado no CHUS.
O conselleiro de Sanidade informou en rolda de prensa das novidades acordadas polo subcomité clínico, e entre as que destacan o levantamento do peche perimetral das áreas sanitarias de Coruña e Pontevedra, e o establecemento do nivel máximo de restricións nos concellos de Boborás, Poboa de Brollón e A Mezquita, que se engadirán ao municipio pontevedrés de Soutomaior. Desde as 00:00 horas do luns, no que entrarán en vigor as novas medidas, os municipios das áreas sanitarias da Coruña e Pontevedra recuperarán a mobilidade cos restantes concellos galegos, sempre e cando se atopen no seu mesmo nivel de restricións.
No encontro debátese sobre economía global, comercio, fluxos financeiros e políticas de desenvolvemento rexional, pero tamén sobre cuestións candentes na actualidade como nacionalismo xeopolítico, federalismo e rexionalismo, economía da identidade, fronteiras e cooperación transfronteiriza. Ademais, preséntanse comunicacións sobre benestar, habitabilidade, vulnerabilidade, resistencia, sustentabilidade, cambio climático, medio ambiente e enerxía.
A XXXIV edición da "Xuntanza Internacional de Gaiteiros", evento declarado de Interese Turístico e Cultural, reunirá o vindeiro sábado, 8 de xuño, no castelo de Monterrei a músicos de Galicia, Bélxica, Croacia, Escocia e Alemaña. Na Xuntanza tamén se vai a inaugurar unha exposición de gaitas procedentes dos países eslavos no Hospital do Peregrino, no Castelo de Monterrei, que poderá visitarse ata o día 15 de xullo de 2019.
A VI Feira de Festas de Interese Turístico, Festur 2019, a cal se celebra conxuntamente co salón de turismo Turexpo Galicia e de forma paralela á 42ª Abanca Semana Verde de Galicia, contará coa participación de 46 celebracións con este recoñecemento. Estas festas de interese turístico celébranse en 35 concellos, os cales estarán presentes na área expositiva de forma individual ou a través de mancomunidades e xeodestinos.
A escolas infantís de 0 a 3 anos da rede autonómica A Galiña Azul abrirán o vindeiro curso escolar 2019/2020 con 8.594 nenas e nenos con praza, o que supón o 70% das 12.147 solicitudes presentadas con toda a documentación requirida e 302 admitidos máis que no presente curso. Ademais, a listaxe de nenas e nenos en agarda sitúase en 3.367 nenas e nenos, 501 menos que no período anterior. O 66% das solicitudes presentadas correspóndense con novos ingresos e o 34% con renovacións.
O 7 de xuño no Edificio CIEDUS (Finca Vista Alegre) terá lugar a I Feira de Emprendedoras de Compostela, organizada conxuntamente polo programa Woman Emprende da USC e a Concellaría de Desenvolvemento Económico de Santiago. A feira nace co obxectivo de achegar á cidadanía as diferentes iniciativas empresariais lideradas por mulleres e que están creando tecido empresarial responsable e transformador na nosa contorna.
Inaugurouse hoxe a segunda edición do Saborea Galicia, unha proposta cuxo obxectivo é poñer en valor tanto a materia prima de Galicia como as súas posibilidades dentro da cociña elaborada e moderna, na que a comunidade xoga un papel fundamental con once estrelas Michelin. A acción deste ano consiste na realización de catro showcookings para profesionais dirixidos polo chef galego Rafa Centeno.
Convocouse a edición 2019 de English Week, que ofrece un total de 1.125 prazas dirixidas ao alumnado de 6º curso de Primaria e dos catro cursos de ESO, para que realicen estadías lingüísticas en inglés. As estadías, enmarcadas dentro da Estratexia EDUlingüe 2020, son totalmente gratuítas para as familias, e inclúen docencia, material escolar, mantemento e aloxamento, monitores, actividades culturais, deportivas e complementarias dos cursos, certificados e seguros.
Despois de ano e medio de traballo e coa participación de máis de 2.000 persoas, 'Compartimos Plan' ofrece unha diagnose para a detección de necesidades, unha guía de recursos existentes na materia nos distintos concellos, unha guía de boas prácticas e tamén o plan de acción pola igualdade de xénero. O proxecto desenvolveuse cunha metodoloxía participativa, dinámica e colaborativa que tivo tamén como obxectivo a sensibilización e concienciación.
Presentouse hoxe o proxecto Tutatis nZE near Zero Emission, que pretende lograr a autosuficiencia enerxética nas Illas Cíes e Ons mediante a xeración de enerxía 100% renovable, co fin de que ambas illas avancen cara as cero emisións. O proxecto, impulsado polo Porto de Vigo, pretende crear un sistema sostible de aproveitamento dos recursos naturais, integrado na contorna e capaz de cubrir a demanda de enerxía e de auga de Cíes e de Ons.
A partir da análise dos datos bibliográficos de produción científica contidos en Web of Science, o ránking Leiden mantén un ano máis á USC entre as mil mellores universidades do mundo. A institución ascende á posición 446 da listaxe xeral, posicionándose como a 153 entre as mellores de Europa e a décimo terceira das españolas. A clasificación inclúe 963 universidades de 56 países que teñen en común un alto grao de intensidade de investigación.
