Noticias sociedad
Galicia recibirá ao redor de 30.000 doses da vacina elaborada pola farmacéutica Oxford-Astrazéneca a finais da presente semana. Así llo confirmou a Ministra de Sanidade, Carolina Darias, ao máximo responsable da Sanidade galega, Julio García Comesaña, durante a xuntanza do Consello Interterritorial do Sistema Nacional de Saúde. Con estas novas doses, a Xunta de Galicia poderá seguir avanzando no proceso de vacinación iniciado o pasado 27 de decembro e así acelerar o seu ritmo á hora de administralas doses. Nestes intres, a comunidade galega xa ten administradas un total de 233.316 doses. Nomeadamente, 184.620 doses de Pfizer, 6.367 de Moderna e 42.329 de Astrazéneca.
O consellerio de Sanidade, Julio García Comesaña, valorou positivamente esta mañá en rolda de prensa os datos epidemiolóxicos da comunidade, tras comezar o pasado venres o denominado proceso de desescalada. Con todo, o máximo responsable da Sanidade galega apelou á prudencia e a continuar co cumprimento estrito das medidas hixiénico-sanitarias vixentes. Trala xuntanza, na xornada de onte, do grupo de expertos que asesora á Xunta de Galicia na xestión da pandemia provocada polo virus Sars-Cov-2, o titular da Sanidade galega apuntou que o vindeiro venres erguerase o peche da área sanitaria de Ferrol co que recuperará a mobilidade co resto de Galicia.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 4.953, deles 1.612 son da área da Coruña, 456 da de Lugo, 280 da de Ourense, 722 da de Pontevedra, 842 da área de Vigo, 554 da de Santiago e 487 da de Ferrol. Do total de pacientes positivos, 105 están en UCI, 383 en unidades de hospitalización e 4.465 no domicilio. Polo de agora, en Galicia hai un total de 105.552 persoas curadas, rexistrándose 2.252 falecementos. O número de PCR realizadas é de 1.676.059. O número de doses de vacina contra a covid-19 administradas é de 223.879.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 5.207, deles 1.711 son da área da Coruña, 500 da de Lugo, 291 da de Ourense, 753 da de Pontevedra, 871 da área de Vigo, 569 da de Santiago e 512 da de Ferrol. Do total de pacientes positivos, 105 están en UCI, 431 en unidades de hospitalización e 4.671 no domicilio. Polo de agora, en Galicia hai un total de 105.194 persoas curadas, rexistrándose 2.238 falecementos. O número de PCR realizadas é de 1.671.969. O número de doses de vacina contra a covid-19 administradas é de 215.798.
Desde o 1 ata o 22 de marzo permanecerá aberto o prazo de solicitude de admisión nos centros escolares para o vindeiro curso, para todo o alumnado que entra por primeira vez no sistema educativo, así como para aqueles alumnos de Educación Infantil, de Educación Primaria de ESO e de Bacharelato que desexan cambiar de centro escolar sempre que haxa prazas dispoñibles. As solicitudes de admisión poderán presentarse a partir do día 1, tanto de xeito telemático na aplicación 'AdmisionAlumnado' como de xeito presencial nos centros escolares que se elixan como primeira opción.
Celebrarase a cerimonia de entrega das Medallas Emilia Pardo Bazán, que na última edición recoñeceron a Megumi Shiozawa a título póstumo, á Federación Provincial de Mulleres Rurais de Ourense e á Asociación Rede Mulleres Veciñais Contra os Malos Tratos de Vigo, nun acto previsto este 8 de Marzo, Día Internacional da Muller. O Goberno galego propón celebrar o acto de entrega nos xardíns do Pazo de Meirás polo seu simbolismo e a vinculación do mesmo coa escritora Emilia Pardo Bazán que dá nome aos galardóns e loitou pola igualdade nos seus tempos. Para iso xa solicitou ao Goberno central o uso das instalacións para a celebración da cerimonia.
Comezarán o vindeiro 19 de xuño as probas das oposicións de Educación, uns exames que se prolongarán ata o 23 de xullo, se realizarán de xeito escalonado e en sedes descentralizadas para algunhas especialidades. Así o explicou esta mañá en declaracións aos medios de comunicación o conselleiro de Cultura, Educación e Universidade, Román Rodríguez, antes do acto de recepción aos auxiliares de conversa que están a prestar servizo este curso no sistema educativo galego. O titular do departamento educativo da Xunta explicou que se inicia agora a rolda de contactos para abordar cos axentes implicados estas novidades, dirixidas a garantir a seguridade sanitaria no proceso de oposicións.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 6.772, deles 2.185 son da área da Coruña, 702 da de Lugo, 438 da de Ourense, 930 da de Pontevedra, 1.056 da área de Vigo, 742 da de Santiago e 719 da de Ferrol. Do total de pacientes positivos, 121 están en UCI, 465 en unidades de hospitalización e 6.186 no domicilio. Polo de agora, en Galicia hai un total de 102.806 persoas curadas, rexistrándose 2.205 falecementos. O número de PCR realizadas é de 1.647.696. O número de doses de vacina contra a covid-19 administradas é de 189.993.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 7.292, deles 2.351 son da área da Coruña, 748 da de Lugo, 509 da de Ourense, 983 da de Pontevedra, 1.127 da área de Vigo, 807 da de Santiago e 767 da de Ferrol. Do total de pacientes positivos, 133 están en UCI, 501 en unidades de hospitalización e 6.658 no domicilio. Polo de agora, en Galicia hai un total de 101.975 persoas curadas, rexistrándose 2.196 falecementos. O número de PCR realizadas é de 1.641.875. O número de doses de vacina contra a covid-19 administradas é de 179.156.
O delegado do Goberno en Galicia, Javier Losada, informou hoxe que a taxa de criminalidade da comunidade finalizou o ano 2020 consolidando o descenso de meses anteriores e acadando a mellor cifra dos últimos dez anos con 27,3 infraccións penais por cada 1.000 habitantes, 2,3 puntos menos que no ano anterior. Estas cifras recóllense no balance de criminalidade do cuarto trimestre do ano. Javier Losada resaltou que Galicia continúa como cuarta Comunidade máis segura do Estado, cunha taxa que está dez puntos por baixo da media española.
O Comité Español do Día Internacional da Luz (DIL) designou este ano Santiago de Compostela como sede do acto central que, tal e como declarou a UNESCO, ten lugar cada 16 de maio. A Universidade de Santiago de Compostela é, por tanto, a encargada de organizar un evento. No acto participarán 500 asistentes, incluíndo persoal investigador de diferentes universidades españolas e portuguesas.
Os 25 estudantes que rematan en ESTALMAT Galicia foron seleccionados en 2017 (23 nenos e 2 nenas nesta edición rexistrouse o número de mulleres máis baixo) entre os 345 presentados no ano 2017. A súa distribución por provincias é: A Coruña (14), Lugo (3), Ourense (1) e Pontevedra (7). Forman parte xa dos 3.485 estudantes presentados nas doce convocatorias celebradas ata o momento.
O Festival Arte pola igualdade nas Letras Galegas chega á súa VIII edición para homenaxear nesta ocasión a Antonio Fraguas cun novo cartel no que participan cinco centros de ensino da Coruña e que se poderá desfrutar este xoves, ás 19,00 horas, no Teatro Colón. A proposta, ademais de renderlle tributo ao autor das letras, pretende fomentar o traballo colaborativo e demostrar que a discapacidade física, psíquica ou sensorial non é impedimento para desenvolver a creatividade e sensibilidade artística.
O alcalde da Coruña, Xulio Ferreiro, acompañado da edil de Igualdade e Diversidade, Rocío Fraga, e o concelleiro de Culturas, José Manuel Sande, asistiu ao ensaio xeral do concerto que a Banda Municipal de Música da Coruña ofrecerá este xoves, 2 de maio, no Pazo da Ópera. A actuación suporá a estrea e presentación ao público do disco Diversos funcionais, un traballo que nace froito do proxecto Músicas inclusivas e participativas.
Ourense converterase esta fin de semana no epicentro dunha grande festa da Cultura. Venres, sábado e domingo, cidadanía e visitantes poderán gozar dunha ampla serie de actividades organizadas polo Concello, en colaboración coa Xunta de Galicia. Jazz, música galega e tradicións únicas coma os Maios, (festa declarada de Interese Turístico) e os entroidos ofrecerán un paquete único e transformarán as rúas no mellor escenario para descubrir a cidade.
A Festa do Melindre e da Repostaría Tradicional da Terra de Melide contará co chef Paco Roncero, un dos máis importantes do panorama gastronómico nacional dentro e fora das nosas fronteiras, como pregoeiro da súa vixésimo oitava edición. O evento terá lugar o domingo 12 de maio en Melide pero, ademais, o chef galardoado con dúas estrelas Michelin amosará tamén as súas cualidades na cociña nun showcooking doce con degustación o sábado 11 de maio.
Previsel, Salón da Prevención e Seguridade Laboral, pechou as portas da súa 14ª edición consolidado como a única feira especializade en Prevención de Galicia e conseguindo o obxectivo de fomentar a cultura preventiva entre toda a sociedade a través dun completo programa de actividades formativas que conseguiu atraer ata o recinto de Expourense a 2.500 visitas. O acto de clausura contou coa presenza do director xeral de Emerxencias da Xunta de Galicia, Santiago Villanueva.
A organización da Feira do Viño do Ribeiro (Concello de Ribadavia e CRDO Ribeiro), que este ano alcanza a súa 56ª edición e terá lugar os días 3, 4 e 5 de maio de 2019 en Ribadavia, presentou o seu programa no Pazo de Quián, en Sergude (Boqueixón). A Feira do Viño do Ribeiro, senlleira dentro das festas vitivinícolas que se celebran en Galicia, cada ano aumenta o seu número de participantes e de público que se achega a Ribadavia para gozar deste evento.
A Consellería de Medio Ambiente, Territorio e Vivenda organizará este mes de abril catro xornadas formativas sobre xestión de pilas e acumuladores así como de residuos de aparellos eléctricos e electrónicos (RAEE) de orixe industrial. Estas sesións van dirixidas aos diferentes axentes e colectivos implicados na produción e no tratamento posterior deste tipo de refugallos nas distintas fases do proceso.
A Axencia de Coñecemento en Saúde desenvolveu o pasado ano un total de 879 actividades formativas nas que participaron 14.200 profesionais. Isto supón máis de 5.850 horas lectivas e o traballo de 740 relatores e colaboradores docentes. A formación continuada dos profesionais do sistema público galego de saúde é unha prioridade. O obxectivo é mellorar o coidado dos pacientes a través do coñecemento, e para acadalo é preciso a actualización permanente das competencias profesionais.
