domingo, 1 de noviembre de 2026
O acto de clausura de Previsel serviu un ano máis para recoñecer o traballo e a colaboración das distintas entidades que integran o comité asesor do salón e que organizan o programa de actividades e entre os que se atopan representantes da Administración, patronal, sindicatos, colexios profesionais e distintos corpos de seguridade e emerxencias. Este acto de clausura contou coa presenza do director xeral de Emerxencias da Xunta de Galicia, Santiago Villanueva, quen insistiu na necesidade de investir en prevención para intentar evitar ou minimizar a posterior intervención dos distintos equipos de emerxencia”. O director xeral estivo acompañado neste acto polo vicepresidente da Deputación de Ourense, Rosendo Fernández; pola tenente alcalde de Ourense, Flora Moure; polo xerente da Axencia Galega de Emerxencias (AXEGA), Marcos Araújo, e por distintos representantes da Confederación Empresarial de Ourense (CEO) e do Instituto para a Seguridade e Saúde Laboral de Galicia (ISSGA).
Nesta segunda e última xornada de Previsel tiveron lugar actividades que contaron cun gran seguemento de asistentes como foi o caso da xornada sobre riscos ergonómicos organizada polo sindicato UGT que convocou a máis de 100 delegados de toda Galicia. Pola súa parte, a CIG celebrou tamén unha xornada sobre o cancro laboral que tamén contou con ampla participación.
Hoxe tamén foi o dÃa no que se impartiu foi o seminario organizado pola CEO “Masterchef: prevención, benestar e saúde” no que a través dun curso que imitaba ao popular concurso de televisión, unha vintena de técnicos en prevención de empresas da provincia de Ourense puideron ampliar coñecementos sobre cómo liderar equipos e sobre cómo transmitir boas prácticas en prevención ao resto do cadro de persoal das súas empresas.
O ISSGA celebrou hoxe a súa segunda xornada formativa que abordou os factores biolóxicos e os riscos psicosociais que inflúen nas persoas que atenden e coidan a dependentes.
Dentro das actividades organizadas por TESGALICIA hoxe impartiuse un obradoiro de defensa persoal a cargo do instrutor nacional de defensa persoal, Cipri Gomes, e a segunda parte do curso de manexo de desfibrilador externo semiautomático DESA.
A actividade en Expourense continuará a fin de semana que vén coa celebración da “Technium R Encounter” e os dÃas 10, 11 e 12 de maio coa segunda edición do Car Oulet Ourense.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trÃo do saxofonista e clarinetista cubano Paquito DÂ’Rivera. Neste mesmo escenario actuarán Abe Rábade, o dÃa 8, e Kenny Barron Trio, o 11. No CÃrculo das Artes sucederanse James Carter Organ Trio, o 5 de novembro; Jogo de Damas, o dÃa 6; Takuya Kuroda Quintet, o 7; Patricia Brennan Septet, o dÃa 12; Erik Truffaz & Antonio Lizana, o dÃa 13, e Clarence Bekker Band, o 14 de novembro.
O informe da Dirección Xeral de Saúde Pública da ConsellerÃa de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antÃxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
