lunes, 2 de noviembre de 2026
No que atinxe ao nivel alto, o responsable da Sanidade galega especificou que os concellos de Miño, Ponteceso, Sobrado, Arteixo, Cambados, Ponte Caldelas, Mos,Vilanova de Arousa, Guitiriz, Lourenzá, Paradela, Cariño e Mugardos pasarán a integrar a listaxe de municipios deste nivel.
Nos restantes concellos galegos rexerán as medidas do nivel medio.
Durante a súa intervención, García Comesaña solicitou a colaboración de toda a cidadanía á hora de cumprir as medidas establecidas co ánimo de poder continuar coa boa evolución epidemiolóxica que esta a ter a comunidade galega nas últimas datas.
Respecto da ocupación hospitalaria, o xerente do Sergas, José Flores, remarcou que na presión asistencial dos centros sanitarios galegos observase unha melloría reseñable dos datos, en comparación con hai unha semanas, explicando que na actualidade son 311 as camas ocupadas por pacientes covid, e que hai 89 pacientes que precisan asistencia nas unidades de coidados intensivos.
No que atinxe aos datos epidemiolóxicos, a directora xeral de Saúde Pública, Carmen Durán, sinalou que segue a aumentar o número de concellos sen novos casos identificados nos últimos 14 días e o número reprodutivo instantáneo fica situado nestes intres, por debaixo do 0,8%. Ademais, doutora Durán especificou que a incidencia acumulada en Galicia a 14 días é de 114 casos por 100.000 habitantes, e de 44, na súa evolución a 7 días.
O Plan constitúe o primeiro documento estratéxico específico de Galicia dedicado á planificación, organización e desenvolvemento dos coidados paliativos pediátricos e nace coa finalidade de dar resposta ás necesidades propias desta poboación, garantindo unha atención adaptada ás características evolutivas da infancia e da adolescencia. O documento aprobado hoxe conta co aval científico da Sociedade de Pediatría de Galicia e da Sociedade Española de Coidados Paliativos Pediátricos e está dirixido á poboación pediátrica con enfermidades crónicas complexas e situacións susceptibles de atención paliativa. Articúlase arredor de catro liñas estratéxicas orientadas a fortalecer a organización asistencial e a dar resposta ás necesidades clínicas, emocionais e sociais dos pacientes pediátricos e das súas familias.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
