lunes, 21 de septiembre de 2026
Na reunión, á que asistiron o vicepresidente primeiro, Alfonso Rueda; o conselleiro de Sanidade, Julio García Comesaña, e a conselleira de Traballo, María Jesús Lorenzana, acordouse que os hostaleiros farían as súas propostas sobre como ir desescalando nas vindeiras semanas e ir ampliando horarios e reabrindo os negocios que aínda permanecen pechados se se manteñen os bos datos epidemiolóxicos dos últimos días. Esas propostas serán analizadas posteriormente polo comité clínico, que avaliará a súa idoneidade.
No encontro tamén se falou da progresiva implantación das medidas para o control da capacidade dos locais e dos contaxios, como son a descarga dos carteis de ocupación e do código QR. Dous de cada tres hostaleiros xa os descargaron e fan uso deles, pero como recordou o vicepresidente primeiro no encontro, o venres remata o prazo para adaptarse á norma, de aí que solicitase aos representantes do sector que informen aos seus asociados da necesidade de aplicar estas medidas.
A Xunta segue do lado do sector para consensuar unha desescaldada segura e para axudalo a saír destra crise, de aí a posta en marcha do segundo plan de rescate, do que xa se teñen recibido 37.000 solicitudes de axudas directas que comezarán a pagarse neste mes de marzo.
Alfonso Rueda contrastou esta dilixencia da Xunta para o pago das axudas coa falta de concreción do Goberno central, que aínda non precisou as anunciadas hai días e que segue sumido en discusións e divisións internas que en nada axudan a un sector que precisa liquidez e plans de recuperación.
Medio milleiro de investigadoras e investigadores e máis de 150 actividades científicas nas sete cidades galegas: Vigo, Ourense, Pontevedra, Santiago, A Coruña, Ferrol e Lugo. Así se celebrará en Galicia a sexta edición da Noite Galega das Persoas Investigadoras, G-Night 2026, unha actividade na que a comunidade científica galega une talento e esforzos co obxectivo de achegar a ciencia á cidadanía e espertar vocacións científicas, ao tempo que se ofrecen propostas de lecer científico, cultural e educativo para toda a familia.
A Xunta de Galicia reclama ao Goberno central medidas estruturais de apoio ao sector agrogandeiro. Do mesmo xeito, esíxese que se teña en conta a realidade de cada territorio á hora de levar a cabo estas actuacións, que deben executarse de xeito urxente. Así o trasladou a conselleira do Medio Rural, María José Gómez, na Conferencia Sectorial celebrada en Madrid, na que se dirixiu ao ministro de Agricultura, Pesca e Alimentación, Luis Planas, para facer estas reclamacións. Alí, reafirmou tamén o compromiso do Executivo galego con este sector.
