Noticias tecnologia
O proxecto Early molecular nanoDIAGnostics of Brain tumors using ImmunePET (DIAGBI), que coordina un equipo investigador do Centro de Investigación en Medicina Molecular e Enfermidades Crónicas (CIMUS) da USC, foi unha das propostas seleccionadas na convocatoria do Ministerio de Ciencia e Innovación que promove a colaboración público-privada para dar resposta a desafíos estratéxicos. DIAGBI ten como obxectivo desenvolver unha nova tecnoloxía que permita o diagnóstico temperán e o seguimento non invasivo dos tumores cerebrais máis agresivos e con menor esperanza de vida para os doentes, como son os glioblastomas.
Galicia crece en todos os indicadores de uso das TIC e reduce a distancia coa media estatal. Destaca especialmente o crecemento de uso e contratación entre os colectivos de persoas de máis idade e nos municipios de menos habitantes. Segundo os datos publicados hoxe polo INE sobre o equipamento e uso das TIC nos fogares en 2021, o 90,2% dos galegos usa internet, rexistrando a menor diferencia coa media estatal do rexistro histórico. Por idades o 100% dos galegos de 16 a 34 anos empregan internet, por riba da media estatal, e o crecemento máis importante rexistrouse no tramo de idade de 65 a 75 anos cun 21% fronte ao 5,2% de crecemento estatal.
O Mes da ciencia en galego ofrece actividades na Biblioteca de Galicia e nas bibliotecas públicas Miguel Ángel Garcés da Coruña, de Lugo, Nós de Ourense, Antonio Odriozola de Pontevedra, Ánxel Casal de Santiago e Juan Compañel de Vigo. Entre as propostas previstas cómpre destacar obradoiros infantís de robótica, de física e química a través da cociña, de achegamento as figuras das científicas galegas Ánxeles Alvariño e Isabel Zendal e de xoguetes, entre moitas outras. Para a cativada e público familiar haberá obradoiros, contacontos e espectáculos teatralizados. En todos os centros se disporán mostras bibliográficas con material de divulgación científica.
O Polo Aeroespacial foi presentado no marco do congreso World ATM Congress, a principal conferencia a nivel mundial sobre xestión do tráfico aéreo, e Expodrónica, a feira de drons máis importante no sur de Europa, que se están a celebrar conxuntamente estes días no recinto feiral de Ifema. O Polo Aeroespacial de Galicia preséntase como unha iniciativa estratéxica con grande capacidade transformadora e importantes resultados acadados na fase anterior 2015-2020: 164 millóns de euros de investimento público-privado mobilizado; colaboración con empresas tractoras como Indra, Babcock e Boeing, máis de 900 profesionais, 60 solucións tecnolóxicas e cinco novas empresas en Galicia.
A transformación dixital está a mudar a configuración do persoal do tecido produtivo galego. Este ano un 13,6% das empresas galegas de 10 ou máis empregados conta con perfís TIC entre os seus traballadores e un 9% contratou ou tentou contratar un especialista do ámbito tecnolóxico no último ano. A pesar de que aínda son porcentaxes baixas polo carácter emerxente destas tecnoloxías, Galicia ocupa a segunda posición entre as comunidades que contratan perfís especialistas en Intelixencia Artificial e o noveno posto en Ciberseguridade. Os datos tamén reflicten o impacto da Covid-19 na adopción do teletraballo. Así o 45,3% das empresas de máis de 10 empregados afirma contar con persoal que teletraballa.
O presidente do Goberno galego, Alberto Núñez Feijóo, avanzou hoxe unha achega de 11,6 millóns de euros para poñer en marcha a primeira fase do Polo de Tecnoloxías Cuánticas con aplicacións na medicina, biotecnoloxía, aeronáutica ou telecomunicacións. Durante a rolda de prensa do Consello, Feijóo subliñou que esTENOta primeira fase permitirá despregar as infraestruturas necesarias, do polo, como: un simulador e un computador cuántico; un sistema de computación de altas prestacións; e un sistema de almacenamento exclusivo para computación cuántica que estará no Centro de Datos do Cesga.
A Xunta de Galicia colabora coa empresa Boeing e a organización sen ánimo de lucro FIRST Scandinavia na posta en marcha no Parque Tecnolóxico de Galicia (Tecnópole) de San Cibrao das Viñas da primeira Aula Newton de España. Trátase dunha grande oportunidade para que estudantes de entre 14 e 16 anos se acheguen ás materias de ciencia, tecnoloxía, enxeñaría e matemáticas (STEM) dun xeito innovador, empregando equipos de alta calidade, colaborando, debatendo e divertíndose.
O Polo Aeroespacial de Galicia é un dos proxectos tractores que recolle a candidatura galega aos fondos europeos Next Generation, que podería chegar a mobilizar 540M. De feito, é xustamente co Centro para o Desenvolvemento Tecnolóxico e Industrial (CDTI) con quen a Xunta ten aberta neste momento a licitación para dotar as instalacións de Rozas dun entorno de simulación avanzado de xestión do tráfico aéreo. A Axencia Galega de Innovación (Gain) xa recibiu un total de dez propostas para ser novos socios estratéxicos do Polo Aeroespacial de Galicia durante os vindeiros cinco anos.
A investigación de excelencia e a transferencia de coñecemento en todas as áreas das matemáticas constitúen o eido de actuación do Centro de Investigación e Tecnoloxía Matemáticas de Galicia (CITMAga) que nace como froito da suma de esforzos das tres universidades galegas. UVigo, USC e UDC únense para conformar este novo centro que aspira a converterse nun piar de excelencia científica dentro do ecosistema de innovación e investigación de Galicia, formando, atraendo e retendo talento, para dotar á sociedade e á industria galega e española de coñecemento innovador e vantaxes competitivas e sostibles a través do acceso a capacidades científicas e tecnoloxías de primeiro nivel, sinalan dende as tres institucións.
Máis dun millón de likes en stories, vídeos e publicacións, máis de 800.000 reproducións dos clips de vídeo que foron subindo ás súas redes, máis de 300 stories cunha media de alcance superior ás 270.000 persoas entre os catro instagrammers, máis de 3.000 comentarios,
son algunhas das cifras que suma a iniciativa Instagrammers no Camiño, que tivo continuidade nas redes sociais despois de que os catro protagonistas remataran a súa experiencia, que os levou entre o 8 e o 11 de xullo polo Camiño Portugués.
O 4 marzo conmemórase o Día Mundial da Obesidade e, coincidindo con esta efeméride, o proxecto SOSFood levará a Bruxelas o debate sobre a transformación do sistema alimentario. O catedrático Jesús Simal Gándara, membro do grupo de Investigacións Agrarias e Alimentarias (AA1) será o encargado de impartir un relatorio organizado por EuroCoop, a Cooperativa Europea de Asociacións de Consumidores, que terá lugar no Comité Económico e Social Europeo.
A pneumonía é unha das principais causas de morbilidade e mortalidade na infancia, sendo o seu diagnóstico preciso un elemento crucial para garantir o tratamento acaído. Segundo a Organización Mundial da Saúde, a pneumonía é responsable de aproximadamente 1,4 millóns de mortes anuais en cativada menor de cinco anos. Dous estudos liderados polos profesores da USC Antonio Salas e Federico Martinón acaban de lograr avances significativos no diagnóstico da pneumonía pediátrica.
O gran reto tecnolóxico que supón o descubrimento de exoplanetas e o desenvolvemento de novos métodos para a súa detección e análise é unha das áreas fronteira na astrofísica actual. O CITIC da UDC e o CSIC a través do Instituto de Astrofísica de Andalucíaúnense para impulsar a investigación e a innovación nesta área. Será a través da unidade 'AIRExS: Artificial Intelligence for Research on Exoplanets and Stars' da UDC.
Traballar nas tecnoloxías de comunicación 5G e máis alá para mellorar as súas prestacións é o obxectivo de EWOC (Enabling Virtualized Wireless and Optical Coexistence for 5G and Beyond), o proxecto internacional no que participa un grupo de investigadores do Centro de Investigación en Tecnoloxías de Telecomunicación da Universidade de Vigo, atlanTTic, que teñen como propósito principal avanzar na optimización destas redes para conseguir que sexan máis rápidas, eficientes e fáciles de usar.
Baixo o título 'Ciencia e conciencia no século XXI', máis de medio centenar de investigadoras e investigadores déronse cita no Gaiás nas I Xornadas de Centros de Investigación Interuniversitarios de Galicia, primeiro encontro aglutinador de talento investigador das tres universidades galegas organizado polo Centro de Investigación e Tecnoloxía Matemática de Galicia, Economics and Business Administration for Society e o Centro de Investigación Interuniversitario das Paisaxes Atlánticas Culturais.
O taller de Co-Creación do proxecto SUS-SOIL que se desenvolveu do Campus de Lugo é xermolo para o primeiro Laboratorio Vivo do Solo de Galicia que se centrará en analizar, inventariar e avaliar as prácticas de xestión agroecolóxica do subsolo e os usos do solo en contornas tanto rurais como urbanas. Decenas de participantes procedentes do eido agrícola, académico, industrial, así como persoas propietarias ou responsables da xestión de terras ou mesmo responsables políticos, conformaron este foro.
A Cidade das TIC avanza un paso máis no seu desenvolvemento coa inauguración do CEI (Coruña Estudo Inmersivo), o que xa é o maior plató virtual de España. Este proxecto, impulsado pola Deputación da Coruña, será xestionado por Pedralonga Estudios, sociedade formada polo Clúster Audiovisual Galego, empresas do sector e a UDC. O CEI conta cunha superficie total de máis de 2.000 metros cadrados con dous edificios interconectados.
Tirando de tópicos, todo o que podía saír ben, saíu ben no 20 aniversario das JAI. E é que a décima edición destas Jornadas sobre Tecnologías y Soluciones para la Automatización Industrial, que se celebrou a pasada semana, foi a da consolidación dun evento que converteu a Universidade de Vigo no epicentro da robótica e da novas tecnoloxías industriais.
O Centro de Investigación e Tecnoloxía Matemática de Galicia (CITMAga), Economics and Business Administration for Society (ECOBAS) e o Centro de Investigación Interuniversitario das Paisaxes Atlánticas Culturais (CISPAC) celebran o 20 de febreiro en Compostela as I Xornadas de Centros de Investigación Interuniversitarios de Galicia, primeiro encontro aglutinador de talento investigador das tres universidades galegas.
'Seres luminosos somos, non esta burda materia'. Corría o ano 1980 cando, na estrea da segunda entrega da saga cinematográfica Star War (Episodio 5: O imperio contraataca), o mestre Yoda invitaba a Luke Skywalker a 'sentir a forza' na enerxía ao seu redor. Apenas uns anos máis tarde (1986), o físico cuántico David Bohm escribía cara ao final da súa vida que 'a masa é un fenómeno de conexión de raios de luz que van e veñen, como conxelándoos nun padrón'.
