Noticias tecnologia
A Axenda Dixital Galicia 2020 logrou os seus obxectivos dunha maior dixitalización da sociedade, un maior impacto socio económico e a creación de oportunidades. Neste sentido, en todo o período 2015-2020 a interacción das persoas de Galicia coa Administración por medios electrónicos foi superior á media de España e da Unión Europea. As xestións en liña representan xa o 78 % das interaccións coas administracións en Galicia. Rexistrouse tamén un incremento significativo no uso das Tecnoloxías da Información e as Comunicacións (TIC), sobre todo nos grupos de maior idade. A evolución das persoas que declara ter usado internet nos últimos 3 meses foi tamén superior á media estatal e europea.
Unvex, o maior evento de vehículos non tripulados que se celebra en España, dará cita aos principais expertos nacionais e internacionais e empresas do sector os días 7, 8 e 9 de xullo na Cidade da Cultura de Galicia en Santiago de Compostela, na Escola Naval de Marín e no Centro de Investigación Aeroportada de Rozas (CIAR) en Castro de Rei (Lugo). Unvex ten confirmadas preto de 70 empresas expositoras que amosarán as súas novidades tecnolóxicas nos máis de 2500 metros cadrados de exhibición, entre os que destacan compañías tractoras do sector aeroespacial así como pequenas e medianas empresas e operadoras.
O ámbito de descubrimento de fármacos no que traballan a Fundación Kærtor e a Plataforma de cribado de fármacos e farmacoxenómica Innopharma da USC forma parte, na actualidade, da candidatura galega da Xunta de Galicia, xunto a Grupo Zendal e a Corporación Hijos de Rivera, aos fondos europeos Next Generation. Iniciativas como I2D2 (Incubation Innovation in Drug Discovery) ou Cancro Innova son dous dos exemplos máis significativos do éxito deste modelo de colaboración en innovación aberta para conectar a investigación coa súa aplicación.
A Axencia para a Modernización Tecnolóxica de Galicia (Amtega) vén de publicar o Plan de Acción en Software Libre 2021, que recolle diferentes actuacións co obxectivo de fomentar e promover o uso e reutilización de software libre na administración pública, o impulso dunha oferta de solucións libres e de calidade para as nosas empresas, e incrementar o uso e coñecemento do software libre por parte da sociedade. Como xa vén sendo habitual, unha parte moi importante destas actuacións desenvolveranse en colaboración dos principais axentes do ecosistema de software libre galego. Así asináronse convenios coa Asociación Galega de Empresas de Software Libre (AGASOL); coas Asociacións Galegas de Usuarios de Software Libre (AGUSL); e co Consorcio para o desenvolvemento de aplicacións Informáticas de Xestión Universitaria de Galicia (CIXUG), integrado polas tres universidades galegas.
O vicepresidente económico e conselleiro de Economía, Empresa e Innovación, Francisco Conde, mantivo en Madrid unha reunión de traballo co director xeral do Instituto Nacional de Técnica Aeroespacial (Inta), José María Salom, para avanzar no deseño da Estratexia do Polo Aeroespacial de Galicia 2021-2025. Na cita, na que tamén estivo presente a directora da Axencia Galega de Innovación (Gain), Patricia Argerey, destacouse a importancia de contar coa colaboración do organismo público dependente do Ministerio de Defensa para posicionar Galicia, a través das instalacións situadas en Castro de Rei (Lugo), como un referente no sector e impulsar así o seu crecemento económico.
A Estratexia Galega de Intelixencia Artificial 2021-2030 mobilizará máis de 330 millóns de euros e xerará un impacto na creación de riqueza duns 472 millóns. Este programa aliñará as necesidades económicas de Galicia coas capacidades de investigación e innovación e coas necesidades do sector público e privado. Isto implica, explicou o presidente da Xunta, que promoverá o uso da intelixencia artificial en sectores clave da economía galega, mellorará a prestación de servizos como a sanidade ou a política social, potenciará o patrimonio cultural e o turismo, e apoiará ás pemes galegas nos seus procesos de transformación dixital.
Tivo lugar esta mañá o acto de presentación da sexta edición de Unvex, a maior feira de drons que se celebra en España. A iniciativa levarase a cabo do 7 ao 9 de xullo na Cidade da Cultura co obxectivo de reunir aos profesionais do sector para abordar o crecemento da industria e analizar os principais desafíos para os próximos anos, poñendo especial atención no uso dos vehículos non tripulados nos servizos públicos que presta a Administración. Unvex 2021 supón un grande escaparate para os avances que se van producindo na industria galega, como por exemplo a iniciativa pioneira en Europa do Polo Aeroespacial de Galicia.
O Polo xerou unha comunidade de innovación na que participan unha gran variedade de pemes e centros de coñecemento con capacidades para establecer redes nacionais e internacionais e potencial para captar fondos que permitan a realización de proxectos colaborativos en áreas clave, dotando aos seus membros e ao propio ecosistema galego dun posicionamento estratéxico internacional. Esta colaboración mellorou as capacidades e a competitividade das pemes e centros de coñecemento que formaron parte do Polo Aeroespacial de Galicia, propiciando a xeración de 47 novos proxectos de I+D+i derivados da súa participación na iniciativa.
Un Museo Centro Gaiás convertido en contorna virtual en 360º acolle a Maker Faire Galicia, que repite este ano cun formato enteiramente en liña no que argalleiros de sete países diferentes España, A Arxentina, O Xapón, México, EE.UU., Portugal e O Brasil presentarán os seus proxectos. Despois do éxito da pasada edición, na que se convertía nunha das primeiras Maker Faire do mundo en dar o salto dixital, o evento volve apostar por un formato totalmente de balde, 100% virtual, e máis global ca nunca, con preto de 4.000 inscritos, cifras que cuadriplican as da última edición.
Desde o inicio da pandemia da COVID-19 en España son moitas as plataformas que veñen recollendo as cifras sobre a súa incidencia, non obstante case todas elas se quedan nunha análise superficial. Co obxectivo de poñer remedio a isto, a plataforma que propoñen desde o centro de investigación atlanTTic vai un paso máis aló. Panel Covid recompila todos os datos e informes publicados por fontes oficiais como son o Ministerio de Sanidade, a Renave (Red Nacional de Vigilancia Epidemiológica) e o INE (Instituto Nacional de Estadística) sobre a evolución da pandemia desde o seu inicio, co obxectivo de poder analizalos polo miúdo e amosalos de maneira sinxela e clara a calquera usuario.
A Fundación Enaire é unha institución cultural dependente do Ministerio de Transportes y Movilidad Sostnible, que desde hai tres décadas desenvolve un amplo programa de actividades centradas na arte e a cultura aeronáutica e que celebrou o seu 30 aniversario nun acto no que fixo entrega dos premios Aeronáuticos 2024. O premio é un recoñecemento ao esforzo que están facendo o grupo Aerolab e o Instituto de Física e Ciencias Aeroespaciais (IFCAE).
Dende que as JAI, Jornadas sobre Tecnologías y Soluciones para la Automatización Industrial, botaron a andar en abril de 2004, a décima edición será máis multitudinaria da súa historia: 70 relatores, 40 horas de conferencias e mesas redondas, preto de 2000 asistentes máis de 40 expositores no showroom, unhas cifras que constatan o crecemento e consolidación destas xornadas bienais.
Un equipo da Facultade de Educación e Traballo Social do campus de Ourense está a participar no proxecto estatal Fri-Housing. Nel, búscase desenvolver unha ferramenta para analizar os modelos de vivendas e contornas habitacionais amables para persoas con discapacidade intelectual dispoñibles en cada territorio e fomentar a existencia destes modelos.
O uso de tecnoloxías de realidade virtual inmersiva para mellorar terapias físico-cognitivas en persoas con dano cerebral adquirido constituía o eixe central de TEVI-DCA, unha iniciativa pioneira do grupo de investigación HealthyFit, da Universidade de Vigo, e Cruz Vermella. Este ensaio clínico levouse a cabo no Centro de Parálise e Dano Cerebral desta organización en Castro Ribeiras de Lea (Lugo) e a súa avaliación final permitiu constatar como o programa de exercicio desenvolvido permitiu xerar melloras nas funcións e capacidades dos participantes.
O Salón de Actos Concepción Arenal do Campus Industrial de Ferrol acolle, os días 13 e 14 de marzo, as xornadas sobre Intelixencia Artificial: Análise da Racionalidade e Reflexións Éticas que organiza o Centro de Investigación en Filosofía da Ciencia e da Tecnoloxía (CIFCYT) da Universidade da Coruña (UDC), en colaboración coa Sociedade de Lóxica, Metodoloxía e Filosofía da Ciencia en España, baixo a coordinación do catedrático da Facultade de Humanidades e Documentación, Wenceslao J. González.
A Real Academia Galega de Ciencias e a Fundación Barrié crearon os Premios de Investigación Fundación Barrié-RAGC, destinados a recoñecer a mellor investigación que se desenvolve na nosa comunidade en Ciencias Básicas, Técnicas e Sociais. Os tres traballos distinguidos recibirán unha dotación de 5.000 euros cada un, nun acto que se celebrará o 5 de febreiro no Pazo de San Roque de Santiago, coincidindo coa apertura do curso académico da RAGC.
O grupo de investigación Terceira Xeración (TeXe) do Departamento de Pedagoxía e Didáctica da USC lidera o proxecto europeo Camiño de Santiago: Camiño de intercambio e de aprendizaxe cultural europeo (CAXATO), que ten por obxecto que persoas maiores de 50 anos sexan parte dunha experiencia formativa orientada a mellorar as súas competencias artísticas, sociais, dixitais e de sustentabilidade co Camiño de Santiago como marco.
Nun claro exemplo de economía circular, Universidade de Vigo e industria únense nun proxecto multidisciplinar que busca aproveitar residuos vexetais para empregalos na mellora da conservación de alimentos. En concreto, o grupo operativo Agri-Resval, formado pola empresa Néboda Farms, o grupo AgroBioTech for Health da UVigo, a Fundación Empresa Universidade Galega (Feuga) e o Grupo Nueva Pescanova, traballa na revalorización de residuos de agricultura vertical.
25 anos de experiencia e un equipo de 43 profesionais avalan ao Grupo Integrado de Enxeñaría (GII) da Universidade da Coruña, fundado no Campus Industrial de Ferrol e integrado en dous centros de investigación, o CITENI (Centro de Investigación en Tecnoloxías Navais e Industriais) e o CITIC (Centro de Investigación en Tecnoloxías da Información e as Comunicacións).
Un estudo en ratos liderado pola Universidade Complutense de Madrid e no que participan Miguel López e Cristina Contreras, do Grupo NeurObesity do Departamento de Fisioloxía da USC e do CiMUS, revela un avance significativo no entendemento do papel da proteína PAS quinasa na termoxénese e a regulación do gasto enerxético mediante a produción de calor.
