miércoles, 21 de octubre de 2026
Conde salientou que se trata dunha infraestrutura que xa é unha realidade e, sobre todo, que ten moito futuro por diante porque o obxectivo é que este parque industrial conte cunhas instalacións únicas e pioneiras en España que sirvan como base de operacións ás empresas dun sector con gran potencial de crecemento como é o aeroespacial. Segundo dixo, contar con máis e mellores infraestruturas fai do Polo Aeroespacial un reclamo para atraer novos investimentos e fortalecer, así, o tecido empresarial deste sector en Galicia.
O Polo Aeroespacial do 2025
O vicepresidente económico salientou que ese é xustamente un dos retos para o vindeiro período 2021-2025 no que se prevé un investimento público-privado de 160 millóns de euros para reforzar as infraestruturas existentes, consolidar a industrialización de equipos e sistemas, e avanzar na busca de solucións tanto para o sector público como privado. Unha nova fase, dixo Conde, que vai permitir que Galicia poida seguir na vangarda do sector dos avións non tripulados no eido do coñecemento, da investigación e, sobre todo, coas achegas da industria e coa presenza de multinacionais como Indra, Boeing, Babcock e a través da colaboración do Instituto de Técnica Aeroespacial (Inta).
Con ese fin, a Xunta, a través da Axencia Galega de Innovación (Gain), lanzou o pasado mes de xuño unha consulta ao mercado para identificar novas tecnoloxías e tendencias no sector e deseñar o Polo Aeroespacial do 2025. Ao respecto, Conde apuntou que se recibiron 153 manifestacións de interese -presentadas por 67 entidades diferentes- das que, máis da metade proceden doutras comunidades autónomas e de empresas de países como Israel, EEUU, Portugal, Suíza, Italia ou Holanda.
O vicepresidente económico adiantou que a Xunta traballa coa previsión de que, unha vez avaliados os resultados desta consulta, se poida dispoñer dun mapa de demanda para finais de ano, que vai ser fundamental para coñecer os retos do sector, as necesidades das empresas, para deseñar actuacións de apoio e para trazar novos obxectivos.
Sobre a resposta recibida, Conde dixo que demostra a repercusión e os progresos que está a facer o Polo Aeroespacial de Galicia, que está posicionando Lugo como un referente do sector e amosando o compromiso da Xunta coa Galicia máis innovadora. Nesta liña, concluíu asegurando que non haberá desenvolvemento económico se non é sustentable e tecnolóxico e que esa vai ser unha das principais premisas desta lexislatura.
O proxecto Lugopoética dá un novo paso na difusión da poesía galega coa publicación do libro Lugopoética 2026, unha obra que recolle a creación e as reflexións de doce poetas participantes na terceira edición deste ciclo literario, desenvolvido na sede da UNED de Lugo durante o primeiro semestre do ano. A publicación reúne os contidos dun programa que busca achegar a poesía á cidadanía, favorecer o encontro entre autores e lectores e contribuír á difusión da literatura en lingua galega. A iniciativa consolídase así como un espazo de diálogo arredor da palabra poética, no que conviven traxectorias consolidadas e novas voces da creación literaria.
O presidente da Xunta, Alfonso Rueda, informou de que o Consello aprobou hoxe a Estratexia Galega de Innovación Empresarial, 'con horizonte 2028 e dotada de máis de 400 millóns de euros'. O obxectivo é apoiar ao tecido produtivo para que 'a innovación forme cada día máis parte das empresas', algo fundamental para 'ser máis competitivos e non quedar atrás' nun mundo cada vez máis global e tecnolóxico. Baixo o nome Galicia, fábrica de Innovación, a nosa Comunidade contará por primeira vez cunha estratexia específica para a innovación, un conxunto de medidas cun marco común para coordinar e reforzar os instrumentos de apoio existentes e incorporar outros cunha prioridade: industrializar a innovación.
