domingo, 8 de noviembre de 2026
Esta incubadora configúrase como unha oportunidade para facer medrar o ecosistema tecnolóxico de Galicia e consolidar o Polo Tecnolóxico da Cidade das TIC. Permitirá conectar as capacidades e esforzos público-privados para o desenvolvemento de novas solucións tecnolóxicas no ámbito da IA, mediante a creación e desenvolvemento de StartUps, actuando como vehículo de transferencia de tecnoloxía aos sectores empresariais vinculados á saúde e biotecnoloxía, sector industrial e emprendemento dixital.
Para a posta en marcha de SinerxIA, que conta co apoio do Igape, prevese a rehabilitación dun edificio xa existente, situado ao carón do Centro de Servizos Avanzados (CSA), e que conta cuns 2.200 m2 de superficie. Así, o plan baséase na rehabilitación, adecuación e distribución dos usos a través do acondicionamento dos diferentes espazos dos que se beneficiarán as empresas. En total, a UDC espera contar cunha dotación económica superior aos 5 millóns de euros para poder levar a cabo esta actuación.
A Convocatoria da Fundación INCYDE
Esta convocatoria ten como obxectivo contribuír ao desenvolvemento do tecido produtivo rexional a través da coordinación de Estratexia Rexional de Investigación e Innovación para una Especialización Intelixente (RIS3), así como a promoción das iniciativas de I+D+I.
Os proxectos presentados deberán ten como finalidade promover a transformación económica da rexión de execución do proxecto, pero tamén nacional e europea, e mellorar a competitividade e modernización das empresas incubadas a través do fomento da innovación e a transferencia de tecnoloxía.
Referente TIC e audiovisual
A Cidade das TIC conta na actualidade coas seguintes actuacións: o Galaxy Lab, centro de experimentación avanzada de Intelixencia Artificial; o Centro de Servizos Avanzados (CSA), un espazo de traballo e colaboración do sector TIC, en funcionamento e financiado con fondos do IGAPE; o Plató Virtual, impulsado pola Deputación da Coruña, e que ten as obras en marcha; o Centro de Formación Especializada, promovido pola Xunta de Galicia, actualmente en fase de redacción do proxecto; e por último, a creación de varios platós físicos, complementarios aos virtuais, promovidos por Pedralonga Estudios, unha agrupación de empresas do sector audiovisual de Galicia, que prevé a construción de dous platós que situarán a Galicia como referente para as rodaxes.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
