Noticias sociedad
Un equipo de físicos e xeógrafos da USC acaba de crear un descritor matemático que permite identificar os territorios máis susceptibles de gromos pandémicos e estimar o impacto das diferentes restricións de mobilidade. Este é o xermolo sobre o que se asenta o primeiro mapa de risco español ante pandemias no que os investigadores mediron a vulnerabilidade de cada localidade ao longo do Estado durante a segunda vaga da COVID-19. O estudo evidencia que un illamento por grupos de idades podería ser máis efectivo que un illamento territorial por municipios.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 8.847 deles 2.017 son da área da Coruña, 917 da de Lugo, 1.208 da de Ourense, 1.009 da de Pontevedra, 1.630 da área de Vigo, 1.433 da de Santiago e 621 da de Ferrol. Do total de pacientes positivos, 27 están en UCI, 459 en unidades de hospitalización e 8.361 no domicilio. Polo de agora, en Galicia hai un total de 603.802 persoas curadas, rexistrándose 3.496 falecementos. O número de PCR realizadas é de 3.901.965. O número de doses de vacina contra a covid-19 administradas é de 6.658.342.
A análise dos patróns que se observan na distribución dos apelidos ao longo dun territorio proporciona datos sobre movementos e características das poboacións. Baixo esta premisa, unha investigación da USC acaba de constatar que Galicia atópase dividida en cinco sectores segundo a rexionalización dos apelidos. Así o afirma na súa tese de doutoramento a investigadora María José Ginzo Villamayor, quen ademais constata que estes cinco grupos aproxímanse ás divisións eclesiásticas ou dioceses nas que tamén se divide a comunidade autónoma.
Galicia continúa sen ter casos confirmados da denominada varíola do mono, ao obter senllos resultados negativos as probas dos tres primeiros posibles casos detectados na comunidade. Nas últimas horas, a Dirección Xeral de Saúde Pública comunicou ao Centro de Coordinación de Alertas e Emerxencias Sanitarias, dous novos posibles casos de infección, ascendendo ata 5, o número total de persoas que presentaron un cadro compatible coa varíola do mono.
A Consellería de Cultura, Educación, FP e Universidades vén de rexistrar na aplicación informática do Ministerio de Universidades a proposta de oferta de prazas de novo ingreso en títulos oficiais de grao e máster para as universidades públicas galegas cara o curso académico 2022/2023, unha oferta que foi consensuada coas vicerreitorías de titulacións e que será oficial unha vez que se ratifique formalmente nas vindeiras semanas pola Conferencia General de Política Universitaria. Como principais novidades, as universidades públicas galegas incorporarán o vindeiro curso tres novos títulos de grao e 10 novos mestrados universitarios.
A Xunta de Galicia vén de facer público o contido dos sete acordos de xestión asinados este ano polo Sergas con cada unha das áreas sanitarias galegas. Dentro dos obxectivos fixados destacan os relacionados coa reforma e mellora da atención primaria. En particular, o primeiro destes obxectivos está directamente relacionado coa accesibilidade dos servizos deste nivel asistencial: márcase o obxectivo de que o 90% das cotas de persoal sanitario de atención primaria (medicina de familia, enfermaría ou pediatría) teñan cita dispoñible para o paciente en menos de 4 días.
A Xunta de Galicia anunciou o despregamento do programa poboacional de cribado de cancro de cérvix ao conxunto da comunidade galega. A folla de ruta inclúe un programa de cribado destinado ás máis de 621.000 mulleres galegas con idades comprendidas entre os 35 e os 65 anos, e que ten por obxectivo reducir a morbi-mortalidade e a incidencia deste cancro entre poboación galega. En decembro do ano 2020, a Consellería de Sanidade iniciou a planificación do Programa galego de detección precoz do cancro de cérvix e, recentemente, vén de concluír a primeira pilotaxe deste cribado, levada a cabo no distrito centro da área sanitaria de Lugo, A Mariña e Monforte de Lemos.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 9.573 deles 2.131 son da área da Coruña, 1.092 da de Lugo, 1.247 da de Ourense, 1.072 da de Pontevedra, 1.792 da área de Vigo, 1.553 da de Santiago e 676 da de Ferrol. Do total de pacientes positivos, 28 están en UCI, 574 en unidades de hospitalización e 8.971 no domicilio. Polo de agora, en Galicia hai un total de 598.798 persoas curadas, rexistrándose 3.480 falecementos. O número de PCR realizadas é de 3.893.796. O número de doses de vacina contra a covid-19 administradas é de 6.656.778.
A Consellería de Sanidade vén enviar as mostras de dous novos posibles casos da enfermidade da varíola do mono ao Instituto de Saúde Carlos III. Até o de agora, a Dirección Xeral de Saúde Pública comunicou ao Centro de Coordinación de Alertas e Emerxencias Sanitarias, un total de tres posibles casos de infección, todas elas á espera dun diagnóstico definitivo. Nomeadamente, o pasado venres Sanidade enviou a Madrid as mostras da primeira das persoas que presentou na nosa comunidade un cadro compatible coa definición da varíola do mono. Nas últimas horas, o departamento sanitario da Xunta comunicou dous novos posibles casos e remitiu as mostras ao Instituto de Saúde Carlos III, para que estas sexan avaliadas nos seus laboratorios.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 11.987 deles 2.474 son da área da Coruña, 1.499 da de Lugo, 1.638 da de Ourense, 1.283 da de Pontevedra, 2.217 da área de Vigo, 1.966 da de Santiago e 896 da de Ferrol. Do total de pacientes positivos, 27 están en UCI, 630 en unidades de hospitalización e 11.330 no domicilio. Polo de agora, en Galicia hai un total de 593.420 persoas curadas, rexistrándose 3.464 falecementos. O número de PCR realizadas é de 3.888.021. O número de doses de vacina contra a covid-19 administradas é de 6.654.873.
Nenos e nenas do CEIP Espiñeira (Aldán), traballando conxuntamente con escolares do val de Aosta italiano ao igual que o fan estudantes da illa croata de Korkula con rapaces dunha aldea de Chipre... O proxecto europeo Green SEEDS ten como obxectivo contrarrestar o risco de illamento das pequenas escolas rurais a través do debate e o traballo conxunto entre profesorado e alumnado de centros situados no rural, en illas ou en montañas de cinco países do sur de Europa.
A conselleira de Infraestruturas e Mobilidade, Ethel Vázquez, a directora xeral de Administración Local, Natalia Prieto, e os delegados da Xunta na Coruña, Gonzalo Trenor; en Lugo, Javier Arias; en Ourense, Gabriel Alén; e Pontevedra; Luis Lopez; participaron no encontro Next Generation Galicia. Por un rural forte e conectado.
Despois de ter que adiar a súa sétima edición o ano pasado por mor da evolución da pandemia, Pont-Up Store, evento de fomento da innovación e o emprendemento do noroeste peninsular, 'xa quece motores para regresar con máis ilusión ca nunca e varias novidades durante os días 24 e 25 de setembro', segundo indican os seus responsables.
Galicia, polo seu clima, o tipo cuberta da súa superficie forestal, é un paraíso micolóxico, salientou o catedrático da USC na Escola Politécnica Superior de Enxeñaría Antonio Rigueiro, na apertura da xornada semipresencial promovida polo grupo operativo Mikogest para debater sobre as posibilidades de aproveitamento dos recursos micolóxicos como un activo máis das fincas forestais, e presentar as actividades desenvolvidas ao longo dos últimos 18 meses ao abeiro dun proxecto liderado desde Castela León pola Fundación Cesefor.
As tres universidades e a consellaría de Cultura, Educación e Universidades acaban de presentar as súas manifestacións de interese en relación ás propostas de mestrados incluídos no estudo Galicia 2030: perfís profesionais de futuro e novas titulacións e especialidades universitarias, impulsado pola Xunta de Galicia e a Fundación Empresa-Universidade Galega (FEUGA).
Seguindo a iniciativa da Xunta de Galicia #AcendeoXacobeo, coa que se iluminaron máis dun cento de edificios e monumentos en Galicia para anunciar o comezo do Ano Santo, Turespaña está a replicar a exitosa iniciativa promovendo a iluminación de edificios vencellados co Camiño de Santiago en Europa con motivo da celebración do 25 de xullo.
Buscaban unha solución tecnolóxica capaz de mellorar a accesibilidade do Camiño de Santiago e o resultado é PictoXacobeo, unha aplicación para Android deseñada especificamente para facilitar a interacción dos peregrinos do Camiño de Santiago con necesidades comunicativas especiais (trastornos da fala, comprensión lectora e escritora, dificultades da linguaxe, etc.).
A profesora de Socioloxía e integrante do Equipo de investigación Sociedades en Movemento (ESOMI), Antía Pérez Caramés, publica, xunto co Catedrático en Historia Moderna da Universidade de Santiago de Compostela, Isidro Dubert, o libro 'Invasión migratoria y envejecimiento demográfico. Dos mitos contemporáneos' na editorial La Catarata. No libro reúnen unha serie de traballos arredor dos principais debates actuais que teñen un pano de fondo demográfico.
O proxecto 'ConArte no Camiño. Belas Artes para a transmisión dos valores universais do Camiño', promovido polo Grupo Compostela de Universidades (GCU), busca achegar os artistas ao entorno do Camiño de Santiago para que adquiran novas experiencias vitais, que sexan fonte de inspiración na creación de obras plásticas e escenografías, e que posteriormente sirvan de vehículos da transmisión do coñecemento e propicien o seu uso didáctico.
Unha iniciativa lúdica e cultural para dinamizar o rural ourensán a través do seu patrimonio. Así se presenta PEDRA, Festival de Saberes, que se celebrará na reitoral da Chaira de Riós (Ourense) o 26 de xullo; o 27 e 28 de agosto e 4 e 5 de setembro. O certame, organizado por A Bela Auria e a Universidade de Vigo, contará cunha ampla programación de obradoiros e actividades de lecer dirixidas a todo tipo de públicos.
