Notas de prensa

As universidades galegas traballarán conxuntamente na oferta de varios másteres

As tres universidades e a consellaría de Cultura, Educación e Universidades acaban de presentar as súas manifestacións de interese en relación ás propostas de mestrados incluídos no estudo Galicia 2030: perfís profesionais de futuro e novas titulacións e especialidades universitarias, impulsado pola Xunta de Galicia e a Fundación Empresa-Universidade Galega (FEUGA).

O informe contou coa participación de 80 especialistas que traballaron na definición dun listado inicial de títulos de mestrado para axustar a oferta de ensino superior aos novos perfís profesionais da vindeira década en eidos específicos como a economía circular, a biofabricación, a innovación educativa, a mobilidade autónoma ou a intelixencia artificial, entre outros.

Nun acto no que participaron os reitores Antonio López (USC), Julio Abalde (A Coruña) e Manuel Reigosa (Vigo), xunto co conselleiro Román Rodríguez, presentáronse os distintos ámbitos temáticos nos que as universidades mostraron o seu interese por acadar colaboracións que permitan o desenvolvemento conxunto destas titulacións para a súa posible implantación no curso 2023-2024. Entre outros, son propostas de mestrado en ámbitos como a economía circular, fabricación aditiva, xestión sostible e avanzada da auga, tecnoloxía téxtil, biofabricación, cronicidade e novos modelos de atención sociosanitaria, e-saúde, comportamento do consumidor e experiencia de cliente, e-government e transformación dixital, innovación educativa, internet das cousas, realidade estendida ou mobilidade autónoma.

Para cada unha delas constituirase unha comisión de traballo interuniversitaria, que realizará unha valoración técnica das propostas, analizará as súas posibilidades organizativas e avanzará na definición e elaboración das memorias, así como na distribución por campus en función das declaracións de interese manifestadas inicialmente ou doutras que se poidan engadir no futuro inmediato.

O reitor Antonio López subliñou nesta presentación que as universidades teñen a necesidade de “renovar e manter ao día permanentemente a súa oferta de estudos, moi especialmente no ámbito do mestrado, o cal esixe reaccións permanentes ante as novas necesidades”. Sobre a base do documento Galicia 2030, Antonio López avoga por profundar nunha oferta “pensada no estudantado e adaptada ás necesidades do mercado”, tendo en conta a necesaria especialización.

Á oferta vinculada ao informe elaborado por FEUGA, López sumou outras propostas nas que as universidades están a traballar con distintos niveis de desenvolvemento no ámbito das Humanidades, como o ensino do español como lingua estranxeira ou o patrimonio cultural dixital. O reitor compostelán recoñeceu o valor engadido de abordar esta oferta apelando á capacidade das tres universidades e respectando a súa autonomía para enriquecer esta proposta inicial con novas titulacións de posgrao.

Universidade de Santiago de Compostela, 2021-07-29

Actualidad

Foto del resto de noticias (camino-cunchas.jpg) Percorrer o tempo. Visións contemporáneas do Camiño inclúe unha escolma de fotografía e vídeo e sitúase na zona portuaria, onde permanecerá ata o mes de novembro. Na iniciativa participan artistas de Galicia, como Carla Andrade, Luis Díaz Díaz, Iván Nespereira, Bandia Ribeira e Lúa Ribeira, xunto a profesionais de fóra que representan os diferentes Camiños e enlaces con outras rutas históricas. Así, figuran tamén a inglesa Olivia Arthur, presidenta da Axencia Magnum; o portugués André Cepeda, o francés Michel Le Belhomme, a alacantina Cristina de Middel, que foi Premio Nacional de Fotografía, e o xienense Miguel Ángel Tornero. O docente e artista visual Nicolás Combarro é o comisario da mostra.
Foto de la tercera plana (mare.jpg) Este festival será lugar de encontro de artistas, músicos, poetas e escritores de ambas as dúas beiras do Atlántico que conflúen en Santiago para celebrar a súa diversidade e creatividade cultural. Máis de 30 propostas musicais e artísticas, oito delas aínda inéditas aquí e dúas que serán unha estrea mundial, procedentes dunha decena de países e comunidades autónomas que comparten vínculos con Galicia. Así, ademais dunha ampla representación galega, o cartel inclúe artistas de Catalunya, Portugal, Colombia, Brasil, Mozambique, Cabo Verde, Güiana, Arxentina, Malí, Inglaterra, Sáhara Occidental ou Paraguai que farán que Compostela fale catalán, inglés, mambara, guaraní ou chopi timbilia, entre outros.

Notas

Na fin de semana do 25 e 26 de setembro subirán ao escenario o cantautor ourensán Emilio Rúa co seu concerto íntimo A canción de autor de Ourense, e Teatro Sarabela, coa obra O Secuestro da Bibliotecaria, unha peripecia divertida a refrescante que aposta polos valores da solidariedade e ao amor á literatura para público maior de seis anos. Xa en outubro, o día 1 o actor e director Avelino González narrará a vida e obra do intelectual ourensán Vicente Risco en Risco Contando a todo Risco.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 2.580 deles 687 son da área da Coruña, 510 da de Lugo, 276 da de Ourense, 177 da de Pontevedra, 433 da área de Vigo, 409 da de Santiago e 88 da de Ferrol. Do total de pacientes positivos, 32 están en UCI, 84 en unidades de hospitalización e 2.464 no domicilio. Polo de agora, en Galicia hai un total de 176.385 persoas curadas, rexistrándose 2.614 falecementos.
PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania