martes, 27 de octubre de 2026
O presidente da Xunta, Alfonso Rueda, destacou hoxe que o informe da Consellería de Vivenda e Planificación de Infraestruturas cifra en 2.943 as vivendas de promoción pública en marcha diferentes fases de tramitación e execución na comunidade. Estas vivendas forman parte do traballo do Goberno galego para duplicar o parque público residencial, o que significa que neste momento a Xunta ten xa en marcha o 73 % dos novos fogares comprometidos para esta lexislatura. Cómpre recordar que en 2025 o Goberno galego triplicou o orzamento destinado á vivenda pública e solo residencial.
O Informe reflicte así que neste momento, a Xunta de Galicia ten 2.943 vivendas de nova construción en marcha, o que supón un investimento xa licitado de 208 M, e un total estimado de 451 M: Xa están licitadas e en diferentes fases de execución. En ano e medio de lexislatura avanzamos cara ao obxectivo da construcción do 75% das 4.000 vivendas comprometidas, apuntou o presidente. En concreto, 2.062 en estado de licitación ou execución da redacción de proxecto e dirección de obra, 56 con obra licitada e 825 xa en obras.
O Goberno galego, para acadar este reto, está impulsando a construción destes novos fogares de promoción pública a través do Instituto Galego da Vivenda e Solo (IGVS), e por outra banda, e tras iniciar a súa actividade a principios de 2025, a Sociedade de Vivenda Pública de Galicia (Vipugal) está a impulsar a construción tanto de inmobles en parcelas de titularidade municipal cedidas nesta lexislatura á Xunta e os inmobles vinculados a actividade de Xestur, antiga empresa pública promotora de vivenda protexida. O seu obxectivo é chegar a poñer en marcha 2.350 fogares nesta lexislatura.
En concreto, neste momento están en construción un total de 825 vivendas de promoción pública con obra promovida a través do Instituto Galego de Vivenda e Solo (IGVS), cun investimento xa licitado de 183 millóns de euros.
O Instituto Galego da Vivenda e Solo ten en marcha, dentro do cómputo das novas vivendas, a promoción de 190 aloxamentos compartidos e temporais dirixidos a menores de 36 anos, cunha estimación de investimento futuro de preto de 27 M. Estas actuacións desenvolveranse en Lugo, en Vigo e en Santiago de Compostela, co obxectivo de ampliar a oferta de vivenda pública adaptada ás necesidades da mocidade galega.
Ademais, xa están programadas pola Sociedade de Vivenda pública de Galicia (Vipugal) outras 1.777 vivendas, cos proxectos licitados ou adxudicados por un investimento aproximado xa licitado de 23 millóns de euros.
No detalle, da cesión de solo cos concellos onde existe demanda acreditada de vivenda, Vipugal ten en marcha a promoción de 768 vivendas, e pendentes de cesións posibles de varios concellos.
Distribución por provincia
Por provincias, na Coruña, concretamente na cidade da Coruña, Santiago de Compostela, Ferrol, Narón e Teo, hai en marcha 966, das que 574 están en estado de licitación ou execución de proxecto, e 212 están en obras.
En Lugo, 597 vivendas en marcha, 451 en estado de licitación ou execución de proxecto, e 146 están en obras.
Na provincia de Pontevedra, concretamente na cidade de Pontevedra, Vigo, Vilagarcía, Mos, A Estrada e Lalín, concello de diferentes formacións políticas, a Xunta ten en marcha 1.304 vivendas, das que 845 están en fase de licitación ou execución de proxecto, 56 teñen a obra xa licitada e 403 en execución de obra.
Na provincia de Ourense, en concreto en Ourense cidade e San Cibrao das Viñas, o Goberno galego ten 76 vivendas en marcha, 12 en fase de licitación ou execución de proxecto e 64 en obras. Para Rueda, estes datos amosan que Galicia cumpre. Que a Xunta avanza con paso firme, e reitero o compromiso de cumprir o que dixemos de ampliar a oferta de vivenda na comunidade.
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a síndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na síndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raíz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes países. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
