jueves, 29 de octubre de 2026
Deste xeito, Turespaña, a través das súas Oficinas internacionais, en colaboración con Turismo de Galicia está a iluminar monumentos emblemáticos de diversas capitais para promocionar o Xacobeo 2021-2022. Con esta acción búscase amplificar a celebración da festividade do Apóstolo dándolle unha repercusión internacional ás portas da celebración do Día do Apóstolo.
Os monumentos emblemáticos que permanecen iluminados estes días sitúanse en Reino Unido, Irlanda e Polonia, países que son principais emisores de viaxeiros estranxeiros ao noso país. Así, a Igrexa de Saint James de Dublín, que é a máis identificada co Camiño de Santiago na capital irlandesa, comezou a iluminarse o 19 de xullo e seguirá lucindo a frecha amarela que marca o Camiño de Santiago ata o día 26.
Do mesmo xeito, esta semana ilumináronse a Catedral de Southwark, situada xunto ao London Bridge de Londres e a igrexa de Santiago Apóstolo en Torun, en Polonia, que lucirá a iluminación especial ata o 25 de xullo.
AcendeOXacobeo en Galicia
A Torre de Hércules e o edificio de Afundación Abanca na Coruña, o Concello e a sede da AFundación en Ferrol, a torre da Berenguela e a Cidade da Cultura en Santiago, a Igrexa de San Francisco en Pontevedra, a Catedral en Ourense, a Catedral de Lugo e a sede da Xunta e a sede de AFundación Abanca en Vigo manteñen tamén a iluminación acesa con motivo da celebración deste Xacobeo, que continuará nas cidades galegas ata, polo menos, o remate deste primeiro Ano Santo.
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a síndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na síndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raíz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes países. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
