lunes, 2 de noviembre de 2026
O xefe da área forestal de Cesefor, Roberto Rubio, e a xerente de Cose, Patricia Gómez, lembraron na apertura da xornada, nun acto no que tamén participou a vicerreitora de Coordinación do Campus de Lugo, Montserrat Valcárcel, os obxectivos de Mikogest, un proxecto promovido por un grupo operativa suprautonómico e financiado con preto de 600.000 euros polo Fondeo Europeo de Agrícola de Desenvolvemento Rural e a Administración Xeral do Estado. Este programa pretende avanzar na xestión da regulación dos recursos micolóxicos a través de técnicas innovadas e o uso das TIC, a fin de garantir o seu aproveitamento sustentable e a trazabilidade na cadea de valor, ademais de prover de información útil a produtores e ás persoas que as recollen, sinalaron.
A creación da App Smarbasket (cesta intelixente), a través da que as persoas usuarias poden acceder de xeito confidencial a ampla información sobre as distintas especies de cogomelos, así como a modelos preditivos de produción micolóxicas das distintas áreas xeográficas, en función das características de solos, clima, superficie forestal... é un das ferramentas innovadoras auspiciadas por Mikogest, salientou Patricia Gómez, quen tamén fixo alusión aos beneficios que potencialmente reporta esta ferramenta tecnolóxica en aras dunha maior seguridade alimentaria.
A xerente de Cose tamén destacou a posta en marcha dunha asociación nacional de carácter profesional de produtores e colleitadores de recursos micolóxicos como outra da grandes achegas deste proxecto. De feito, Gómez apuntou que esta asociación contribuirá a ter unha sorte de rexistro ou control das persoas relacionadas dalgún xeito con esta actividade o co aproveitamento dun recurso forestal que en Galicia, así como en outras rexións de España, presenta moitas potencialidades.
Produción e rendibilidade
A produción de setas en Galicia comeza xa a ser importante, tanto polo seu volume como pola actividade empresarial asociada ao sector, sinalou o catedrático da USC na Escola Politécnica Superior de Enxeñaría do Campus de Lugo Antonio Rigueiro, quen logo de precisar que os cogomelos máis abundantes e habituais en Galicia son as variedades boletus, cantarela e níscalo, precisou que a súa produción xa é importante e podería incrementarse de xeito notable.
A rendibilidade que poden achegar os recursos micolóxicos é clara, aínda que podería se moito maior, xa que en Galicia aínda non somos capaces de acadar valor engadido a uns activos forestais que poden chegar a multiplicar por oito o seu valor noutros mercados nacionais e internacionais, explica Rigueiro, que alén de recoñecer que a poboación galega presenta bastante micofobia, lamentou o oscurantismo que existe arredor da actividade económica dos recursos micolóxicos, cuxos principais beneficios acostuman ser para os intermediarios, dixo.
Rigueiro lembrou na súa intervención algúns estudos desenvolvidos por el mesmo na década dos anos 70 do pasado século XX sobre a rendibilidade dos cogomelos en soutos e piñeirais, así como outros traballos máis recentes realizados na contorna courelá que estiman entre 50 e 100 quilogramos por hectárea de souto ou piñeiral a produción de boletus. Esta produción podería situarse arredor dos 150 quilos no caso das cantarelas, engadiu este investigador da USC, para logo situar entre cinco ou seis euros por quilogramo o diñeiro que perciben as persoas que colleitan estes cogomelos.
O Plan constitúe o primeiro documento estratéxico específico de Galicia dedicado á planificación, organización e desenvolvemento dos coidados paliativos pediátricos e nace coa finalidade de dar resposta ás necesidades propias desta poboación, garantindo unha atención adaptada ás características evolutivas da infancia e da adolescencia. O documento aprobado hoxe conta co aval científico da Sociedade de Pediatría de Galicia e da Sociedade Española de Coidados Paliativos Pediátricos e está dirixido á poboación pediátrica con enfermidades crónicas complexas e situacións susceptibles de atención paliativa. Articúlase arredor de catro liñas estratéxicas orientadas a fortalecer a organización asistencial e a dar resposta ás necesidades clínicas, emocionais e sociais dos pacientes pediátricos e das súas familias.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
