sábado, 10 de mayo de 2025
O conselleiro de Sanidade, Julio García Comesaña, anunciou esta mañá, en rolda de prensa, o despregamento do programa poboacional de cribado de cancro de cérvix ao conxunto da comunidade galega.
Acompañado polo xerente do Servizo Galego de Saúde, José Flores; e a directora xeral de Saúde Pública, Carmen Durán, o titular de Sanidade detallou folla de ruta dun programa de cribado destinado ás máis de 621.000 mulleres galegas con idades comprendidas entre os 35 e os 65 anos, e que ten por obxectivo reducir a morbi-mortalidade e a incidencia deste cancro entre poboación galega.
En decembro do ano 2020, a Consellería de Sanidade iniciou a planificación do Programa galego de detección precoz do cancro de cérvix e, recentemente, vén de concluír a primeira pilotaxe deste cribado, levada a cabo no distrito centro da área sanitaria de Lugo, A Mariña e Monforte de Lemos.
O despregamento deste programa levarase a cabo dun xeito progresivo e, este mesmo mes de maio, iniciarase a súa expansión pola totalidade da área sanitaria de Lugo. Así, ao longo deste ano 2022, tamén estará operativo nas áreas sanitarias de Ferrol e Pontevedra. Ademais, no ano 2023 completarase a súa expansión ás sete áreas sanitarias galegas, ao implantarse tamén nas áreas da Coruña, Santiago, Ourense e Vigo.
Unha vez completada a súa implantación en todo o territorio galego, estimase un investimento anual próximo ao 12 millóns de euros.
O conselleiro de Sanidade salientou que coa extensión deste programa a Xunta continúa coa súa aposta pola prevención e a detección precoz, asi como por unha Sanidade que actúa antes de que se presente a enfermidade.
Pola súa banda. o xerente do Sergas apuntou que entre os anos 2016 e 2020, o Sergas diagnosticou un total de 547 casos con esta patoloxía, das que o 426% precisoaron dunha intervención cirúrxica.
Nese mesmo período de tempo, o número de altas no Servizo Galego de Saúde por diagnóstico deste tumor ascendeu a 1.203, o que representa unha media anual de 253 altas. Segundo os últimos estudos do Sergas, a rede sanitaria pública galega pasou de detectar casos nunha media de idade dos 61 anos -en 2016-, aos 544 anos -en 2020-.
Neste senso, José Flores remarcou que grazas a este tipo de accións preventivas o Servizo Galego de Saúde consegue diagnosticar cada vez máis cedo unha patoloxía que, na actualidade, xa é o segundo cancro máis frecuente en mulleres.
Datos do programa piloto galego
O cancro de cérvix é unha das principais causas de cancro entre mulleres a nivel mundial, sendo unha das neoplasias malignas que se poden controlar máis eficazmente. Unha fase preclínica prolongada e a identificación de fases premalignas con posibilidade de tratamento efectivo e sinxelo, confírenlle a posibilidade de instaurar medidas de detección precoz, engadindo ao obxectivo de detección precoz do cancro o da redución da incidencia, tal e como sucede no caso do cancro colorrectal.
O Virus do Papiloma Humano (VPH) é o responsable de practicamente a totalidade das lesións pre-cancerosas e os cancros de cérvix. Porén, a primeira proba de cribado é a detección de infección por VPH-AR que, de resultar positiva, requiriría unha citoloxía posterior.
A directora Xeral de Saúde Pública, Carmen Durán, explicou os datos da pilotaxe organizada polo departamento que dirixe no distrito centro da área sanitaria de Lugo, e na que Sanidade convidou ás probas de cribado a un total de 6.234 mulleres nas dúas modalidades de participación existentes: autotoma ou cita médica.
Do total de mulleres convidadas, participaron no cribado 3.046, o que representa unha participación do 49,1%. Delas, o 4,4% obtiveron un resultado positivo en infección en VPH-AR, polo que posteriormente deberon realizar unha citoloxía dentro deste programa para confirmar o diagnóstico. Ademais, entre todas estas probas detectáronse dous cancros. Os datos da pilotaxe, reflicten que a positividade foi superior no grupo de idade de 35 a 44 anos, diminuíndo a medida que aumenta a idade.
Toda a información referente a como participar no programa poboacional de cribado de cancro de cérvix atopa dispoñible na web do Servizo Galego de Saúde.
A Mostra Internacional de Teatro Cómico e Festivo de Cangas presentou hoxe a programación da súa 42ª edición, que se celebrará entre os días 22 de xuño e 6 de xullo no Auditorio Municipal Xosé Manuel Pazos Varela, así como nas rúas e noutros espazos da vila do Morrazo, que acollerán 26 espectáculos e un nutrido programa de actividades lúdicas e sectoriais. O certame, organizado desde 1984 pola Asociación Cultural Xiria, é un dos poucos festivais de teatro europeos cuxo principal selo de identidade é a comedia, unha marca consolidada e referente da produción escénica deste xénero en calquera das súas vertentes: negra, branca, xestual, contemporánea, circense, dramática, musical e, dende hai máis dunha década, tamén na danza.
A praza Conde de Fontao de Foz será o enclave elixido para a actuación extraordinaria do festival o 31 de xullo con La Carroza Del Real, mentres que o destacado pianista Denis Kozhukhin abrirá oficialmente o ciclo de concertos o 12 de agosto na Fortaleza de Alfoz. O 13 de agosto a Real Filharmonía de Galicia e o Coro da Comunidade de Madrid realizarán o primeiro concerto sinfónico-coral no que interpretarán o Réquiem de Mozart na Catedral de Mondoñedo. A clausura do XII Festival Bal y Gay será co barítono galego Borja Quiza, o 21 de agosto, no Teatro Pastor Díaz de Viveiro, cita na que tamén participarán o pianista Javier Carmena e a mezzosoprano Andrea Rey, nunha proposta que mesturará as raíces galegas e españolas.
