Noticias sociedad
O ciclo Atardecer no Gaiás, impulsado pola Fundación Cidade da Cultura, segue en agosto con dez novas citas musicais para os xoves e venres do mes. Esta semana o público poderá gozar do directo do influínte DJ e produtor portugués Branko e do grupo galego Amoebo. Branko presentará o xoves 1 de agosto Soma, un disco que convocou a algúns dos mellores artistas de Portugal, como Dino D'Santiago, Carla Prata, Jéssica Pina ou Teresa Salgueiro vocalista de Madredeus, entre outros. Sumando todos eles, o que fora un dos fundadores de Buraka Som Sistema deu forma a doce temas de electrónica cálida, diversa e tremendamente bailable.
Un estudo desenvolvido pola investigadora do Instituto de Estudos e Desenvolvemento de Galicia (IDEGA) da USC Susana Martínez Rodríguez e o profesor da Universidade de Granada Manuel Ruiz Adame revela que máis da metade das mulleres empresarias e directivas galegas sofren estrés laboral, constatándose unha alta prevalencia da síndrome de burnout ou traballadoras queimadas e outros trastornos do ánimo. O traballo parte unha enquisa realizada a 199 mulleres en postos de liderado, para obter datos sobre o estado de ánimo de empresarias e directivas en Galicia e a influencia deste no seu desempeño profesional.
O Diario Oficial de Galicia (DOG) publica hoxe o decreto da Consellería de Emprego, Comercio e Emigración polo que se determinan as festas da Comunidade Autónoma de Galicia do calendario laboral para o ano 2025 e no que se fixan como festivos propios o Día das Letras Galegas (17 de maio) e o Día Nacional de Galicia (25 de xullo). O calendario publícase tras o visto bo do Consello da Xunta e unha vez o Consello Galego de Relacións Laborais emitiu o correspondente ditame. A normativa estatal, fixada polo Real Decreto 2001/1983, establece as 14 festas anuais de ámbito nacional non recuperables, remuneradas e de carácter obrigatorio. Destes 14 festivos, dous son elixidos por cada concello.
O Morriña Festival terá lugar o 26 e 27 de xullo e contará coas actuacións xa o mesmo venres de Louis Tomlinson, Editors, Nicki Nicole, Iván Ferreiro, Dani Fernández, Juan Magán, Sen Senra, Dorian, Marlena e Enol. O sábado 27 de xullo será a quenda de Aitana, Lola Índigo, La La Love You, Yandel, Iñigo Quintero, Dei V, Pedro Capó, Malmö 040, Dollar Selmouni, Yeico x Troni, Garabatto, Tashi e Toni Seijas. Trátase dun festival promovido por seus Bring the Noise, xa consolidado no noso panorama musical, e considerado o festival urbano máis grande de España, e que chega á súa terceira edición avalado polas boas cifras do ano pasado con máis de 15.000 espectadores cada un dos días.
O Gozo Festival, unha das grandes citas musicais e turísticas do ano en Galicia, logrou reunir na súa segunda edición máis de 60.000 persoas entre as dúas citas celebradas no Monte do Gozo, en Santiago de Compostela este ano. O público asistiu desde 18 países diferentes de lugares como Irlanda, México, Finlandia ou Xapón. Promovido por Live Nation e Sweet Noctura co apoio de Turismo de Galicia, o Gozo Festival ofreceu concertos de 19 artistas e máis de 17 horas de música nas dúas citas que se celebraron no Monte do Gozo. O 6 de xullo foi a quenda de Ed Sheeran, que chegaba por primeira vez a Galicia, nunha xornada na que tamén se puido gozar de artistas como os colombianos Bomba Estéreo, a chilena-mexicana Mon Laferte, os alemáns Milky Chance, a italiana Angelina Mango ou as galegas Fillas de Cassandra.
Un total de 54.151 persoas veñen de presentar solicitude para cursar algunha modalidade de Formación Profesional en Galicia o vindeiro curso, o que representa un incremento do 5,24% (2.697 solicitudes máis) con respecto ao curso 2023-24. Estas cifras supoñen acadar de novo un máximo histórico que confirma o interese que espertan estas ensinanzas entre os cidadáns en Galicia , con 2.697 solicitudes máis. Os datos recabados pola Consellería de Educación, Ciencia, Universidades e FP, logo da primeira adxudicación de prazas que dá dereito a matrícula, constatan unha suba xeneralizada en todas as modalidades, tanto ciclos ordinarios como FP Dual Intensiva, FP Básica, FP a distancia ou másteres e especializacións.
A nosa comunidade ten avanzado de forma notable na loita contra o quecemento global, con 139 medidas desenvolvidas e un investimento executado de 1.140 millóns de euros. Así, Galicia é a comunidade española con maior redución das emisións contaminantes (-60%) respecto a 1990, ano que se toma como referencia a nivel mundial para as políticas climáticas. Ademais é a rexión con maior capacidade de absorción de dióxido de carbono do país, unha de cada cinco toneladas capturadas en España. A maiores, as emisións netas de gases de efecto invernadoiro baixaron en Galicia un 19,5% nos últimos catro anos, o triplo que a media española e que a europea.
Os produtos do mar de Galicia seguen percorrendo, un ano máis, a nosa comunidade grazas á campaña
GALICIA SABE AMAR, respaldada pola Xunta de Galicia e polas empresas galegas do sector, e adaptándose ás demandas dos consumidores, para poñer en valor a calidade de peixes e mariscos galegos (frescos, conxelados, en conserva ou en calquera outra presentación) e o traballo dos profesionais. Este labor vese complementado coa participación en feiras de alimentación nacionais e internacionais para promover as exportacións dos produtos do mar galegos, que seguen batendo récords.
O Atlantic Fest terá lugar o 19 e 21 de xullo e contará coas actuacións xa o mesmo venres dos artistas Carlos Ares, The Parrots, Alcalá Norte, Rocío Saiz, Gazella e Grande Osso. O sábado 20 están previstas as actuacións dos Planetas, Crystal Fighters, Sílvia Pérez Cruz, Carlos Sadness, Derby Motoreta's Burrito Kachimba, Depedro, Cariño, Luis Fercán, Florent e Eu e Dani Dicostas. O domingo, último día do festival, actuarán Mika, Sidonie, Elefantes, Andrés Suárez, As Dianas, Grande Osso e Rocío Saiz. A pasada edición do Atlantic Fest obtivo unhas cifras de 30.000 asistentes, 300 postos de traballo creados de forma directa, e máis de 100 empresas involucradas na organización e realización do festival.
O Diario Oficial de Galicia (DOG) publica na súa edición de hoxe a orde pola que se aproba o Plan de Inspección dos servizos sanitarios para o período 2024-2027. Deste xeito, a Subdirección Xeral de Inspección de Servizos Sanitarios garantirá os dereitos dos pacientes e usuarios atendidos no sistema sanitario galego, incidindo nos criterios de eficiencia, calidade e seguridade asistencial. Entre outras medidas, a Subdirección Xeral de Inspección de Servizos Sanitarios velará polo control e supervisión das prestacións e actividades sanitarias, ademais de realizar unha avaliación constante dos centros, servizos e establecementos sanitarios da nosa comunidade.
A UDC organiza, por décimo ano consecutivo, a FIRST LEGO League Galicia (FLL Galicia), o vindeiro sábado 2 de marzo, no Campus Industrial de Ferrol. Nesta edición, participan 43 equipos (25 na categoría FLL Challenge, 16 na FLL Explore e 2 na FLL Discover) e máis de 300 mozos e mozas de toda Galicia. O evento poderá seguirse en directo a través da canle oficial de YouTube da FLL Galicia.
A Real Academia Galega de Ciencias (RAGC) vai engrosar este ano a súa relación de académicos correspondentes con tres novas incorporacións. Trátase do arquitecto David Chipperfield, do economista Antón Costas e do físico José Manuel Fernández de Labastida.
Baixo o suxerinte título As múltiples cores da vida, presentouse no edificio Redeiras o segundo libro da colección Feminismos da editorial Galaxia editado en colaboración coa UVigo. Trátase dunha obra na que se amosa a dura realidade que ten que enfrontar o colectivo LGBTIQ: discriminación, violencia, dificultades de integración, etc., á vez que se fan propostas de estratexias para promover unha sociedade máis xusta e libre.
'Antía Cal, unha mestra innovadora'. Este é o título da exposición que se inaugura o venres no edificio Redeiras e coa que a UVigo quere render homenaxe a quen foi precursora da escola do século XXI, a pedagoga e profesora Antía Cal, falecida en Moaña en marzo de 2022. Comisariada pola docente e investigadora Silvia García, a exposición quere contribuír ao recoñecemento do traballo e á memoria do percorrido vital e pedagóxico de quen achegou unha nova forma de ensinar.
Estudantado da Facultade de Ciencias da Comunicación da USC realizou o seguimento en directo e verificou as declaracións dos representantes políticos que participaron no debate electoral previo ás eleccións autonómicas galegas que tivo lugar este luns 5 e que se emitiu a través da Televisión de Galicia. 34 estudantes e 5 docentes do grao en Xornalismo e dobre grao en Xornalismo e Comunicación Audiovisual seguiron en directo o debate.
Antonio Álvarez González, abogado y presidente de la Asociación Castaño y Nogal, ha sido elegido para dar lectura al primer Pregón de la nueva Semana Mayor (Semana Santa) de Becerreá y Comarca (de Os Ancares). El acto solemne tendrá lugar el 23 de marzo de 2024 a las 18:00 horas en la Iglesia de San Xoán de Becerreá, y contará con tres intervenciones.
O reitor da UDC, Ricardo Cao, presidiu na Domus da Coruña o acto de presentación do programa Talentos Inclusivos, promovido polo Centro de Investigación en Tecnoloxías da Información e as Comunicacións (CITIC) da Universidade da Coruña e a Asociación de Pais de Persoas con Parálise Cerebral (ASPACE) Coruña. Esta iniciativa, que pretende facilitar a inclusión das persoas con diversidade funcional, esténdese aos centros de secundaria, BAC e FP de toda Galicia.
Máis empresas, incluíndo, por primeira vez, firmas do sector sanitario. Así será a XXIV edición do Foro Tecnolóxico de Emprego, a cita que cada ano reúne no campus de Vigo ás futuras e futuros enxeñeiros co sector empresarial. Será do 5 ao 7 de marzo nas tres escolas de enxeñaría: Industrial, Minas e da Enerxía e Telecomunicación. A principal novidade desta edición é o aumento da capacidade, impulsado polo entusiasmo das empresas en participar neste evento.
Un ano máis volve un dos maiores festivais de Galicia. Nun enclave natural idílico, en pleno corazón das Rías Baixas, o festival séguese postulando como unha oportunidade única de levar a grandes artistas do panorama nacional e internacional á pequena vila mariñeira de Bueu. A oportunidade de combinar a mellor música en directo coa contorna privilexiada de natureza e mar, a gastronomía local e o carácter amable da zona, converten ao SonRías nun dos grandes reclamos do verán galego.
O venres 2 de febreiro pola tarde o Campus Remoto da Universidade de Vigo acollerá a celebración dunha nova edición de Expouniversitas. Forum de Innovación e Investigación Educativa. Esta actividade convida cada ano aos membros da comunidade universitaria, tanto alumnado como profesorado dos tres campus da UVigo, a pór en valor os seus traballos académicos e investigadores.
