lunes, 2 de noviembre de 2026
O director de Turismo de Galicia, Xosé Merelles, e a delegada da Xunta na Coruña, Belén do Campo, participaron hoxe na presentación da nova edición do Morriña Festival que se celebrará este venres e sábado co apoio da Xunta de Galicia. Xosé Merelles puxo de manifesto o compromiso do Goberno autonómico coa celebración desde festival coa intención de intensificar a oferta turística da cidade que está a ser un dos destinos urbanos máis salientables, dixo.
Neste sentido, recordou que A Coruña é o segundo destino urbano con maior demanda turística de Galicia e que este ano está a crecer a un ritmo do 4%. É un destino que gusta, e gusta moito, e con grandes eventos e citas musicais como estas contribuímos a incrementar o seu atractivo, expresou.
Puxo como exemplo o éxito dalgunhas das citas xa celebradas durante o ano co apoio da Xunta como os concertos de Queens of the Stone Age e Maná, no marco do Gozo Festival; os de Juan Luis Guerra e Gilberto Santa Rosa ou o festival de música electrónica Wake Up Dreams e os concertos de Coruña Sounds de Emilia, Camilo, Robe Luis Miguel e este mércores de Chris Isaak. Salientou, ademais, vindeiras citas como o concerto de Rod Stewart en decembro con Gozo Festival ou os espectáculos que ofrecerán tamén a finais de ano na cidade Sara Baras ou Raphael, entre outros.
No que se refire ao Morriña Festival, o director de Turismo de Galicia agradeceu aos seus promotores, Bring the Noise o seu incansable traballo por conseguir consolidar este festival que está considerado o festival urbano máis grande de España e que chega á súa terceira edición avalado polas boas cifras do ano pasado con máis de 15.000 espectadores cada un dos días. Recordou que o apoio da Xunta se enmarca na estratexia do Goberno autonómico por reforzar a marca turística Galicia a través dos festivais.
Artistas e grupos
Salientou tamén a importancia destas iniciativas para que A Coruña continúe a consolidarse como o segundo destino urbano de Galicia, cuxa demanda está a medrar a un ritmo do 4% nos cinco primeiros meses do ano con máis de 365.000 noites nos hoteis e pensións da cidade.
O Morriña Festival terá lugar o 26 e 27 de xullo e contará coas actuacións xa o mesmo venres de Louis Tomlinson, Editors, Nicki Nicole, Iván Ferreiro, Dani Fernández, Juan Magán, Sen Senra, Dorian, Marlena e Enol. O sábado 27 de xullo será a quenda de Aitana, Lola Índigo, La La Love You, Yandel, Iñigo Quintero, Dei V, Pedro Capó, Malmö 040, Dollar Selmouni, Yeico x Troni, Garabatto, Tashi e Toni Seijas.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
