Noticias economia
O Ministerio de Facenda vén de confirmar que Galicia é a comunidade autónoma que mellor pagou as súas facturas durante o ano 2019, tal como mostran os datos do Informe mensual sobre plazos de pago a proveedores y deuda comercial de las Comunidades Autónomas, publicado hoxe. En concreto, o período medio de pago (PMP) de Galicia no conxunto do ano 2019 situouse en 19 días, o que supón o tempo máis baixo das 17 comunidades autónomas. Pola contra, este indicador ascendeu a 37,4 días na media autonómica, o que confirma que Galicia pagou de media as súas facturas na metade de tempo que o conxunto das comunidades. Ademais, Galicia mantívose por debaixo do límite de 30 días que establece a lexislación estatal.
A Xunta activa, mediante a publicación hoxe no Diario Oficial de Galicia (DOG), a nova liña de financiamento destinada a inxectar liquidez a pemes e autónomos para que poidan facer fronte ás consecuencias provocadas pola situación de emerxencia sanitaria na súa actividade empresarial. A partir de mañá, as empresas e o colectivo autónomo galegos poderán solicitar os apoios que ofrece para atender as necesidades máis inmediatas, como o pago de salarios, facturas, alugueiros ou impostos. Cunha dotación de 30 millóns de euros, a nova liña permitirá a mobilización de 250 millóns de euros en préstamos entre o tecido empresarial galego, que contribuirán a paliar os efectos do coronavirus no tecido empresarial galego.
Galicia reduciu no ano 2019 a súa ratio de débeda/PIB por terceiro ano consecutivo e incluso logrou baixar o seu volume de débeda por primeira vez en máis de 30 anos, xa que é a primera baixada que se rexistra desde o ano 1988, segundo mostran os datos oficiais publicados polo Banco de España. A ratio de débeda/PIB de Galicia mellorou seis décimas no último ano, ao pasar do 18,1% ao 17,5%, o que supón o nivel de endebedamento máis baixo desde o ano 2013. O volume de débeda da Comunidade Autónoma tamén se reduciu no último ano, ao pasar de 11.342 a 11.315 millóns de euros, un 0,24% menos. Galicia conseguiu acadar estas dúas baixadas na ratio débeda/PIB e no volume de débeda pese ao impago de máis de 200 millóns de euros do IVE de 2017 non aboado polo Goberno central o pasado ano.
O presidente do Goberno galego, Alberto Núñez Feijóo, confirmou a suspensión dos prazos para a presentación das autoliquidacións dos impostos de transmisións patrimoniais e actos xurídicos documentados, de sucesións e doazóns e os tributos do xogo. Feijóo explicou que todas as autoliquidacións destes impostos poderán ser presentadas ata o 30 de xuño de 2020 ou ata un mes despois da finalización do estado de alarma. Do mesmo xeito, subliñou que esta decisión beneficiará a 32.000 persoas ou empresas cada mes, o que suporá unha perda de recadación por parte da Xunta de 35 M ao mes mentres estea vixente esta suspensión de prazos.
O presidente do Goberno galego, Alberto Núñez Feijóo, anunciou hoxe na súa intervención na Deputación Permanente novas iniciativas que a Xunta porá en marcha para facer fronte á situación xerada pola pandemia do coronavirus e que serán avaliadas no Consello, que se celebrará mañá venres. Así, nun primeiro termo, avanzou a publicación nos próximos días dunha nova orde para ampliar os contratos de 145 facultativos máis médicos, farmacéuticos, psicólogos e radiofísicos-, ademais de 22 enfermeiros. Este proceso sumarase á orde publicada onte mesmo no DOG e que permitirá ampliar desde o próximo 1 de abril os contratos de 160 médicos residentes e 31 enfermeiros especialistas residentes, que están no seu último ano de formación.
O conselleiro de Economía, Emprego e Industria, Francisco Conde, mantivo hoxe un encontro por videoconferencia con entidades do sector financeiro para avanzar na posta en marcha das medidas de apoio a empresas e autónomos aprobadas pola Xunta. Na xuntanza participaron representantes de varias entidades bancarias e das sociedades de garantía recíproca Afigal e Sogarpo. Con eles, Conde abordou polo miúdo as medidas de financiamento que o Goberno galego vai activar para inxectar de inmediato liquidez a empresas e autónomos que se están vendo afectados polo impacto do coronavirus no sector económico.
O presidente do Goberno galego, Alberto Núñez Feijóo, informou hoxe na rolda de prensa do Consello das novas medidas postas en marcha pola Xunta para a prevención e o seguimento do coronavirus. Estamos a falar de 380 millóns de euros: 51,5 millóns de investimento sanitario, 270 millóns en medidas económicas, 33 millóns en materia de política social e arredor de 25 millóns para os sectores turístico e cultural, detallou.Seguimos a traballar e a poñer en marcha novas medidas para loitar contra o virus e estar preparados para facerlle fronte no sistema sanitario, especialmente nos próximos días; para que Galicia non se paralice na medida do posible; e para apoiar a quen máis o precisa e que non sufra un dano aínda maior a consecuencia desta situación, dixo.
A posta en valor das terras abandonadas aptas para cultivos ou prados suporía para a economía galega a creación de máis de 15.000 empregos (entre directos e inducidos) baseados en actividade agrícola, gandeira e forestal. A futura Lei de recuperación e posta en valor da terra agraria ofrece diversas ferramentas de mobilización neste sentido, entre as que destacan os polígonos agroforestais, as aldeas modelo, as agrupacións de xestión forestal conxunta e as permutas de especial interese agrario. Todas elas teñen carácter voluntario e beneficiarán tanto aos propietarios como aos agricultores, gandeiros e silvicultores, ademais de aos novos emprendedores e investidores.
O conselleiro de Economía, Emprego e Industria, Francisco Conde, participou esta mañá en Madrid na mesa de traballo para impulsar unha transición enerxética xusta nas Pontes onde reclamou a reactivación inmediata da central térmica e que o Goberno se sume á unidade de acción de Galicia. Conde lamentou que a situación, tras a reunión, sexa igual á de hai cinco meses ao non achegar nin o Goberno nin a empresa ningunha proposta ou alternativa. Pediu que o Executivo do Estado se sume á postura que comparten traballadores, Concello das Pontes e Deputación da Coruña para adoptar canto antes as medidas necesarias que permitan a Endesa reactivar a planta mentres non se atopan biocombustibles alternativos.
A fábrica de Vigo do Grupo PSA é unha das principais plantas de produción da compañía e un dos piares da economía da cidade e de Galicia. Entre 2014 e 2019, o efecto tractor de PSA permitiu crear na comunidade 5.000 novos postos de traballo, ata alcanzar os 22.300 empregos directos no sector da automoción; e os modelos K9 e V20 supoñen unha importante cifra de negocio para o sector auxiliar galego, chegando aos 1.100 millóns de euros. Ademais, PSA participa en dúas iniciativas como a Business Factory Auto, que está a desenvolver a súa 4ª edición; e o Hub de Innovación Dixital, impulsado polo Cluster de Empresas da Automoción de Galicia.
Feijóo: imos seguir traballando, cumprindo co noso deber e cumprindo estritamente coas nosas competencias; preocupándonos por aqueles galegos que foron enganados nas preferentes e, tamén, por toda a obra social e por todo o patrimonio cultural das caixas.
Galicia e Portugal estudan como optimizar a cooperación transfronteiriza de cara ao novo escenario financeiro 2014-2020. O director de Relacións Exteriores e o coordinador portugués Galicia-Norte falan da Eurorrexión.
Sostén que o espírito de defensa dos intereses comúns e de mellora da competitividade dos nosos produtos ha de ser o que guíe os pasos das políticas europeas, impedindo a entrada de novos axentes no escenario comunitario cando a súa actividade non se realice en igualdade de condicións.
A VI Conferencia Mundial do Atún Vigo 2013 concíbese desde a Xunta de Galicia como un escenario idóneo para defender a competencia nos mercados en igualdade de condicións hixiénico-sanitarias, sociais nos mercados para evitar a facilidade de entrada de produtos que vaian en contra dos intereses dos consumidores.
A Estratexia de Especialización Intelixente recollida na RIS3, e que a Xunta enviará á Comisión Europea, marcará o camiño da innovación galega nos vindeiros anos e permitirá que a comunidade reciba 2.000 millóns en Fondos FEDER.
La Fundación de Exposiciones y Congresos de A Estrada cuenta dentro de su programa de jornadas técnicas con la inestimable colaboración activa del CIS Madera quien, a través de personal técnico especialista de AIDIMA (Instituto Tecnológico del Mueble, Madera, Embalaje y Afines) de Valencia, impartirán una jornada técnica el jueves diecinueve de septiembre, de 11.45 a 13.00 horas en el Salón de Actos del propio recinto ferial.
O presidente da Deputación de Ourense, Manuel Baltar, e os titulares da CEO, José Manuel Pérez Canal, e da Cámara de Comercio de Ourense, Celso Barbosa, mantiveron unha xuntanza para analizar liñas de cooperación e desenvolver iniciativas conxuntas que favorezan o mantemento e a creación de emprego na provincia de Ourense.
Ata 70 alumnos poderán participar neste encontro que, entre o 17 e o 19 de xullo no Auditorio Ilduara, se configura como un curso de verán de extensión universitaria con sesións teóricas en combinación con proxeccións.
O presidente da Xunta subliña que Galicia leva catro anos reformando a súa administración autonómica para facela máis eficiente e útil aos cidadáns e di que xa se aplicaron o 90% das medidas formuladas.
Este documento pretende definir as accións necesarias para lograr un sistema aeroportuario eficiente e competitivo en Galicia. AIRIA Ingeniería y Servicios S.A. presentará este plan nun prazo máximo de dous meses e medio.
