lunes, 10 de agosto de 2026
A xuntanza tamén serviu para dar a coñecer as medidas que a Xunta está a preparar para a implantación dos sistemas de prevención e saúde, incluíndo máis material de protección tanto para os traballadores como para os clientes.
Así mesmo, estanse a elaborar guías sanitarias e poñerase en marcha unha campaña de divulgación e información de comercio seguro. A través dela, enviaranse elementos informativos para colocar nos mostradores de todos os establecementos que levarán recomendacións da Xunta, así como unha campaña en redes sociais, baixo o lema #SeguimosAdiante.
Nesta liña, outra medida será a creación da plataforma Comercio Seguro, para que cada comerciante, dun xeito directo e sinxelo, poida realizar un autodiagnóstico en liña que lle facilite unhas recomendacións básicas sobre que medidas sanitarias e de prevención debe tomar no seu negocio. Ademais, facilitarase a formación para os comerciantes sobre temas de protección da saúde.
Sobre a seguridade e a saúde, o titular do Goberno galego e os representantes do comercio coincidiron na necesidade de que o conxunto dos cidadáns sexa corresponsable e extreme as medidas de prevención.
Medidas para uso e adecuación de novos formatos
Para apoiar ao comercio nesta primeira fase da reactivación, Feijóo mencionou a inxección de liquidez a pemes e autónomos un total de 30 millóns de euros cos que se prevén mobilizar 250 millóns-.
A isto, engadiu que, para promover o uso e a adecuación a novos formatos de venda neste novo escenario, poranse en marcha axudas á dixitalización, para a activación de redes sociais, posicionamento web, software de xestión ou participación en portais. E ademais, fixo fincapé no impulso á loxística e a venda en liña.
Por último, o presidente da Xunta sinalou a opinión da Xunta de que os ERTE de autónomos de baixa por cesamento de actividade precisan dunha actualización da normativa laboral por parte do Goberno central, co obxectivo de dar flexibilidade ao comercio e permitir que se poidan adaptar ao comezo da actividade.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
