Noticias cultura
O Play-Doc celebra os seus 20 anos en Tui, cunha edición que despregará durante cinco días unha programación con seccións cinematográficas competitivas, espectáculos musicais, actividades formativas e propostas para todos os públicos. O festival tudense caracterízase pola súa especialización na non ficción e por ser modelo na difusión neste xénero ao pousar a ollada nun cinema que experimenta e explora os diferentes xeitos de abordar a realidade na pantalla. As tendencias do documental en todo o mundo teñen o seu reflexo no festival a través de retrospectivas, homenaxes e unha competición internacional á que aspiran ingresar centos de obras cada ano. A coidada selección fílmica inclúe cada ano estreas en España e absolutas.
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O evento, que reunirá na cidade herculina a artistas contemporáneos do talle de Grande Amore, Boyanka Kostova, Lontreira e Leria, nace co obxectivo de potenciar a música actual en galego, e se enmarca na iniciativa cultura homónima nacida no Equipo de Dinamización da Lingua Galega do instituto Rafael Dieste co obxectivo de promover o uso do galego entre a mocidade. A día de hoxe, involucra máis de 200 centros de toda a comunidade e preto de 50.000 estudantes que, a través de entrevistas, actuacións e campañas nas redes sociais, animan a rapazada a falar na lingua propia de Galicia.
O programa TRC Danza, organizado polo Teatro Rosalía Castro da Coruña, ten como obxectivo promover as artes do movemento, e para iso ofrecerá a exhibición de 13 espectáculos e 39 actividades de mediación para o fomento de públicos arredor desta disciplina escénica. TRC Danza 2024, que se articula anualmente en dous bloques temporais de primavera e outono, inclúe tres pezas programadas no marco da Rede Galega de Teatros e Auditorios e contén outras propostas creadas coa contribución das subvencións á creación escénica ou como coprodución co Centro Coreográfico Galego, ademais de acadar un patrocinio específico para toda as citas de mediación.
O Centro Dramático Galego (CDG) estrea 'Os actos e as profecías', a produción central do seu 40º aniversario, este xoves 11 na súa sede do Salón Teatro, en Santiago de Compostela, onde desenvolverá 48 funcións ata o 26 de maio. Tamara Canosa dirixe esta nova proposta, á que lle dan vida 20 intérpretes, constituíndo un dos elencos máis numerosos do CDG nestas catro décadas de historia. Co mundo dos talent shows como punto de partida, Os actos e as profecías lanza ao aire cuestións como o lugar do público na creación, a fama, a competición e as decisións vitais marcadas pola procura do éxito.
En FONTEGAM, xa aberto ao público para consulta libre, converxen textos latinos e romances. Os primeiros son achega do Corpus Documentale Latinum Gallaeciae (CODOLGA), proxecto desenvolvido tamén desde o Ramón Piñeiro, dependente da Consellería de Cultura, Educación, FP e Universidades; mentres que os materiais romances son a contribución do Corpus Galego-Portugués Antigo (CGPA), impulsado desde o Instituto da Lingua Galega, centro de investigación da Universidade de Santiago de Compostela. Trátase dun recurso innovador que unifica nun mesmo espazo as linguas usadas na escrita da Galicia medieval, unha etapa da nosa historia na que ambas as institucións son un referente.
Este ano, o calendario chega con importantes novidades, entre as que destaca o regreso da Feira do Libro de Vigo ao centro, localizándose na praza de Compostela. Tamén se reforzarán todas as citas con maior variedade de eventos, contando con mesas redondas, presentacións, actividades infantís e debates, entre outras actividades. Baixo o título Atopa a túa Historia, a cita inaugural será en Ferrol, do 19 ao 21 de abril. A Feira do Libro de Santiago de Compostela celebrarase do 27 de abril ao 5 de maio; no Porriño será do 9 ao 12 de maio, e en Lugo do 13 ao 17 dese mesmo mes. Xa en xuño, Ourense acollerá a súa feira do dia 5 ao día 8, mentres que en Redondela será do día 13 ao día 16.
O Consello do Patrimonio Histórico Español decidiu aprobar por unanimidade que a candidatura da Ribeira Sacra sexa a proposta de España para inscribirse na Lista de Patrimonio Mundial. Así, tras o aprazamento estratéxico da candidatura decidido no ano 2021, o órgano de coordinación entre o Estado e as comunidades autónomas valorou positivamente a proposta da Xunta de Galicia para acadar o máximo recoñecemento da Unesco para esta zona das provincias de Lugo e Ourense á que se referiu como un exemplo de resistencia e calidade que serve de inspiración para todo o Estado. Trátase dunha decisión que supón retomar oficialmente a recta final do proceso da candidatura, coa previsión de que poida ser abordada na sesión do Comité do Patrimonio Mundial de 2026.
Trátase dunha iniciativa do fotógrafo Xulio Gil, comisariada por Xabier Limia, que se poderá visitar na sede de Afundación na Coruña ata o 25 de maio. A mostra, articulada por unhas 100 imaxes, tivo o seu berce no ano 1988 co gallo da exposición Antropolóxicas e continuou posteriormente coa colección Artistas Galegos dirixida por Antón Pulido. Desde entón, foi sumando fotografías ata construír este proxecto expositivo, composto por imaxes de gran formato e acompañado dun catálogo. As persoas que se acheguen ata este espazo poderán descubrir as miradas capturadas por Xulio Gil de numerosos artistas recoñecidos como Francisco Leiro, Laxeiro, Elena Colmeiro, Antón Pulido, Ánxel Huete, Rosalía Pazó e moitos outros.
O festival de contidos dixitais Carballo Interplay abriu a súa undécima edición, que se desenvolverá ata día 7 convertendo a localidade coruñesa en centro de difusión da creación dixital, con 20 webseries de 11 países na sección oficial a concurso e o Premio ao Mellor Contido Dixital en Galego como principal novidade. O festival volverá traer referentes da cultura popular dixital de dentro e fóra de Galicia, seguindo a tradición do evento polo que pasaron programas como Estirando o chicle ou iconas como O Hematocrítico.
O domingo 3 de setembro, dentro da programación do XII Encontro Artes pola Integración, terá lugar na praza da Constitución da Coruña (Cidade Vella), en horario de 17:00 a 20:00 horas, o Concurso de pezas para a comunidade. Trátase dunha convocatoria aberta a creadores e creadoras - dun mínimo de dous e un máximo de catro intérpretes - que presenten as súas propostas de danza, música e/ou teatro dun máximo de 15 minutos de duración onde se reúna a persoas con e sen diversidade.
A escavación arqueolóxica da necrópole medieval situada no lugar Combarro, e pertencente á parroquia de San Vicente de Trigás (Mondoñedo), está a achegar indicios dunha ocupación anterior á esperada ao inicio da investigación. As tres sondaxes realizadas no terreo deron luz a restos de estruturas de asentamento que modifican a tipoloxía do xacemento dotándoo dunha maior complexidade e permitiron atopar material cerámico que apunta cara a unha cronoloxía de comezos da Idade Media.
Espazos Sonoros une música e patrimonio nunha experiencia que permite descubir a riqueza patrimonial, cultural e etnográfica da provincia. Santa María dos Ánxeles (Brión), San Martiño de Xuvia (Narón), San Pedro de Soandres (A Laracha), o Muncyt da Coruña ou a lonxa de Fisterra serán os privilexiados escenarios, con grupos e solistas consolidados do país e formacións internacionais coma Ugía Pedreira, Hulegas Ensemble, Grupo Instrumental Siglo XXI ou Almalé.
'Non podemos ser os mesmos despois de facer unha obra ou despois de contemplala'. Deste xeito puña énfase na capacidade transformadora da arte o docente da Facultade de Belas Artes, artista e ensaísta Juan Carlos Meana, falecido en xaneiro. Este e outros extractos dos seus textos complementan o percorrido pola súa traxectoria artística. O espazo entre as cousas, a exposición coa que o Museo de Pontevedra rende homenaxe ao que fora decano de Belas Artes entre 2010 e 2015.
Dous concertos e un ensaio aberto ao público porán o peche ao Programa de Verán 2023 da Orquestra da Universidade de Santiago de Compostela (OUSC), un proxecto educativo que se estende ata o 7 de agosto e que ofrece á mocidade estudante de música a oportunidade de ampliar os seus coñecementos, destrezas e experiencias. O primeiro dos recitais, desenvolverase o sábado 5 de agosto ás 19.00 horas na Igrexa da Universidade, con entrada de balde ata completar a capacidade do espazo.
Os días 1, 2 e 3 de setembro, A Coruña acollerá o XII Encontro Artes pola Integración, un proxecto que ten como principal obxectivo romper as barreiras entre artistas e persoas con e sen diversidade funcional e substituílas por vías de acceso bidireccionais que fomenten o coñecemento, o recoñecemento e a inclusión social a través das artes. Este evento arrincará nos Xardíns de Méndez Núñez da Coruña o venres 1 de setembro ás 19:00 horas, coa presentación do festival.
Autobán, o festival coruñés de cómic autoeditado, celebrará este agosto a súa décimo sexta edición, despois de oito quendas de verán, sete de inverno e unha edición en liña por mor da pandemia, e farao con importantes novidades e un aumento salientable de participantes e actividades. Máis de 70 artistas de toda a Península Ibérica porán á venda as súas novidades no encontro, que ademais contará con obradoiros, presentacións, edicións exclusivas, mostras e o célebre Combate de Debuxantes.
O Concello de Luzaide-Valcarlos (Navarra) acolleu a apertura da mostra itinerante O FIN DO CAMIÑO / EL FIN DEL CAMINO, organizada por Egeria coa colaboración de GaliciaDigital e a Asociación de Municipios del Camino de Santiago, e que nos vindeiros meses percorrerá o Camiño Francés ata Ponferrada. No acto de inauguración participaron Nicolás Camino, alcalde de Luzaide-Valcarlos, e Maximiliano Barrios, xerente da Asociación de Municipios del Camino de Santiago.
Un equipo da USC acometerá a escavación arqueolóxica da necrópole medieval de San Vicente de Trigás, no lugar do Combarro, pertencente ao Concello de Mondoñedo. A intervención permitirá comprender mellor distintos aspectos das sociedades e da economía na Alta Idade Media a través dun estudo interdisciplinario formado por especialistas en arqueoloxía, antropoloxía e historia medieval.
Desvelouse o misterio. Este ano o Dinoseto morre batallando con Akira, e dominado polo seu gran poder psíquico. A escena podemos vela no cartel da sétima edición do GFFF e está inspirada no filme Akira, anime xaponés de culto estreado en 1988 ao que o Galician Freaky Film Festival rende homenaxe na súa sétima edición. O Galician Freaky Film Festival celébrase entre o 22 e o 30 de setembro en diferentes espazos da Praza Elíptica.
