viernes, 23 de octubre de 2026
O cartel foi presentado esta mañá en Vigo diante do protagonista, o Dinoseto, coa presenza de membros do equipo entre os que estaban Juan de Castro (director do GFFF) e Miriam Ãlvarez (subdirectora); asà como o concelleiro-delegado de cultura do Concello de Vigo, Gorka Gómez. Gómez amosou o seu convencimento de que "Vigo é xa a capital do cine freak de Galicia". Pola súa banda, Juan de Castro (director do festival), definiu o freakismo cinematográfico como “un xénero inmortal, que continúa a ser dos máis consumidos pese ás crises ou cambios de plataforma". Tamén recalcou o carácter lúdico e gamberro do certame, afastado dos convencionalismos.
Os responsables recordaron que o Galician Freaky Film Festival celébrase entre o 22 e o 30 de setembro en diferentes espazos da Praza ElÃptica. As proxeccións serán nos Cines Tamberlick, recentemente reformados e reinaugurados; mentres que as actividades paralelas celebraranse na Sala Apostrophe.
En canto á programación adiantaron que haberá unha decena de bloques de curtametraxes internacionais de terror, ciencia ficción e humor; a proxección de Akira en 4K; a terceira edición do Pequefreak e unha feira de arte, literatura e cultura xaponesa.
Cartel e homenaxe a Akira
Como cada edición, desde a número 0, o cartel é obra do ilustrador e animador galego Paulo Mosca, coñecido polo seu trazo fino e a incorporación do humor nos seus traballos; e da deseñadora gráfica viguesa MarÃa Llauger. Nel observamos unha distopÃa futurista na que destaca o Dinoseto implosionando pola acción de Akira no medio da rÃa de Neo-Vigo, logo de arrasar a Ponte de Rande nunha encarnizada batalla.
Como anunciado hai uns meses, Akira é o filme homenaxeado este ano no Galician Freaky Film Festival e será proxectado na gran pantalla e en 4K para desfrute dos fans deste clásico do anime xaponés.
Case 600 curtametraxes recibidas
Pechado o perÃodo de recepción de curtametraxes a organización define o recibido como "unha boa colleita de 592 pezas". A maior parte delas veñen de España, pero tamén hai curtas chegadas de Francia, Corea do sur, Arxentina, Brasil, Rusia e Colombia. Destacan os traballos enviados desde Indiestory, importante produtora surcoreana e Je Regarde, estudo francés centrado na animación.
Ademais do recibido, o equipo de programación do Galician Freaky Film Festival, procura os mellores filmes do último ano nos festivais de xénero máis importantes do mundo, como Animac, Fantaspoa ou Clermont Ferrand.
VIGO, CAPITAL DO FRIKISMO
O Galician Freaky Film Festival é o evento de cinema e cultura freak definitivo. Un festival que amosa unha coidada selección nacional e internacional de pezas audiovisuais que adoitan verse privadas das canles habituais de distribución. Pezas moitas veces inéditas en Galicia, con estreas mundiais, internacionais e nacionais.
O GFFF ten todos os ingredientes para convertir a Vigo na cidade de peregrinación freak, onde o seu exército poderá volver a gozar do festival, unha experiencia que vai alén do cinematográfico para converterse nunha experiencia de comunidade.
A sétima edición celebrarase os dÃas 22, 23, 27, 28, 29 e 30 de setembro en Vigo.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañÃas, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artÃstico durante a presentación.
