Archivo (9 del 2019)

Buscador

Noticias

Os escolares de Ourense participarán a partir desta semana en tres xornadas organizadas por Parque Tecnolóxico de Galicia-Tecnópole co obxectivo de impulsar as vocacións científicas e tecnolóxicas entre as rapazas. Logo do éxito acadado coas dúas xornadas celebradas en 2018, Tecnópole amplía así a súa participación na iniciativa “Ciencia e Tecnoloxía en Feminino”, promovida pola Asociación de Parques Científicos e Tecnolóxicos de España (APTE).
A Consellería de Medio Ambiente, Territorio e Vivenda declarará a emerxencia cinexética temporal en catro áreas galegas que agrupan máis dunha trintena de concellos galegos. Esta medida abarca a 33 municipios, 76 tecores (terreos cinexéticamente ordenados) e 10 zonas libres, é dicir, case un 42% da superficie de Galicia, que representa un total de 481.170 ha., concretamente nas comarcas de Betanzos- Eume, Terra Chá, Viana e Deza.
Foi presentada a segunda edición dos premios Economía Azul, un recoñecemento aos mellores proxectos sustentables das zonas pesqueiras de Galicia postos en marcha ao abeiro das axudas para proxectos dos grupos de acción local do sector pesqueiro. A diferencia da edición anterior, esta inclúe unha nova categoría para premiar a economía circular nas zonas costeiras, que se suma ás de apoio á pesca costeira artesanal, creación de emprego no sector pesqueiro e marítimo, diversificación e innovación local.
Estes premios recoñecen os mellores expedientes en cada un dos tres primeiros anos de todos os graos oficiais impartidos no SUG, co obxectivo de motivar ao alumnado universitario para mellorar o seu currículo e recoñecer a súa actitude de compromiso co seu proceso formativo e o seu mérito e esforzo no estudo. Trátase, por tanto, de estimular o aproveitamento académico dos estudantes e incentivar a excelencia.
Como aperitivo da semana grande de concertos do novo festival Ateneo Barroco, comezamos coas actividades complementarias gratuítas. De vocación divulgativa e didáctica, estas actividades complementarias comezan con dúas sesións “cinematográficas”, comezando coa participación do arpista compostelán Manuel Vilas, creador dunha singular proposta en directo na que a arpa serve de vehículo de transporte para un “travelling” moi especial ao longo de 50 anos de historia do cinema.
Coma ven sendo habitual, os organizadores do Galician Freaky Film Festival presentaron esta mañá o cartel do evento ós pes do Dinoseto para obter a súa bendición. A segunda edición (tras unha edición 0 e máis a #1 Edition) busca manter os pilares sobre os que se cimenta o festival: gamberrismo, diversión e frikismo túzaro. A alma da Xeración Xabarín convertida en festa e culto cinematográfico ó gore, ó terror, á ciencia ficción, á fantasía e á serie B.
Entre as propostas destaca a realización dun mural en directo a cargo de Yoseba MP, dentro da súa serie Fenómenos do rural, e a actuación de Inmaculate Fools o sábado. No marco desta edición do FICRURAL vai haber unha exposición sobre o artista galego Yoseba MP e o seu singular proxecto creativo Fenómenos do rural, centrado en mulleres do rural.
O escritor Valentín Alvite (Vimianzo, 1959) coa novela "Antía e Daren e os pequenos detectives" é o gañador da XII edición do Premio Raína Lupa de Literatura Infantil e Xuvenil da Deputación da Coruña. O xurado decidiu declarar finalista a novela "A noite da deusa" da autoría de María López Sandez. "Antía e Daren e os pequenos detectives" é, segundo o xurado, "unha novela de misterio presidida polo humor". Destaca a "orixinalidade da historia que sae das liñas habituais da literatura infantil máis recente".
A Administración autonómica contará cun Plan de capacitación dixital do empregado público dirixido a todas as persoas que traballan nas administracións públicas galegas e que permitirá acadar o certificado galego de competencias dixitais. Estase a traballar na concreción deste marco de competencias dixitais, recollido na Lei de Administración Dixital de Galicia (LEDIXGA), e que se prevé que estea regulado no 2020.
Un grupo de investigadores da USC, Girona, Oxford e Iowa identificaron novos usos terapéuticos da nicotina na loita contra a obesidade. O traballo agora presentado na revista Nature Communications identificou que a nicotina induce o ‘pardecemento’ do tecido adiposo branco ao actuar no cerebro. Dende a perspectiva do control do peso corporal, a posibilidade de converter a graxa branca en parda supón contar cun novo ‘interruptor’ na loita contra a obesidade.
« Anterior | 1  de  4 | Siguiente »

Archivo

2020 (200)

2019 (435)

PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania