Buscador
Noticias
As praias agochan moito máis que area entre as súas ondas. Co obxectivo de comprender mellor os procesos costeiros e os efectos do cambio climático, o Centro de Investigación Mariña da Universidade de Vigo (CIM-UVigo) impulsa Iberarenum, un innovador proxecto de ciencia cidadá que invita a persoas de todas as idades a participar na creación do primeiro banco nacional de area de praia da península ibérica.
'desenvolvemento urbano' é o título do relatorio co que Nerea M. Otero Vale abre as Xornadas de Nova Investigación que o Instituto de Estudos e Desenvolvemento de Galicia (IDEGA) desenvolve ao longo dos meses de marzo, abril e maio na Facultade de Humanidades do Campus de Lugo da USC. Esta primeira sesión, explican dende o IDEGA, promete ser unha excelente oportunidade para coñecer de primeira man a investigación en curso sobre rehabilitación urbana.
O Salón Artesoado do Colexio de Fonseca acolle a exposición 'Narcisa e os monos voadores', un proxectivo expositivo-colaborativo de investigación emocional, plástica e estética sobre o trastorno narcisista xestado por Ana Costas para oito artistas coa colaboración de Carlos Villanueva. A inauguración foi presidida pola vicerreitora de Estudantes e Cultura da USC, Pilar Murias Fernández, e nela interviñeron tamén as artistas Ana Costas e Rita Mas e a psicóloga Cecilia Cardero.
Samsung España anunciou nun acto celebrado en Madrid o lanzamento de The Mind Guardian1, unha innovadora aplicación gamificada baseada en intelixencia artificial, que presenta unha proba de autoavaliación de memoria para o cribado a gran escala de signos de deterioración cognitiva, un síntoma común nas fases temperás de enfermidades como o Alzheimer. Detrás deste avance atópase un equipo de investigadores do Centro de Investigación de Tecnoloxías da Telecomunicación da Universidade de Vigo, atlanTTic
Case o 68% da poboación mundial é usuaria da internet. Todo o tráfico anual da rede supón 100 Zettabytes. As emisións de C02 de Netflix nun día equivalen a un coche dando 3.248 voltas ao mundo. Publicar un reel de 15 segundos en Instagram consome a mesma enerxía que postear 8 fotos. Son algúns dos datos que a experta Coral Calero, catedrática da Universidade de Castela - A Mancha, mostrou no CITIC da UDC.
Arrancaron hai apenas uns meses e por diante teñen tres anos para conseguir aplicar modelos avanzados de evolución molecular á predición da evolución de distintas proteínas de virus que son diana de terapias antiretrovirais e que, polo tanto, poderían usarse para o deseño de novas vacinas e tratamentos. Falamos do grupo de investigación Evolución Molecular Computacional do CINBIO, o Centro de Investigación en Nanomateriais e Biomedicina da Universidade de Vigo.
A UDC inaugura o luns 10 de marzo o ciclo de cinema documental 'Reflexos do Ártico', unha proposta audiovisual que achega ao público a realidade dunha das rexións máis extremas e fascinantes do planeta. O evento terá lugar na Sala de Exposicións de NORMAL, o Espazo de Intervención Cultural da UDC, onde se proxectarán unha coidada selección de filmes que retratan a vida cotiá, os cambios climáticos e os desafíos culturais das poboacións do Ártico.
A Banda de Música Municipal de Caldas de Reis será a protagonista do Concerto de Primavera que a Vicerreitoría do campus promove un ano máis coa colaboración do Concello de Pontevedra. Baixo o título de 'Conceptos sonoros', este espectáculo combinará a música de cámara con pezas tradicionais galegas e reunirá o 14 de marzo preto dun centenar de músicos no Pazo da Cultura.
O Grupo HISTAGRA da USC, vencellado ao centro de investigación CISPAC, será quen elabore para o Goberno de España o censo estatal de vítimas da Guerra Civil e a ditadura para o período 1936-1939 así como unha proposta metodolóxica preliminar para a ampliación temporal do censo ao período 1940-1942, ambos os dous espazos de tempo con maior número de vítimas mortais.
A Universidade de Santiago comezou co seu programa de actividades culturais e reivindicativas para conmemorar o 8M Día Internacional das Mulleres, que terá o seu acto institucional central o luns 10. Foi no Claustro Alto de Fonseca onde se inaugurou a mostra '8 mulleres galegas que moveron os marcos', que recolle o perfil de mulleres pioneiras, con moi diversas traxectorias vitais, cuxo denominador común é ter sido quen de internarse en territorios reservados, polo común, aos homes.
