Noticias tecnologia
Ponse en marcha a primeira edición do Plan de Promoción do Talento Dixital de Galicia co obxectivo de reducir a fenda entre a dispoñibilidade de traballadores con competencias dixitais e a crecente demanda destes perfís no mercado laboral. Dito plan engloba 30 iniciativas con máis de 2.500 prazas en tres eixos de actuación: o impulso das vocacións STEM, a promoción da adaptación aos novos perfís dixitais e a formación de E-líders para a transformación dixital.
O 60% das empresas TIC galegas sinala que é difícil ou moi difícil contratar persoal con formación específica en TIC, especialmente pola carencia de candidatos coa formación precisa. A pesar destas dificultades, o 24,4% das empresas TIC galegas ten previsto contratar novo persoal relacionado co ámbito tecnolóxico nos vindeiros anos, un 4,3% máis que o ano anterior. O informe sinala que preto do 34%. do persoal do sector ten titulación de grao superior ou media e o 27,2% dos empregados posúe ciclos formativos relacionados coas TIC.
A Mobile World Capital Barcelona (MWCapital) aposta por Galicia e pola cidade da Coruña para celebrar o seu primeiro evento fóra de Cataluña. Entre o 21 e 28 de novembro, Mobile Week Coruña ofrecerá unha programación transversal e gratuíta en máis de 20 espazos ao longo dos 10 distritos da cidade da Coruña, a súa área metropolitana e a Cidade da Cultura, de Santiago de Compostela. Relatorios, charlas mesas redondas, demostracións, exposicións de arte, talleres e xornadas infantís, entre outras, darán lugar a abordar os retos, os límites e as oportunidades de transformación dixital.
A directora da Axencia para a Modernización Tecnolóxica de Galicia (Amtega), Mar Pereira, e o director de Innovación e Negocio da CRTVG, José Pereira, inauguraron esta mañá na Cidade da Cultura o Workshop de Consultas ao mercado para o desenvolvemento de proxectos innovadores no ámbito dos contidos dixitais interactivos. Ambas entidades están a colaborar para adaptar as emisións do ente público ás novas demandas de consumo, no marco do Plan de acción para o impulso aos contidos dixitais en Galicia, DICO Mindset.
Segundo os datos do primeiro semestre, o 53% dos trámites realizáronse en liña, a través da sede electrónica ou dalgunha das oficinas virtuais, o que supón un crecemento de nove puntos con respecto ao mesmo período de 2017, onde a porcentaxe de documentos presentados a través de internet foi do 44%. Confírmase tamén un importante incremento no uso que fan os funcionarios da Plataforma de interoperabilidade Pasaxe!, que evita que aos cidadáns volver presentar documentos que xa están en poder da Administración.
Trátase dun programa para impulsar o retorno de investigadores, doutores e profesionais de alta cualificación con traxectorias consolidadas na área de I+D+I. Desenvolverán proxectos de investigación, desenvolvemento e innovación en empresas, organismos de investigación non universitario e centros tecnolóxicos. Este novo programa está incluído no Plan Galicia Innova e compleméntase con outros como o Oportunius ou o programa Principia, que ten permitido desde a súa posta en marcha a incorporación de 372 profesionais menores de 35 anos en 158 entidades.
A Fundación Vodafone e a Axencia para a Modernización Tecnolóxica de Galicia (Amtega) en colaboración coa a Rede CeMIT continúan traballando para impulsar o uso dos smartphones e as tabletas entre as persoas maiores. Os ciclos Aprende a usar o teu smartphone e Aprende a usar a túa tablet. retomaranse en setembro e prolongaranse ata novembro nas localidades de Brión, Oroso, Pontedeume, e Ribadeo. De cara a darlle continuidade a esta programación, a Fundación Vodafone renovou parte do material cedido para a realización destas actividades con 7 novas tabletas.
A Plataforma É-Saúde, ferramenta dixital dirixida a pacientes e cidadáns que permite acceder a unha serie de servizos interactivos e contidos personalizados de saúde dende calquera dispositivo conectado a internet, vén de ser nominada finalista aos premios New Medical Economics 2018 na categoría de mellor proxecto en saúde dixital 2018. É-Saúde conta, actualmente, cun total de 51.000 usuarios. Cada semana realízanse 400 novas altas a este servizo, ao que cada día acceden unha media de 2.500 persoas dadas de alta.
A Axencia para a Modernización Tecnolóxica de Galicia (Amtega) está a desenvolver o Plan de Acción en Software Libre 2018, que recolle un total de 110 actuacións co obxectivo de fomentar e promover o uso e reutilización de software libre na administración pública, o impulso dunha oferta de solucións libres e de calidade para as nosas empresas, e incrementar o uso e coñecemento do software libre por parte da sociedade. Como xa vén sendo habitual, unha parte moi importante destas actuacións desenvolveranse en colaboración dos principais axentes do ecosistema de software libre galego.
O 79,3% dos concellos galegos que dispoñen dun sitio web contan con sede electrónica, o que supón un incremento do 49,9% nos últimos dous anos. Así se desprende dos resultados do informe 'A Administración electrónica nos concellos galegos', que publica hoxe o Observatorio da Sociedade da Información e a Modernización de Galicia (OSIMGA), adscrito á Axencia para a Modernización Tecnolóxica de Galicia (Amtega). Este informe está incluído no Plan Galego de Estatística 2017-2021 e avalía cada dous anos a situación das infraestruturas, equipamento e nivel de desenvolvemento da sede electrónica nos concellos, entre outros indicadores.
Investigadores de USC e Vigo acaban de comparar a dinámica xeográfica de expansión da gripe e da covid-19, evidenciando a singularidade desta última, máis heteroxénea e susceptible ás medidas adoptadas para mitigar a súa propagación. Os científicos desenvolveron unha técnica capaz de predicir a evolución das pandemias a partir da construción dun arquivo de patróns dinámicos observados no pasado.
Do 16 ao 20 de xullo A Coruña acolle este congreso no que se dan cita preto de 200 investigadores internacionais que tratarán estudos sobre os mecanismos moleculares implicados no desenvolvemento de enfermidades neurodexenerativas, cardíacas ou cancro, e outras nas que alteracións nestas proteínas están implicadas no seu desenvolvemento e progreso.
A cidade alemá de Múnic acolleu do 5 ao 9 de xullo a celebración da Air Cargo Challenge, considerada unha das competicións interuniversitarias de enxeñaría aeronáutica máis importantes de Europa, na que participaron 26 equipos universitarios de 13 países. Entre eles por primeira vez houbo representación galega, o equipo de aeromodelismo da Universidade de Vigo, UVigo Aerotech.
Un novo traballo publicado en Nature, no que participaron as investigadoras do Instituto Galego de Física de Altas Enerxías (IGFAE) Dolores Cortina Gil e Beatriz Fernández Domínguez, anuncia a primeira observación dun estado de materia exótica formado por só catro neutróns: o tetraneutrón. Unha das procuras continuas dende hai seis décadas en física nuclear consiste en saber se poden existir sistemas case-ligados formados unicamente por neutróns.
A Facultade de Ciencias da Educación da Universidade da Coruña acollerá os vindeiros días 12 a 15 de xullo o 11º Congreso Iberoamericano en Investigación Cualitativa, organizado Mercedes González Sanmamed (UDC), e Antonio Pedro Costa (Universidade de Aveiro). Trátase dun evento anual que reúne representantes da comunidade científica internacional para traballar nesta área de investigación.
A Universidade da Coruña posiciónase na élite da formación naval tras asinar un acordo con Siemens para poñer en marcha unha Aula no Campus Industrial de Ferrol coa que impulsar a formación en transformación dixital do sector. O reitor, Julio Abalde, e o director do Centro de Excelencia do Sector Naval (CESENA) de Siemens, Javier Fernández, asinaron o convenio de colaboración para a dotación dunha aula específica coas ferramentas de Siemens para a construción naval.
A análise química das bágoas humanas cobrou unha grande importancia nos últimos anos debido ao enorme potencial destes fluídos como fonte de biomarcadores de diferentes doenzas. Diversos estudos sobre as secrecións lacrimais mostraron resultados prometedores na diagnose de diversas enfermidades.
Afundación e ILUX Visual Technologies presentan 'AI: More than human', un proxecto expositivo inmersivo e interactivo sobre intelixencia artificial creado polo Barbican Centre de Londes e coproducido polo Forum Groningen de Países Baixos. Cunha impoñente montaxe que ocupará todo o edificio da Sede Afundación da Coruña, 'AI: More than human' conforma un estudo sen precedentes dos avances tanto creativos coma científicos da intelixencia artificial.
Desde a metodoloxía máis fundamental ata as aplicacións máis novidosas da química computacional abordarán ata o vindeiro día 24 nas súas poñencias e exposicións, os preto de 250 investigadores e investigadoras internacionais que asisten en Vigo á 12ª edición do Congress on Electronic Structure Principles and Applications (ESPA- 2022).
O regreso do catedrático de Química Física Luis Liz-Marzán á Universidade de Vigo para poñer en marcha un novo grupo de investigación no Centro de Investigacións Biomédicas, Cinbio, comeza a deixar pegada na institución olívica. Da súa man, e en colaboración co Cinbio, os vindeiros días 4 e 5 de xullo celebrarase a primeira edición do The Thinking Institute.
